The Bible


As myr va Yeesey goll shaghey, honnick eh dooinney v'er ny ruggey doal.

And as Jesus passed by, he saw a man which was blind from his birth.


As denee e ostyllyn jeh, gra, Vainshter quoi ren peccah, eh shoh ny e ayr as e voir, dy row eh er ny ruggey doal?

And his disciples asked him, saying, Master, who did sin, this man, or his parents, that he was born blind?


Dreggyr Yeesey, Cha nee son peccah dy ren eh shoh, ny e ayr as e voir: agh dy vod dagh obbraghyn Yee v'er nyn soilshaghey magh ayn.

Jesus answered, Neither hath this man sinned, nor his parents: but that the works of God should be made manifest in him.


Shegin dooys gobbraghey ny obbraghyn echeysyn t'er my choyrt, choud as ta'n laa ayn: ta'n oie cheet tra nagh vod dooinney erbee gobbraghey.

I must work the works of him that sent me, while it is day: the night cometh, when no man can work.


Choud as ta mee ayns y theihll, mee soilshey yn theihll.

As long as I am in the world, I am the light of the world.


Tra v'eh erreish shoh y loayrt, cheau eh shelley er y thalloo, as ren eh cray jeh'n shelley, as hug eh yn chray rish sooillyn y dooinney doal.

When he had thus spoken, he spat on the ground, and made clay of the spittle, and he anointed the eyes of the blind man with the clay,


As dooyrt eh rish, Immee as oonlee oo hene ayns poyll Siloam (ta shen 'sy ghlare ainyn, Er ny choyrt) Hie eh roish er-y-fa shen, as doonlee eh eh-hene, as haink eh as e hoilshey echey.

And said unto him, Go, wash in the pool of Siloam, (which is by interpretation, Sent.) He went his way therefore, and washed, and came seeing.


Dooyrt ny naboonyn er-y-fa shen, as adsyn va roie er vakin eh dy row eh doal, Nagh nee shoh eshyn boallagh soie shirrey jeirk?

The neighbours therefore, and they which before had seen him that he was blind, said, Is not this he that sat and begged?


Dooyrt paart, She shoh eh: dooyrt feallagh elley, T'eh goll-rish: agh dooyrt eh hene, She mish eh.

Some said, This is he: others said, He is like him: but he said, I am he.


Shen y fa dooyrt ad rish, Kys va dty hooillyn er nyn vosley?

Therefore said they unto him, How were thine eyes opened?


Dreggyr eshyn as dooyrt eh, Ren dooinney va enmyssit Yeesey, cray, as hug eh rish my hooillyn eh, as dooyrt eh rhym, Immee gys poyll Siloam, as oolee oo hene: as hie mee, as doonlee mee mee-hene, as hooar mee my hoilshey.

He answered and said, A man that is called Jesus made clay, and anointed mine eyes, and said unto me, Go to the pool of Siloam, and wash: and I went and washed, and I received sight.


Eisht dooyrt ad rish, Cre vel eh? Dooyrt eshyn, Cha s'aym.

Then said they unto him, Where is he? He said, I know not.


Hug ad lhieu gys ny Phariseeyn eshyn va roish shen doal.

They brought to the Pharisees him that aforetime was blind.


As she er y doonaght va Yeesey er n'yannoo yn chray, as er vosley ny sooillyn echey.

And it was the sabbath day when Jesus made the clay, and opened his eyes.


Eisht denee ny Phariseeyn jeh reesht, kys v'eh er gheddyn e hoilshey. Dooyrt eh roo, Hug eh cray er my hooillyn, as doonlee mee, as ta mee fakin.

Then again the Pharisees also asked him how he had received his sight. He said unto them, He put clay upon mine eyes, and I washed, and do see.


Shen-y-fa dooyrt paart jeh ny Phariseeyn, Cha vel y dooinney shoh veih Jee, er-yn-oyr nagh vel eh freayll yn doonaght. Dooyrt feallagh elley, Kys oddys dooinney ta ny ghrogh-yantagh lheid ny mirrilyn y yannoo? As va streeu nyn mast' oc.

Therefore said some of the Pharisees, This man is not of God, because he keepeth not the sabbath day. Others said, How can a man that is a sinner do such miracles? And there was a division among them.


Dooyrt ad rish y dooinney doal reesht, Cre t'ou uss dy ghra my-e-chione, dy doshil eh dty hooillyn? Dooyrt eh, She phadeyr eh.

They say unto the blind man again, What sayest thou of him, that he hath opened thine eyes? He said, He is a prophet.


Agh cha ren ny Hewnyn credjal mychione echey, dy row eh er ve doal, as dy dooar eh e hoilshey reesht, derrey deie ad er yn ayr as yn voir echeysyn v'er gheddyn e hoilshey.

But the Jews did not believe concerning him, that he had been blind, and received his sight, until they called the parents of him that had received his sight.


As denee ad jeu, gra, Nee shoh yn mac euish, ta shiu gra va er ny ruggey doal? kys eisht t'eh nish fakin?

And they asked them, saying, Is this your son, who ye say was born blind? how then doth he now see?


Dreggyr e ayr as e voir ad, gra, Ta fys ain dy nee shoh yn mac ain, as dy row eh er ny ruggey doal:

His parents answered them and said, We know that this is our son, and that he was born blind:


Agh kys t'eh nish fakin, cha s'ain; ny quoi t'er vosley ny sooillyn echey, cha vel fys ain: t'eh ec eash, fenee-jee jehsyn, loayree eh er e hon hene.

