The Bible

Ta mee moylley hiu Phebe nyn shuyr, ee ta ny sharvaant da'n agglish ta ec Cenchrea.

I commend unto you Phebe our sister, which is a servant of the church which is at Cenchrea:

Dy gow shiu r'ee ayns y Chiarn, myr te cooie da nooghyn, as dy gooin shiu lh'ee ayns cooish erbee vees feme eck erriu: son t'ee er choyrt oltagh-bea da ymmodee, as dou hene myrgeddin.

That ye receive her in the Lord, as becometh saints, and that ye assist her in whatsoever business she hath need of you: for she hath been a succourer of many, and of myself also.

Bannee-jee Priscilla as Aquila my cho-laboree ayns Creest Yeesey:

Greet Priscilla and Aquila my helpers in Christ Jesus:

Ren, dy hauail my vioys, coyrt ayns dangeyr ny mwannalyn oc hene: dauesyn cha nee mish my lomarcan ta coyrt booise, agh myrgeddin ooilley kialteenyn ny Hashoonee.

Who have for my life laid down their own necks: unto whom not only I give thanks, but also all the churches of the Gentiles.

Bannee-jee myrgeddin ny Creesteenyn t'ayns y thie oc. Bannee-jee my charrey graihagh Epenetus, yn chied-vess dy Chreest ayns Achaia.

Likewise greet the church that is in their house. Salute my well-beloved Epaenetus, who is the firstfruits of Achaia unto Christ.

Bannee-jee Moirrey, t'er ve feer dooie dooin.

Greet Mary, who bestowed much labour on us.

Bannee-jee Andronicus as Junia my gheiney-mooinjerey as my heshaghyn-pryssoonee, ta jeh goo ooasle mastey ny ostyllyn, va myrgeddin ayns Creest roym's.

Salute Andronicus and Junia, my kinsmen, and my fellow-prisoners, who are of note among the apostles, who also were in Christ before me.

Bannee-jee Amplias shynney lhiam ayns y Chiarn.

Greet Amplias my beloved in the Lord.

Bannee-jee Urbane m'ercoonee ayns Creest, as Stachys shynney lhiam.

Salute Urbane, our helper in Christ, and Stachys my beloved.

Bannee-jee Apelles firrinagh ayns Creest. Bannee-jee adsyn ta jeh lught-thie Aristobulus.

Salute Apelles approved in Christ. Salute them which are of Aristobulus' household.

Bannee-jee Herodian my ghooinney mooinjerey. Bannee-jee adsyn ta jeh lught thie Narcissus, ta ayns y Chiarn.

Salute Herodion my kinsman. Greet them that be of the household of Narcissus, which are in the Lord.

Bannee-jee Tryphena as Tryphosa, ta laboraght ayns y Chiarn. Bannee-jee Persis ennoil, ren laue shirveish ayns obbyr y Chiarn.

Salute Tryphena and Tryphosa, who labour in the Lord. Salute the beloved Persis, which laboured much in the Lord.

Bannee-jee Rufus reiht liorish y Chiarn, as y voir echeysyn as aym's.

Salute Rufus chosen in the Lord, and his mother and mine.

Bannee-jee Asyncritus, Phlegon, Hermas, Patrobas, as ny braaraghyn ta mâroo.

Salute Asyncritus, Phlegon, Hermas, Patrobas, Hermes, and the brethren which are with them.

Bannee-jee Philologus, as Julia Nereus, as e huyr, as Olympas, as ooilley ny nooghyn ta mâroo.

Salute Philologus, and Julia, Nereus, and his sister, and Olympas, and all the saints which are with them.

Bannee-jee y cheilley lesh paag chasherick. Ta kialteenyn Chreest dy nyn mannaghey.

Salute one another with an holy kiss. The churches of Christ salute you.

Nish ta mee guee erriu, vraaraghyn gow-jee tastey jeusyn ta kyndagh jeh anvea as scammyltyn, ta noi'n chredjue ta shiuish er n'ynsaghey; as chea-jee voue.

Now I beseech you, brethren, mark them which cause divisions and offences contrary to the doctrine which ye have learned; and avoid them.

Son cha vel nyn lheid shirveish nyn Jiarn Yeesey Creest, agh nyn molg hene; as liorish goan aalin as glare vrynneragh t'ad molley creeaghyn yn vooinjer ôney.

For they that are such serve not our Lord Jesus Christ, but their own belly; and by good words and fair speeches deceive the hearts of the simple.

Son ta'n viallys euish er ny imraa mastey dy chooilley ghooinney. Ta mee er-y-fa shen goaill boggey er y lieh eu: agh ny yeih baillym shiu ve tastagh gys shen ny ta mie, as ôney mychione olk.

For your obedience is come abroad unto all men. I am glad therefore on your behalf: but yet I would have you wise unto that which is good, and simple concerning evil.

As nee'n Jee dy hee dy gerrit Noid-ny-hanmey y vroo fo nyn gassyn. Grayse nyn Jiarn Yeesey Creest dy row mêriu. Amen.

And the God of peace shall bruise Satan under your feet shortly. The grace of our Lord Jesus Christ be with you. Amen.

Ta Timotheus my heshey-obbree, as Lucius, as Jason, as Sosipater my gheiney-mooinjerey bannaghey shiu.

Timotheus my workfellow, and Lucius, and Jason, and Sosipater, my kinsmen, salute you.

Ta mish Tertius, ren shoh y scrieu bannaghey shiu ayns y Chiarn.

I Tertius, who wrote this epistle, salute you in the Lord.

Ta Gaius ren oltagh-bea y choyrt dooys, as da'n slane agglish, dy vannaghey shin. Ta Erastus stiurt yn ard-valley dy nyn mannaghey, as Quartus ta braar Creestee.

Gaius mine host, and of the whole church, saluteth you. Erastus the chamberlain of the city saluteth you, and Quartus a brother.

Grayse nyn Jiarn Yeesey Creest dy row mêriu ooilley. Amen.

The grace of our Lord Jesus Christ be with you all. Amen.

Nish dasyn ta pooaral dy niartaghey shiu cordail rish yn sushtal aym's, as preacheil Yeesey Creest, (cordail rish soilshaghey yn folliaght, v'er ny cheiltyn er dy hoshiaght y theihll

Now to him that is of power to stablish you according to my gospel, and the preaching of Jesus Christ, according to the revelation of the mystery, which was kept secret since the world began,

Agh ta nish jeant cronnal, as liorish scriptyryn ny phadeyryn, cordail rish sarey yn Jee dy bragh farraghtyn, er ny hoilshaghey da dy chooilley ashoon son biallys da'n chredjue).

But now is made manifest, and by the scriptures of the prophets, according to the commandment of the everlasting God, made known to all nations for the obedience of faith:

Gys yn ynrycan Jee creeney dy row gloyr trooid Yeesey Creest son dy bragh. Amen.

To God only wise, be glory through Jesus Christ for ever. Amen.