The Bible


As va aigney Saul lhieu ayns y choyrt eh gy-baase. As ec y traa shen va tranlaase er ny yannoo er yn agglish va ec Jerusalem; as v'ad ooilley er nyn skeayley magh trooid cheeraghyn Yudea as Samaria, cheu mooie jeh ny ostyllyn.

And Saul was consenting unto his death. And at that time there was a great persecution against the church which was at Jerusalem; and they were all scattered abroad throughout the regions of Judaea and Samaria, except the apostles.


As hrog deiney crauee lhieu Steaon dy oanluckey eh, as ren ad dobberan hrimshagh harrish.

And devout men carried Stephen to his burial, and made great lamentation over him.


Agh ren Saul cragh jeh, jeh'n agglish, goll stiagh ayns thieyn, as sleodey magh deiney as mraane, as dyn dilgey ad ayns pryssoon.

As for Saul, he made havock of the church, entering into every house, and haling men and women committed them to prison.


Shen-y-fa hie yn vooinjer v'er nyn skeayley magh, trooid ymmodee ardjyn, preacheil y goo.

Therefore they that were scattered abroad went every where preaching the word.


Agh hie Philip sheese gys ard-valley Samaria, as ren eh Creest y phreacheil daue.

Then Philip went down to the city of Samaria, and preached Christ unto them.


As hug yn pobble geill lesh un aigney da'n goo va Philip dy loayrt, clashtyn as fakin ny mirrilyn v'eh dy yannoo.

And the people with one accord gave heed unto those things which Philip spake, hearing and seeing the miracles which he did.


Son va Spyrrydyn neu-ghlen, geamagh lesh ard-choraa, cheet magh ass ymmodee va seaghnit lhieu: as va ymmodee va'n palsee orroo, as va baccagh er ny lheihys.

For unclean spirits, crying with loud voice, came out of many that were possessed with them: and many taken with palsies, and that were lame, were healed.


As va boggey mooar ayns yn ard-valley shen.

And there was great joy in that city.


Agh va dooinney dy row enmyssit Simon, va er chliaghtey obbeeys 'syn ard-valley cheddin, as er chur shaghrynys er pobble Samaria, boggyssagh jeh hene dy ve ny ard-ghooinney ennagh.

But there was a certain man, called Simon, which beforetime in the same city used sorcery, and bewitched the people of Samaria, giving out that himself was some great one:


Da shoh v'ad ooilley cur tastey, beg as mooar, gra, Yn dooinney shoh pooar vooar Yee.

To whom they all gave heed, from the least to the greatest, saying, This man is the great power of God.


As da shoh v'ad arrymagh, er-y-fa dy row eh ry-foddey er chur shaghrynys orroo leih yn obbeeys echey.

And to him they had regard, because that of long time he had bewitched them with sorceries.


Agh tra v'ad er chredjal Philip, preacheil ny reddyn va bentyn rish reeriaght Yee, as ennym Yeesey Creest, v'ad er nyn mashtey chammah deiney as mraane.

But when they believed Philip preaching the things concerning the kingdom of God, and the name of Jesus Christ, they were baptized, both men and women.


As va Simon hene er hyndaa gys y chredjue: as tra v'eh er ny vashtey, duirree eh marish Philip, goaill yindys, as cur tastey da ny mirrilyn as ny cowraghyn v'er nyn obbraghey.

Then Simon himself believed also: and when he was baptized, he continued with Philip, and wondered, beholding the miracles and signs which were done.


Nish tra va ny ostyllyn va ec Jerusalem er chlashtyn dy row Samaria er ghoaill goo Yee, hug ad huc Peddyr as Ean.

Now when the apostles which were at Jerusalem heard that Samaria had received the word of God, they sent unto them Peter and John:


As tra v'ad er jeet neose, ghuee ad er nyn son dy voddagh ad y Spyrryd Noo y gheddyn.

Who, when they were come down, prayed for them, that they might receive the Holy Ghost:


(Son cha row eh foast er duittym er veg jeu: agh v'ad ynrycan er nyn mashtey ayns ennym y Chiarn Yeesey.)

(For as yet he was fallen upon none of them: only they were baptized in the name of the Lord Jesus.)


Eisht hug ad nyn laueyn orroo, as hooar ad y Spyrryd Noo.

Then laid they their hands on them, and they received the Holy Ghost.


As tra honnick Simon dy row yn Spyrryd Noo er ny choyrt liorish goll-fo-laue ny hostyllyn, heb eh daue argid,

And when Simon saw that through laying on of the apostles' hands the Holy Ghost was given, he offered them money,


Gra, Cur-jee dooys neesht yn phooar shoh, quoi-erbee ver-ym my laueyn er, dy vod eh yn Spyrryd Noo y gheddyn.

Saying, Give me also this power, that on whomsoever I lay hands, he may receive the Holy Ghost.


Agh dooyrt Peddyr rish, Lhig da dty argid as oo hene cherraghtyn cooidjagh, er yn-oyr dy vel oo er smooinaghtyn dy vod gioot Yee ve kionnit lesh argid.

But Peter said unto him, Thy money perish with thee, because thou hast thought that the gift of God may be purchased with money.


Cha vel aart ny paart ayd 'sy chirveish shoh: son cha vel dty chree ynrick ayns shilley Yee.

Thou hast neither part nor lot in this matter: for thy heart is not right in the sight of God.


Gow arrys er-y-fa shen jeh dty olkys, as guee gys Jee, hoiggal dy vod smooinaght yn dty chree v'er ny leih dhyt.

