- 1 Samuel
- 2 Samuel
- 1 Kings
- 2 Kings
- 1 Chronicles
- 2 Chronicles
- Psalm 1
- Song of Solomon
- 1 Corinthians
- 2 Corinthians
- 1 Thessalonians
- 2 Thessalonians
- 1 Timothy
- 2 Timothy
- 1 Peter
- 2 Peter
- 1 John
- 2 John
- 3 John
Cre jir mayd eisht? jean mayd tannaghtyn ayns peccah, dy vod grayse bishaghey?
What shall we say then? Shall we continue in sin, that grace may abound?
Ny lhig eh Jee. kys oddys shinyn ta marroo gys peccah, baghey ny-sodjey ain?
God forbid. How shall we, that are dead to sin, live any longer therein?
Nagh vel fys eu, dy row whilleen j'inyn as va er nyn mashtey ayns Yeesey Creest, er nyn mashtey gys y baase echey?
Know ye not, that so many of us as were baptized into Jesus Christ were baptized into his death?
Shen-y-fa ta shin oanluckit mârishyn liorish bashtey gys baase; 'naght myr va Creest troggit seose veih ny merriu liorish gloyr yn Ayr, dy jarroo myr shen lhisagh shin myrgeddin gimmeeaght ayns bea noa.
Therefore we are buried with him by baptism into death: that like as Christ was raised up from the dead by the glory of the Father, even so we also should walk in newness of life.
Son my ta shin er ve soit cooidjagh ayns co-chaslys e vaase, bee mayd myrgeddin ayns co-chaslys yn irree-seose reesht echey:
For if we have been planted together in the likeness of his death, we shall be also in the likeness of his resurrection:
Toiggal shoh, dy vel y chenn ghooinney ain er ny chrossey marish, dy voddagh corp peccah ve er ny stroie, nagh jinnagh shin ny sodjey peccah y hirveish.
Knowing this, that our old man is crucified with him, that the body of sin might be destroyed, that henceforth we should not serve sin.
Son eshyn ta marroo, t'eh seyr veih peccah.
For he that is dead is freed from sin.
Nish my ta shin marroo marish Creest ta shin credjal dy bee mayd myrgeddin bio marish:
Now if we be dead with Christ, we believe that we shall also live with him:
Toiggal, nagh vel Creest, myr t'eh er n'irree veih ny merriu, dy gheddyn baase arragh; cha vel pooar erbee sodjey ec y vaase harrish.
Knowing that Christ being raised from the dead dieth no more; death hath no more dominion over him.
Son liorish dy dooar eh baase, hooar eh baase gys peccah un cheayrt: agh liorish dy vel eh bio, t'eh bio gys Jee.
For in that he died, he died unto sin once: but in that he liveth, he liveth unto God.
Ayns yn aght cheddin jeeagh-jee shiuish neesht erriu hene dy ve marroo dy jarroo gys peccah; agh bio gys Jee, trooid Yeesey Creest nyn Jiarn.
Likewise reckon ye also yourselves to be dead indeed unto sin, but alive unto God through Jesus Christ our Lord.
Ny lhig da peccah er-y-fa shen reill ayns nyn girp marvaanagh, dy jinnagh shiu e y hirveish ayns ny yeearreeyn eck.
Let not sin therefore reign in your mortal body, that ye should obey it in the lusts thereof.
Chamoo livrey-jee seose nyn oltyn myr greinyn dy neu-chairys gys peccah: agh livrey-jee shiu hene seose gys Jee, myr adsyn ta bio veih ny merriu; as nyn oltyn myr greinyn dy chairys gys Jee.
Neither yield ye your members as instruments of unrighteousness unto sin: but yield yourselves unto God, as those that are alive from the dead, and your members as instruments of righteousness unto God.
Son cha bee pooar ec peccah harrishdiu: son cha vel shiu fo'n leigh, agh fo grayse.
For sin shall not have dominion over you: for ye are not under the law, but under grace.
Cre eisht? der mayd rish peccah, er-yn-oyr nagh vel shiu fo'n leigh, agh fo grayse? ny lhig eh Jee.
What then? shall we sin, because we are not under the law, but under grace? God forbid.
Nagh vel fys eu, da quoi-erbee ta shiu kiangley shiu hene sharvaantyn dy chur biallys, ny sharvaantyn echeysyn ta shiu da ta shiu coyrt biallys; edyr jeh peccah gys baase, ny jeh biallys gys-cairys?
Know ye not, that to whom ye yield yourselves servants to obey, his servants ye are to whom ye obey; whether of sin unto death, or of obedience unto righteousness?
Agh booise dy row gys Jee, son wheesh as dy row shiu roïe sharvaantyn peccah, dy vel shiu nish er choyrt biallys veih'n chree da'n cummey dy ynsagh v'er ny livrey diu.
But God be thanked, that ye were the servants of sin, but ye have obeyed from the heart that form of doctrine which was delivered you.
Er nyn seyrey eisht veih peccah, haink shiu dy ve sharvaantyn dy chairys.
Being then made free from sin, ye became the servants of righteousness.
Ta mee loayrt lurg cliaghtey deiney, er coontey annooinid yn eill eu: son 'naght myr ta shiu er livrey seose ny oltyn eu dy ve sharvaantyn gys neu-ghlennid, as veih mee-chairys gys mee-chairys; myr shen jean-jee nish livrey seose ny oltyn eu sharvaantyn dy ynrickys, gys casherickys.
I speak after the manner of men because of the infirmity of your flesh: for as ye have yielded your members servants to uncleanness and to iniquity unto iniquity; even so now yield your members servants to righteousness unto holiness.
Son tra va shiu nyn sharvaantyn dy pheccah, va shiu fegooish ynrickys.
For when ye were the servants of sin, ye were free from righteousness.
Cre'n mess v'eu eisht ayns ny reddyn shen jeu ta shiu nish goaill nearey? son ta jerrey ny reddyn shen baase.
What fruit had ye then in those things whereof ye are now ashamed? for the end of those things is death.
Agh nish myr ta shiu er nyn seyrey veih peccah, as er jeet dy ve nyn sharvaantyn dy Yee, ta eu nyn mess gys casherickys, as y jerrey echey yn vea dy bragh farraghtyn.
But now being made free from sin, and become servants to God, ye have your fruit unto holiness, and the end everlasting life.
Son she faill peccah yn baase: agh she gioot Yee yn vea dy bragh beayn, trooid Yeesey Creest nyn Jiarn.
For the wages of sin is death; but the gift of God is eternal life through Jesus Christ our Lord.