But by what means he now seeth, we know not; or who hath opened his eyes, we know not: he is of age; ask him: he shall speak for himself.


Ny goan shoh loayr e ayr as e voir, son dy row ad ayns aggle roish ny Hewnyn: son va ny Hewnyn er choardail hannah, my ghoghe dooinney erbee rish dy nee eh va'n Creest, dy beagh eh er ny ghiarey magh ass y synagogue.

These words spake his parents, because they feared the Jews: for the Jews had agreed already, that if any man did confess that he was Christ, he should be put out of the synagogue.


Shen-y-fa dooyrt yn ayr as y voir echey, T'eh ec eash, fenee-jee jeh hene.

Therefore said his parents, He is of age; ask him.


Eisht deie ad reesht er y dooinney v'er ny ve doal, as dooyrt ad rish, Cur y moylley da Jee: ta fys ain dy nee drogh-ghooinney eh shoh.

Then again called they the man that was blind, and said unto him, Give God the praise: we know that this man is a sinner.


Dreggyr eshyn, as dooyrt eh, Cha s'aym's dy nee drogh-ghooinney eh: un red ta fys aym er, dy row mee doal, as nish dy vel my hoilshey aym.

He answered and said, Whether he be a sinner or no, I know not: one thing I know, that, whereas I was blind, now I see.


Eisht dooyrt ad rish reesht, Cre ren eh rhyt? kys doshil eh dty hooillyn?

Then said they to him again, What did he to thee? how opened he thine eyes?


Dreggyr eshyn ad, Ta mee er n'insh diu hannah, as cha dug shiu geill: cre'n-fa bailliu y chlashtyn reesht eh? vel shiuish myrgeddin son goaill-rish yn ynsagh echeysyn?

He answered them, I have told you already, and ye did not hear: wherefore would ye hear it again? will ye also be his disciples?


Eisht doltooan ad eh, as dooyrt ad, T'ou uss 'syn ynsaghey echeysyn: agh ta shinyn ayns ynsaghey Voses.

Then they reviled him, and said, Thou art his disciple; but we are Moses' disciples.


Ta fys ain dy loayr Jee rish Moses: agh son eh shoh, cha s'ain cre veih t'eh.

We know that God spake unto Moses: as for this fellow, we know not from whence he is.


Dreggyr y dooinney as dooyrt eh roo, Ta shen red yindyssagh, nagh s'eu cre veih t'eh? as ny-yeih dy vel eh er vosley my hooillyn's.

The man answered and said unto them, Why herein is a marvellous thing, that ye know not from whence he is, and yet he hath opened mine eyes.


Nish ta fys ain nagh vel Jee cur clashtyn da drogh-yantee: agh my ta dooinney erbee cur ooashley da Jee, as jannoo e aigney, dasyn t'eh cur clashtyn.

Now we know that God heareth not sinners: but if any man be a worshipper of God, and doeth his will, him he heareth.


Er-dy hoshiaght y theihll cha row eh er ny chlashtyn dy doshil dooinney erbee sooillyn fer va er ny ruggey doal.

Since the world began was it not heard that any man opened the eyes of one that was born blind.


Er-be dy vel y dooinney shoh veih Jee, cha voddagh eh nhee erbee y yannoo.

If this man were not of God, he could do nothing.


Dreggyr ad as dooyrt ad rish, V'ou uss er dty ruggey ooilley cooidjagh ayns peccaghyn, as vel oo goaill ort dy ynsaghey shinyn? As ghiare ad magh eh.

They answered and said unto him, Thou wast altogether born in sins, and dost thou teach us? And they cast him out.


Cheayll Yeesey dy row ad er yiarey magh eh; as tra v'eh er gheddyn eh, dooyrt eh rish, Vel oo credjal ayns Mac Yee?

Jesus heard that they had cast him out; and when he had found him, he said unto him, Dost thou believe on the Son of God?


Dreggyr eshyn as dooyrt eh, Quoi eh, Hiarn, dy voddym credjal ayn?

He answered and said, Who is he, Lord, that I might believe on him?


As dooyrt Yeesey rish, T'ou chammah er vakin eh, as she eshyn eh ta taggloo rhyt.

And Jesus said unto him, Thou hast both seen him, and it is he that talketh with thee.


As dooyrt eh, Hiarn, ta mee credjal. As hug eh ooashley da.

And he said, Lord, I believe. And he worshipped him.


As dooyrt Yeesey, Son briwnys haink mish gys y theihll shoh: dy vod adsyn nagh vel fakin, fakin; as adsyn ta fakin, dy vod ad v'er nyn yannoo doal.

And Jesus said, For judgment I am come into this world, that they which see not might see; and that they which see might be made blind.


As cheayll paart jeh ny Phariseeyn va marish ny goan shoh, as dooyrt ad rish, Vel shinyn doal neesht?

And some of the Pharisees which were with him heard these words, and said unto him, Are we blind also?


Dooyrt Yeesey roo, Dy beagh shiu doal, cha beagh peccah eu: agh nish ta shiu gra, Ta shin fakin; shen-y-fa ta nyn beccah tannaghtyn erriu.

Jesus said unto them, If ye were blind, ye should have no sin: but now ye say, We see; therefore your sin remaineth.