Repent therefore of this thy wickedness, and pray God, if perhaps the thought of thine heart may be forgiven thee.


Son hee-ym dy vel oo ayns y ghall dy herriuid, as yn gheuley dy vee-chraueeaght.

For I perceive that thou art in the gall of bitterness, and in the bond of iniquity.


Eisht dreggyr Simon, as dooyrt eh, Guee-jee shiuish gys y Chiarn er my hon nagh jig veg jeh ny reddyn ta shiuish er loayrt, orrym.

Then answered Simon, and said, Pray ye to the Lord for me, that none of these things which ye have spoken come upon me.


As tra v'ad er n'ymmyrkey feanish as er phreacheil goo yn Chiarn, hie ad reesht gys Jerusalem, as ren ad y sushtal y phreacheil ayns ymmodee jeh baljyn ny Samaritanee.

And they, when they had testified and preached the word of the Lord, returned to Jerusalem, and preached the gospel in many villages of the Samaritans.


As loayr ainle y Chiarn rish Philip gra, Trog ort, as immee my-yiass, gys y raad goll sheese veih Jerusalem gys Gaza, trooid yn aasagh.

And the angel of the Lord spake unto Philip, saying, Arise, and go toward the south unto the way that goeth down from Jerusalem unto Gaza, which is desert.


As hrog eh er, as jimmee eh: as cur-my-ner dooinney jeh Ethiopia, ny eunuch, as ayns ard-oik fo Candace ben-reïn ny Ethiopianee, fo'n churrym echey va ooilley ny tashtaghyn eck, va er jeet gys Jerusalem dy ooashlaghey Jee,

And he arose and went: and, behold, a man of Ethiopia, an eunuch of great authority under Candace queen of the Ethiopians, who had the charge of all her treasure, and had come to Jerusalem for to worship,


As myr v'eh er y raad thie, ny hoie ayns e ainagh, as lhaih Esaias yn phadeyr.

Was returning, and sitting in his chariot read Esaias the prophet.


Eisht dooyrt y Spyrryd rish Philip, Immee er-gerrey as jean sheshaght rish yn ainagh shoh,

Then the Spirit said unto Philip, Go near, and join thyself to this chariot.


As roie Philip huggey, as cheayll eh eh lhaih yn phadeyr Esaias, as dooyrt eh, Vel oo toiggal cre t'ou dy lhaih?

And Philip ran thither to him, and heard him read the prophet Esaias, and said, Understandest thou what thou readest?


As dooyrt eh, Kys oddym, mannagh bee fer ennagh aym dy chur roym? as ghuee eh er Philip eh dy heet seose, as dy hoie mârish.

And he said, How can I, except some man should guide me? And he desired Philip that he would come up and sit with him.


Yn ayrn jeh'n scriptyr v'eh dy lhaih she shoh ve, V'eh er ny leeideil myr keyrrey gys y skynn, as myr yn eayn balloo roish e lommyrtagh, myr shen cha doshil eshyn e veeal:

The place of the scripture which he read was this, He was led as a sheep to the slaughter; and like a lamb dumb before his shearer, so opened he not his mouth:


Kyndagh rish e injillid va e vriwnys er ny chassey: as quoi oddys fockley-magh e ghooghys [flaunyssagh]? son va e vioys goit ersooyl veih'n thalloo.

In his humiliation his judgment was taken away: and who shall declare his generation? for his life is taken from the earth.


As dansoor yn eunuch, as dooyrt eh rish Philip, Guee-ym ort, quoi jeh ta'n phadeyr loayrt shoh, nee jeh hene, ny jeh dooinney ennagh elley?

And the eunuch answered Philip, and said, I pray thee, of whom speaketh the prophet this? of himself, or of some other man?


Eisht doshil Philip e veeal, as ghow eh toshiaght ec y scriptyr cheddin, as ren eh Yeesey y phreacheil da.

Then Philip opened his mouth, and began at the same scripture, and preached unto him Jesus.


As myr v'ad goll er y raad, haink ad gys ushtey dy row: as dooyrt yn eunuch Jeeagh, shoh ushtey; cre ta dy my lhiettal's dy ve bashtit?

And as they went on their way, they came unto a certain water: and the eunuch said, See, here is water; what doth hinder me to be baptized?


As dooyrt Philip, My t'ou credjal lesh ooilley dty chree, foddee oo. As dreggyr eshyn as dooyrt eh, Ta mee credjal dy nee Yeesey Creest mac Yee.

And Philip said, If thou believest with all thine heart, thou mayest. And he answered and said, I believe that Jesus Christ is the Son of God.


As doardee eh da'n ainagh shassoo: as hie ad ny-neesht sheese ayns yn ushtey chammah Philip as yn eunuch; as vasht eh eh.

And he commanded the chariot to stand still: and they went down both into the water, both Philip and the eunuch; and he baptized him.


As tra v'ad er jeet seose ass yn ushtey, hrog Spyrryd y Chiarn lesh Philip ersooyl nagh vaik yn eunuch eh arragh: as hie eh er y raad goaill boggey.

And when they were come up out of the water, the Spirit of the Lord caught away Philip, that the eunuch saw him no more: and he went on his way rejoicing.


Agh va Philip er ny gheddyn ec Azotus, as goll er e hoshiaght ren eh yn sushtal y phreacheil ayns ooilley ny ard valjyn, derrey haink eh gys Cesarea.

But Philip was found at Azotus: and passing through he preached in all the cities, till he came to Caesarea.