The Bible

As haink eh gy-kione ayns y chiarroo vleïn jeh ree Darius, dy daink goo yn Chiarn gys Zechariah ayns y chiarroo laa jeh'n nuyoo vee, eer Chisleu.

And it came to pass in the fourth year of king Darius, that the word of the Lord came unto Zechariah in the fourth day of the ninth month, even in Chisleu;

Tra hug mee gys thie Yee Sharezer, as Regem-melech, as ny deiney oc, dy ghoaill padjer roish y Chiarn:

When they had sent unto the house of God Sherezer and Regemmelech, and their men, to pray before the Lord,

As dy loayrt rish ny saggyrtyn, va ayns thie Chiarn ny flaunyssee, as rish ny phadeyryn, gra, Vel eh orrin dy ghobberan ayns y wheiggoo vee, freayll trostey, myr ta shin er n'yannoo ny ymmodee bleeantyn shoh?

And to speak unto the priests which were in the house of the Lord of hosts, and to the prophets, saying, Should I weep in the fifth month, separating myself, as I have done these so many years?

Eisht haink goo Chiarn ny flaunyssee hym's, gra,

Then came the word of the Lord of hosts unto me, saying,

Loayr rish ooilley pobble ny cheerey, as rish ny saggyrtyn, gra, Tra ren shiu trostey as dobberan ayns y wheiggoo as ayns y chiaghtoo vee, dy jarroo son ny three-feed bleïn as jeih shen, nee er aght erbee ayns biallys dooys ren shiu ny trostaghyn shen y reayll?

Speak unto all the people of the land, and to the priests, saying, When ye fasted and mourned in the fifth and seventh month, even those seventy years, did ye at all fast unto me, even to me?

As tra ren shiu gee, as tra ren shiu giu, nagh ren shiu gee as giu lurg nyn aigney hene?

And when ye did eat, and when ye did drink, did not ye eat for yourselves, and drink for yourselves?

Nagh lhisagh shiu tastey 'choyrt da my ghoan, ta'n Chiarn er n'ockley-magh liorish ny chied phadeyryn, tra va cummaltee ayns Jerusalem, as ee hene ayns sonnys, as ny ard-valjyn eck ooilley mygeayrt-y-moee, tra va'n jiass as y cheer-rea fo slane cummaltee.

Should ye not hear the words which the Lord hath cried by the former prophets, when Jerusalem was inhabited and in prosperity, and the cities thereof round about her, when men inhabited the south and the plain?

As haink goo yn Chiarn gys Zechariah, gra,

And the word of the Lord came unto Zechariah, saying,

Myr shoh ta Chiarn ny flaunyssee loayrt, gra, Jean-jee briwnys firrinagh, as soilshee-jee myghin as erreeish dy chooilley ghooinney da e vraar.

Thus speaketh the Lord of hosts, saying, Execute true judgment, and shew mercy and compassions every man to his brother:

As ny jean-jee tranlaase er y ven-treoghe, ny er y chloan gyn-ayr, n'yn joarree, n'yn boght, as ny lhig da unnane eu smooinaghtyn er olk ayns e chree noi e vraar.

And oppress not the widow, nor the fatherless, the stranger, nor the poor; and let none of you imagine evil against his brother in your heart.

Agh dob ad clashtyn, as hyndaa ad nyn gooyl, as ghooin ad nyn gleayshyn, nagh glinnagh ad.

But they refused to hearken, and pulled away the shoulder, and stopped their ears, that they should not hear.

Dy jarroo ren ad nyn greeaghyn [cha creoi] as y chlagh adamant, nagh glinnagh ad yn leigh, as ny goan, ta Chiarn ny flaunyssee er choyrt ayns e spyrryd liorish ny chied phadeyryn: er-y-fa shen haink jymmoose vooar orroo voish Chiarn ny flaunyssee.

Yea, they made their hearts as an adamant stone, lest they should hear the law, and the words which the Lord of hosts hath sent in his spirit by the former prophets: therefore came a great wrath from the Lord of hosts.

Shen-y-fa haink eh gy-kione, myr deïe eshyn, as nagh jinnagh ad clashtyn, myr shen deïe adsyn, as cha jinnin's clashtyn, ta Chiarn ny flaunyssee dy ghra.

Therefore it is come to pass, that as he cried, and they would not hear; so they cried, and I would not hear, saith the Lord of hosts:

As skeayl mee ad lesh geay-chassee mastey ooilley ny ashoonee quaagh daue myr shoh va'n cheer ny hraartys nyn-yeï nagh jagh dooinney erbee ny-hrooid huggey ny veih: son ren ad yn cheer aalin ny hraartys.

But I scattered them with a whirlwind among all the nations whom they knew not. Thus the land was desolate after them, that no man passed through nor returned: for they laid the pleasant land desolate.