The Bible

Nish mysh y traa shen heeyn Herod yn ree magh e laueyn dy yannoo tranlaase er shiartanse jeh'n agglish.

Now about that time Herod the king stretched forth his hands to vex certain of the church.

As varr eh Jamys braar Ean lesh y chliwe.

And he killed James the brother of John with the sword.

As er-y-fa dy dug eh tastey by-haittyn lesh ny Hewnyn shen, hie eh ny sodjey er e hoshiaght dy ghoaill Peddyr neesht. (Va shen rish feailley ny Caisht).

And because he saw it pleased the Jews, he proceeded further to take Peter also. (Then were the days of unleavened bread.)

As tra v'eh er ghoaill eh, hug eh eh ayns pryssoon, as livrey eh eh fo currym kiare fileyn dy hidooryn dy reayll eh, kiarail lurg y Chaisht dy chur lesh eh magh gys y pobble.

And when he had apprehended him, he put him in prison, and delivered him to four quaternions of soldiers to keep him; intending after Easter to bring him forth to the people.

Va Peddyr er-y-fa shen er ny reayll ayns pryssoon; agh va padjer kinjagh er ny ghoaill gys Jee er e hon.

Peter therefore was kept in prison: but prayer was made without ceasing of the church unto God for him.

As tra baillish Herod v'er choyrt lesh magh eh, yn oie cheddin va Peddyr ny chadley eddyr daa hidoor kianlt lesh daa gheuley as dreill y watch ec y dorrys arrey er y phryssoon.

And when Herod would have brought him forth, the same night Peter was sleeping between two soldiers, bound with two chains: and the keepers before the door kept the prison.

As cur-my-ner, haink ainle y Chiarn huggey, as ren soilshey soilshean ayns y phryssoon: as woaill eh Peddyr er y lhiattee, as ghooisht eh eh, gra, Irree seose dy tappee. As huitt ny geulaghyn jeh e laueyn.

And, behold, the angel of the Lord came upon him, and a light shined in the prison: and he smote Peter on the side, and raised him up, saying, Arise up quickly. And his chains fell off from his hands.

As dooyrt yn ainle rish, Cur dty chryss ort, as kiangle ort dty vraagyn: As ren eh shen. As dooyrt eh rish, Cur mood dty gharmad, as eiyr orrym's.

And the angel said unto him, Gird thyself, and bind on thy sandals. And so he did. And he saith unto him, Cast thy garment about thee, and follow me.

As hie eh magh as deiyr eh er, as cha row fys echey dy row eh dy jarroo myr va'n ainle er n'yannoo: agh er-lesh dy nee ashlish v'eh dy akin.

And he went out, and followed him; and wist not that it was true which was done by the angel; but thought he saw a vision.

Tra v'ad er gholl shaghey yn chied as yn nah ghard, haink ad gys y ghiat yiarn ta leeideil gys yn ard-valley, as doshil eh daue jeh hene: as hie ad magh as jimmee ad trooid un straïd, as chelleeragh daag yn ainle eh.

When they were past the first and the second ward, they came unto the iron gate that leadeth unto the city; which opened to them of his own accord: and they went out, and passed on through one street; and forthwith the angel departed from him.

As tra va Peddyr er jeet huggey hene dooyrt eh, Nish ta fys aym son shickyrys dy vel y Chiarn er choyrt e ainle dy my livrey veih laue Herod, as veih ooilley ny va kiarit m'oi liorish pobble ny Hewnyn.

And when Peter was come to himself, he said, Now I know of a surety, that the Lord hath sent his angel, and hath delivered me out of the hand of Herod, and from all the expectation of the people of the Jews.

As tra v'eh er smooinaghtyn er y chooish, haink eh gys thie Voirrey moir Ean va sliennooit Mark, raad va ymmodee er nyn jaglym cooidjagh ec padjer.

And when he had considered the thing, he came to the house of Mary the mother of John, whose surname was Mark; where many were gathered together praying.

