The Bible

Nagh vel shiu toiggal, vraaraghyn, son (ta mee loayrt roosyn ta toiggal y leigh) kys dy vel pooar ec y leigh harrish dooinney, choud as t'eh bio?

Know ye not, brethren, (for I speak to them that know the law,) how that the law hath dominion over a man as long as he liveth?

Son ta'n ven ta sheshey eck, kianlt liorish y leigh da'n sheshey eck choud as t'eh bio. agh my ta'n sheshey marroo t'ee feayshlit voish leigh yn sheshey eck.

For the woman which hath an husband is bound by the law to her husband so long as he liveth; but if the husband be dead, she is loosed from the law of her husband.

Myr shen eisht my vees ee, choud as ta'n sheshey eck bio, poost rish dooinney elley, bee ee kyndagh jeh brishey-poosey: agh my ta'n sheshey eck marroo, t'ee feayshlit veih'n leigh shen; myr shen cha vel ee brishey-poosey, ga dy bee ee poost rish dooinney elley.

So then if, while her husband liveth, she be married to another man, she shall be called an adulteress: but if her husband be dead, she is free from that law; so that she is no adulteress, though she be married to another man.

Shen-y-fa, my vraaraghyn, ta shiuish myrgeddin marroo gys y leigh liorish corp Chreest; dy voddagh shiu ve poost rish fer elley, dy jarroo rishyn ta troggit veih ny merriu, dy voddagh shin mess y ymmyrkey magh da Jee.

Wherefore, my brethren, ye also are become dead to the law by the body of Christ; that ye should be married to another, even to him who is raised from the dead, that we should bring forth fruit unto God.

Son tra va shin ayns yn eill, ren yeearreeyn peccoil va liorish y leigh, gobbraghey ayns nyn oltyn dy ymmyrkey magh mess gys baase.

For when we were in the flesh, the motions of sins, which were by the law, did work in our members to bring forth fruit unto death.

Agh nish ta shin livreit veih'n leigh marroo gys shen fo va shin freilt; dy voddagh shin shirveish ayns spyrryd noa, as cha nee ayns y chenn letter.

But now we are delivered from the law, that being dead wherein we were held; that we should serve in newness of spirit, and not in the oldness of the letter.

Cre jir mayd eisht? vel y leigh peccah? ny lhig eh Jee. Dy jarroo, cha row fys er ve aym cre va peccah, agh liorish y leigh: son cha row fys er ve aym cre va saynt, er-be dy dooyrt y leigh, Cha der oo saynt.

What shall we say then? Is the law sin? God forbid. Nay, I had not known sin, but by the law: for I had not known lust, except the law had said, Thou shalt not covet.

Agh peccah goaill vondeish liorish yn anney, ren gobbraghey aynym dy chooilley haynt. Son fegooish y leigh ta peccah marroo.

But sin, taking occasion by the commandment, wrought in me all manner of concupiscence. For without the law sin was dead.

Son va mish dy jarroo bio un cheayrt fegooish y leigh; agh tra haink yn anney, vio-ee peccah, as va mish marroo.

For I was alive without the law once: but when the commandment came, sin revived, and I died.

As yn anney v'er ny oardaghey son bioys, hooar mee dy ve baase.

And the commandment, which was ordained to life, I found to be unto death.

Son peccah goaill vondeish liorish yn anney, ren m'y volley, as liorish ren eh m'y varroo.

For sin, taking occasion by the commandment, deceived me, and by it slew me.

Myr shen ta'n leigh casherick; as ta'n anney casherick, as cairagh, as mie.

Wherefore the law is holy, and the commandment holy, and just, and good.

Vel shen eisht va mie, er jeet dy ve baase dou? Ny lhig eh Jee. Agh peccah; dy voddagh eh ve soilshit dy ve peccah, gobbraghey baase aynym's liorish shen ta mie, dy voddagh peccah liorish yn anney cheet dy ve erskyn towse peccoil.

Was then that which is good made death unto me? God forbid. But sin, that it might appear sin, working death in me by that which is good; that sin by the commandment might become exceeding sinful.

Son ta fys ain dy vel y leigh spyrrydoil: agh ta mish callinagh creckit fo peccah.

For we know that the law is spiritual: but I am carnal, sold under sin.

Son ny ta mee jannoo, cha vel mee lowal jeh: son shen ny baillym, cha vel mee jannoo; agh ny ta dwoaie aym er, shen ta mee jannoo.

For that which I do I allow not: for what I would, that do I not; but what I hate, that do I.

My ta mish eisht jannoo shen nagh baillym, ta mee goaill-rish y leigh, dy vel eh mie.

If then I do that which I would not, I consent unto the law that it is good.

Nish eisht cha nee mee hene ta ny sodjey dy yannoo eh, agh peccah ta baghey aynym.

Now then it is no more I that do it, but sin that dwelleth in me.

Son ta fys aym, nagh vel aynym's, (ta shen, ayns m'eill) red erbee mie cummal: son ta my aigney arryltagh, agh dy yannoo shen ta mie, cha vel eh cheet lhiam.

For I know that in me (that is, in my flesh,) dwelleth no good thing: for to will is present with me; but how to perform that which is good I find not.

Son y vie shen baillym, cha vel mee jannoo: agh yn olk nagh naillym, shen ta mee jannoo.

For the good that I would I do not: but the evil which I would not, that I do.

Nish my ta mee jannoo shen nagh naillym, cha nee ny smoo mish ta dy yannoo eh, agh peccah ta baghey aynym.

Now if I do that I would not, it is no more I that do it, but sin that dwelleth in me.

Ta mee feddyn leigh eisht, tra baillym mie y yannoo, dy vel olk goll marym.

I find then a law, that, when I would do good, evil is present with me.

Son ta taitnys aym ayns leigh Yee, cordail rish y dooinney er cheu-sthie.

For I delight in the law of God after the inward man:

Agh ta mee gennaghtyn leigh elley ayns my oltyn, caggey noi leigh my aigney, as dy my hayrn fo bondiaght gys y leigh dy pheccah, t'ayns my oltyn.

But I see another law in my members, warring against the law of my mind, and bringing me into captivity to the law of sin which is in my members.

O s'treih'n dooinney mee! quoi nee my livrey veih corp y vaase shoh!

O wretched man that I am! who shall deliver me from the body of this death?

Ta mee cur booise da Jee, trooid Yeesey Creest nyn Jiarn. Myr shen eisht, ta mish mee-hene lesh m'aigney shirveish leigh Yee; agh lesh yn eill, leigh peccah.

I thank God through Jesus Christ our Lord. So then with the mind I myself serve the law of God; but with the flesh the law of sin.