The Bible


Son ta reeriaght niau casley rish dooinney va ny er-thie, hie magh dy moghey dy ailley labreeyn son e gharey-feeyney.

For the kingdom of heaven is like unto a man that is an householder, which went out early in the morning to hire labourers into his vineyard.


As tra v'eh er choardail rish ny labreeyn son ping 'sy laa, hug eh ad stiagh ayns e gharey-feeyney.

And when he had agreed with the labourers for a penny a day, he sent them into his vineyard.


As hie eh magh mysh y trass oor, as honnick eh feallagh elley shassoo nyn daaue 'syn ynnyd-margee,

And he went out about the third hour, and saw others standing idle in the marketplace,


As dooyrt eh roo, Immee-jee shiuish myrgeddin gys y gharey-feeyney, as cre erbee ta cair, shen yiow shiu. As hie ad rhymboo.

And said unto them; Go ye also into the vineyard, and whatsoever is right I will give you. And they went their way.


Reesht hie eh magh mysh y cheyoo as yn nuyoo oor, as ren eh er yn aght cheddin.

Again he went out about the sixth and ninth hour, and did likewise.


As mysh yn un oor jeig, hie eh magh, as hooar eh feallagh elley shassoo nyn daaue, as dooyrt eh roo, Cre'n-fa ta shiu nyn shassoo ayns shoh fey ny laa nyn daaue?

And about the eleventh hour he went out, and found others standing idle, and saith unto them, Why stand ye here all the day idle?


Dooyrt adsyn rish, Er-yn-oyr nagh vel dooinney erbee er vailley shin. Dooyrt eshyn roo, Immee-jee shiuish myrgeddin gys y gharey-feeyney, as yiow shiu cre-erbee ta cair.

They say unto him, Because no man hath hired us. He saith unto them, Go ye also into the vineyard; and whatsoever is right, that shall ye receive.


Myr shen tra va'n fastyr er jeet, dooyrt chiarn y gharey-feeyney rish y stiurt echey, Eie er ny labreeyn, as cur daue nyn vaill, goaill toshiaght veih yn vooinjer s'jerree gys y chied eallagh.

So when even was come, the lord of the vineyard saith unto his steward, Call the labourers, and give them their hire, beginning from the last unto the first.


As tra haink feallagh yn un oor jeig hooar ad dagh dooinney jeu ping y pheesh.

And when they came that were hired about the eleventh hour, they received every man a penny.


Agh tra haink y chied eallagh, heill ad dy voghe ad ny smoo, as hooar adsyn myrgeddin dagh dooinney e phing.

But when the first came, they supposed that they should have received more; and they likewise received every man a penny.


As tra v'ad er ghoaill eh, ren ad tallagh noi yn er-thie.

And when they had received it, they murmured against the goodman of the house,


Trog shen ny ta lhiat, as immee royd: m'aigney's eh dy choyrt da'n fer s'jerree shoh, myr ta mee er chur dhyt's.

Saying, These last have wrought but one hour, and thou hast made them equal unto us, which have borne the burden and heat of the day.


Agh dreggyr eshyn fer jeu, gra, Heshey vie, cha vel mish jannoo aggair dhyt: nagh choard uss rhym's son ping?

But he answered one of them, and said, Friend, I do thee no wrong: didst not thou agree with me for a penny?


Trog shen ny ta lhiat, as immee royd: m'aigney's eh dy choyrt da'n fer s'jerree shoh, myr ta mee er chur dhyt's.

Take that thine is, and go thy way: I will give unto this last, even as unto thee.


Nagh vel eh lowal dou dy yannoo cre saillym rish my chooid hene? vel dty hooill's olk, er-yn-oyr dy vel mish mie?

Is it not lawful for me to do what I will with mine own? Is thine eye evil, because I am good?


Myr shen bee adsyn ta er-jerrey hoshiaght, as adsyn ta hoshiaght er-jerrey: son shimmey t'er nyn eam, agh s'tiark t'er nyn reih.

So the last shall be first, and the first last: for many be called, but few chosen.


As myr va Yeesey goll seose gys Jerusalem, ghow eh yn daa ostyl yeig dy lhiattee er y raad, as dooyrt eh roo,

And Jesus going up to Jerusalem took the twelve disciples apart in the way, and said unto them,


Cur-my-ner ta shin goll seose gys Jerusalem, as bee Mac y dooinney er ny vrah gys ny ard-saggyrtyn, as gys ny scrudeyryn, as deyree ad eh gy-baase.

Behold, we go up to Jerusalem; and the Son of man shall be betrayed unto the chief priests and unto the scribes, and they shall condemn him to death,


As livreyee ad seose eh gys ny Ashoonee, as nee ad faghid er, as eh y scuitchal, as y chrossey: as er y trass laa nee eh girree reesht (veih ny merriu).