As tra va Peddyr er chronkal ec dorrys y ghiat, haink ben-aeg va enmyssit Rhoda dy enaght quoi v'ayn.

And as Peter knocked at the door of the gate, a damsel came to hearken, named Rhoda.

As tra hug ee enney er coraa Pheddyr cha doshil ee yn giat son boggey, agh roie ee stiagh as dinsh ee daue dy row Peddyr ny hassoo ec y ghiat.

And when she knew Peter's voice, she opened not the gate for gladness, but ran in, and told how Peter stood before the gate.

Dooyrt adsyn r'ee, T'ou ass dty cheeayl. Agh ren ish dy jeean shickyraghey dy row eh eer myr shen. Eisht dooyrt ad, She yn ainle echey t'ayn.

And they said unto her, Thou art mad. But she constantly affirmed that it was even so. Then said they, It is his angel.

Agh chum Peddyr cronkal ec y dorrys: as tra v'ad er vosley da, as er vakin dy nee eh v'ayn, ghow ad lane yindys.

But Peter continued knocking: and when they had opened the door, and saw him, they were astonished.

Agh chrie eshyn e laue orroo ad dy ve nyn dhost, as hoilshee eh daue kys va'n Chiarn er chur lesh eh ass y phryssoon. As dooyrt eh, Insh-jee ny reddyn shoh da Jamys, as da ny braaraghyn. As jimmee eh roish, as hie eh gys ynnyd elley.

But he, beckoning unto them with the hand to hold their peace, declared unto them how the Lord had brought him out of the prison. And he said, Go shew these things unto James, and to the brethren. And he departed, and went into another place.

Nish cha leah as va'n laa ayn, cha nee yn beggan anvea va mastey ny sidooryn cre'n erree v'er jeet er Peddyr.

Now as soon as it was day, there was no small stir among the soldiers, what was become of Peter.

As tra va Herod er n'yannoo briaght er, as nagh dooar eh skeeal jeh, deysht eh ny sidooryn, as doardee eh ad dy v'er ny choyrt gy-baase. As hie eh sheese veih Judea gys Cesarea, as duirree eh ayns shen

And when Herod had sought for him, and found him not, he examined the keepers, and commanded that they should be put to death. And he went down from Judaea to Caesarea, and there abode.

As va Herod ayns noidys dewil rish cummaltee Tyre as Sidon: agh haink ad lesh un aigney huggey, as hooar ad stiagh rish Blastus, shamyrder y ree, as hir ad shee; er coontey dy row yn cheer oc cummit seose liorish cheer y ree

And Herod was highly displeased with them of Tyre and Sidon: but they came with one accord to him, and, having made Blastus the king's chamberlain their friend, desired peace; because their country was nourished by the king's country.

As er laa pointit hug Herod er e choamrey reeoil, as hoie eh er e stoyl reeoil, as loayr eh roo ayns glare mooar floaoil.

And upon a set day Herod, arrayed in royal apparel, sat upon his throne, and made an oration unto them.

As dyllee yn pobble, She coraa Yee t'ayn, as cha nee coraa dooinney.

And the people gave a shout, saying, It is the voice of a god, and not of a man.

As chelleeragh woaill ainle y Chiarn eh, er-yn-oyr nagh dug eh yn gloyr da Jee: as v'eh eeit ec ny crooagyn, as shen myr hooar eh baase.

And immediately the angel of the Lord smote him, because he gave not God the glory: and he was eaten of worms, and gave up the ghost.

Agh ren goo Yee gaase as bishaghey.

But the word of God grew and multiplied.

As haink Barnabas as Saul back veih Jerusalem, tra v'ad er chooilleeney yn chirveish oc, as hug ad lhieu maroo Ean va sliennooit Mark.

And Barnabas and Saul returned from Jerusalem, when they had fulfilled their ministry, and took with them John, whose surname was Mark.