- 1 Samuel
- 2 Samuel
- 1 Kings
- 2 Kings
- 1 Chronicles
- 2 Chronicles
- Psalm 1
- Song of Solomon
- 1 Corinthians
- 2 Corinthians
- 1 Thessalonians
- 2 Thessalonians
- 1 Timothy
- 2 Timothy
- 1 Peter
- 2 Peter
- 1 John
- 2 John
- 3 John
Shen-y-fa er nyn seyrey liorish credjue ta shee ain rish Jee, trooid nyn Jiarn Yeesey Creest.
Therefore being justified by faith, we have peace with God through our Lord Jesus Christ:
Liorishyn myrgeddin ta shin goit stiagh liorish credjue gys y ghrayse shoh ayn ta shin shassoo, as ta shin goaill boggey ayns treishteil dy ghloyr Yee.
By whom also we have access by faith into this grace wherein we stand, and rejoice in hope of the glory of God.
As cha nee ynrycan shen, agh ta shin goaill boggey ayns seaghyn myrgeddin, toiggal dy vel seaghyn gobbraghey meenid;
And not only so, but we glory in tribulations also: knowing that tribulation worketh patience;
As meenid, prowal; as prowal treishteil;
And patience, experience; and experience, hope:
As cha vel treishteil jannoo shin lhag-chreeagh, er-y-fa dy vel graih Yee deayrtit magh ayns nyn greeaghyn, liorish yn Spyrryd Noo t'er ny choyrt dooin.
And hope maketh not ashamed; because the love of God is shed abroad in our hearts by the Holy Ghost which is given unto us.
Son choud as va shin foast annoon, ayns traa cooie duillee Creest baase son ny mee-chrauee.
For when we were yet without strength, in due time Christ died for the ungodly.
Son s'coan son dooinney cairagh ragh: fer dy baase: ga son dooinney mie yinnagh paart eer baase y hurranse.
For scarcely for a righteous man will one die: yet peradventure for a good man some would even dare to die.
Agh ta Jee soilshaghey magh e ghraih hooinyn, choud as va shin foast nyn beccee hur Creest baase er nyn son.
But God commendeth his love toward us, in that, while we were yet sinners, Christ died for us.
Foddey smoo eisht, myr ta shin nish er nyn seyrey liorish e uill, bee mayd er nyn sauail voish jymmoose ny hrooidsyn.
Much more then, being now justified by his blood, we shall be saved from wrath through him.
Son choud as va shin ayns stayd dy noidys, my va shin coardit rish Jee liorish baase e Vac: foddey smoo, myr ta shin nish goit stiagh gys shee, vees mayd er nyn sauail liorish e vioys.
For if, when we were enemies, we were reconciled to God by the death of his Son, much more, being reconciled, we shall be saved by his life.
As cha nee ynrycan shen, agh ta shin goaill boggey ayns Jee, trooid nyn jiarn Yeesey Creest, liorishyn ta shin nish er n'gheddyn y choardail.
And not only so, but we also joy in God through our Lord Jesus Christ, by whom we have now received the atonement.
Shen-y-fa, myr liorish un dooinney haink peccah stiagh 'sy theihll, as baase liorish peccah; as myr shen jimmee'n baase er dy chooilley ghooinney, son dy vel ooilley er n'yannoo peccah.
Wherefore, as by one man sin entered into the world, and death by sin; and so death passed upon all men, for that all have sinned:
Son derrey'n leigh, va peccah 'sy theihll; agh cha row peccah er ny choyrt gys lieh dooinney raad nagh row leigh erbee.
(For until the law sin was in the world: but sin is not imputed when there is no law.
Ny-yeih ren baase reill veih Adam derrey Moses, dy jarroo harroosyn nagh row er n'yannoo peccah lurg sampleyr loght Adam, va co-chaslys jehsyn va dy heet.
Nevertheless death reigned from Adam to Moses, even over them that had not sinned after the similitude of Adam's transgression, who is the figure of him that was to come.
Agh cha nee myr ta'n loght, myr shen neesht ta'n gioot arryltagh. Son my she shen kyndagh rish peccah un er, dy daink baase er ymmodee; foddey smoo ta grayse Yee, as y gioot trooid grayse, ta liorish un dooinney Yeesey Creest, er roshtyn er ymmodee.
But not as the offence, so also is the free gift. For if through the offence of one many be dead, much more the grace of God, and the gift by grace, which is by one man, Jesus Christ, hath abounded unto many.
As cha nee myr ve liorish un dooinney ren peccah, myr shen ta'n gioot: son va'n vriwnys liorish unnane gys kerraghey; agh ta'n gioot arryltagh gys seyrsnys veih ymmodee peccaghyn.
And not as it was by one that sinned, so is the gift: for the judgment was by one to condemnation, but the free gift is of many offences unto justification.
Son my she liorish peccah un dooinney, ta baase reill trooid un er; foddey smoo nee adsyn t'er gheddyn slane towse dy ghrayse, as jeh'n ghioot dy chairys, reill ayns bea liorish un er, Yeesey Creest.
For if by one man's offence death reigned by one; much more they which receive abundance of grace and of the gift of righteousness shall reign in life by one, Jesus Christ.)
Shen-y-fa myr liorish peccah un er, haink briwnys er dy chooilley ghooinney gys deyrey: myr shen myrgeddin liorish cairys fer, haink yn gioot arryltagh er dy chooilley ghooinney dy heyrey ad gys bea.
Therefore as by the offence of one judgment came upon all men to condemnation; even so by the righteousness of one the free gift came upon all men unto justification of life.
Son myr liorish mee-viallys un dooinney va ymmodee jeant nyn beccee: myr shen myrgeddin liorish biallys un er, bee ymmodee jeant cairagh.
For as by one man's disobedience many were made sinners, so by the obedience of one shall many be made righteous.
Agh haink y leigh stiagh, dy voddagh loght ve ny s'cronnal: agh raad vishee peccah, ren grayse bishaghey foddey smoo:
Moreover the law entered, that the offence might abound. But where sin abounded, grace did much more abound:
Naght myr ta peccah er reill gys baase, eer myr shen dy voddagh grayse reill trooid cairys gys y vea ta dy bragh farraghtyn, liorish Yeesey Creest nyn Jiarn.
That as sin hath reigned unto death, even so might grace reign through righteousness unto eternal life by Jesus Christ our Lord.