And shall deliver him to the Gentiles to mock, and to scourge, and to crucify him: and the third day he shall rise again.


Eisht haink huggey moir cloan Zebedee, as e mec maree, cur ooashley da, as shirrey aghin er.

Then came to him the mother of Zebedees children with her sons, worshipping him, and desiring a certain thing of him.


As dooyrt eh r'ee, Cre ta dty yeearree? Dooyrt ish rish, Giall daue shoh my ghaa vac dy hoie, yn derrey yeh er dty laue yesh, as y jeh elley er dty laue hoshtal ayns dty reeriaght.

And he said unto her, What wilt thou? She saith unto him, Grant that these my two sons may sit, the one on thy right hand, and the other on the left, in thy kingdom.


Agh dreggyr Yeesey as dooyrt eh, Cha vel fys eu hene cre ta shiu dy yeearree. Vod shiu giu jeh'n cappan ta mish giu jeh, as v'er nyn mashtey lesh y bashtey ta mish dy ve bashtit lesh? Dooyrt adsyn rish, Foddee mayd.

But Jesus answered and said, Ye know not what ye ask. Are ye able to drink of the cup that I shall drink of, and to be baptized with the baptism that I am baptized with? They say unto him, We are able.


As dooyrt eh roo, Iuee shiu dy jarroo jeh my chappan, as bee shiu er nyn mashtey lesh y bashtey ta mish dy ve bashtit lesh: agh dy hoie er my laue yesh, as er my laue hoshtal, cha vel shen lhiam's dy-choyrt, agh ny-lomarcan dauesyn er nyn son te kiarit liorish my Ayr.

And he saith unto them, Ye shall drink indeed of my cup, and be baptized with the baptism that I am baptized with: but to sit on my right hand, and on my left, is not mine to give, but it shall be given to them for whom it is prepared of my Father.


As tra cheayll yn jeih shoh, v'ad feer jymmoosagh rish y daa vraar.

And when the ten heard it, they were moved with indignation against the two brethren.


Agh deïe Yeesey orroo huggey, as dooyrt eh, Ta fys eu dy vel princeyn ny Hashoonee gymmyrkey chiarnys harrystoo, as ta ny ard-gheiney gymmyrkey reill orroo.

But Jesus called them unto him, and said, Ye know that the princes of the Gentiles exercise dominion over them, and they that are great exercise authority upon them.


Agh cha bee shiuish myr shen: agh quoi-erbee jiuish baillish ve ooasle, lhig da ve nyn shirveishagh.

But it shall not be so among you: but whosoever will be great among you, let him be your minister;


As quoi-erbee baillish ve yn ard-ghooinney nyn mast' eu, lhig da ve yn charvaant eu.

And whosoever will be chief among you, let him be your servant:


Myr nagh daink yn Mac dooinney dy ve shirveishit er, agh dy hirveish, as dy chur e vioys ny lhiassaghey son ymmodee.

Even as the Son of man came not to be ministered unto, but to minister, and to give his life a ransom for many.


As tra v'ad er n'immeeaght veih Jericho deiyr earrooyn mooarey dy leih er.

And as they departed from Jericho, a great multitude followed him.


As cur-my-ner, va daa ghooinney doal nyn soie rish oirr yn raad, as tra cheayll ad dy row Yeesey goll shaghey, deïe ad, gra, Jean myghin orrin, O Hiarn, vac Ghavid.

And, behold, two blind men sitting by the way side, when they heard that Jesus passed by, cried out, saying, Have mercy on us, O Lord, thou son of David.


As hooar yn pobble foill daue, ad dy ve nyn-dhost: agh deïe adsyn wheesh shen smoo, gra, Jean myghin orrin, O Hiarn, vac Ghavid.

And the multitude rebuked them, because they should hold their peace: but they cried the more, saying, Have mercy on us, O Lord, thou son of David.


As hass Yeesey, as deïe eh orroo, as dooyrt eh, Cre bailliu mee dy yannoo er ny son eu?

And Jesus stood still, and called them, and said, What will ye that I shall do unto you?


Dooyrt adsyn rish, Hiarn, dy vod ny sooillyn ain v'er nyn vosley.

They say unto him, Lord, that our eyes may be opened.


Myr shen va chymmey ec Yeesey orroo, as venn eh rish ny sooillyn oc: as chelleeragh hooar ny sooillyn oc nyn soilshey, as deiyr ad er.

So Jesus had compassion on them, and touched their eyes: and immediately their eyes received sight, and they followed him.