The Bible

As hyndaa mee, as hrog mee seose my hooillyn, as yeeagh mee, as cur-my-ner, haink kiare fainee magh eddyr daa slieau, as va ny sleityn sleityn prashey.

And I turned, and lifted up mine eyes, and looked, and, behold, there came four chariots out from between two mountains; and the mountains were mountains of brass.

As ayns y chied ainagh va cabbil ruy, as ayns y nah ainagh va cabbil coo.

In the first chariot were red horses; and in the second chariot black horses;

As ayns y trass ainagh va cabbil bane, as ayns y chiarroo ainagh va cabbil glass as doyn.

And in the third chariot white horses; and in the fourth chariot grisled and bay horses.

Eisht dreggyr mee, as dooyrt mee rish yn ainle va taggloo rhym, Cre t'er ny hoiggal lioroo shoh, my hiarn.

Then I answered and said unto the angel that talked with me, What are these, my lord?

As dreggyr yn ainle, as dooyrt eh rhym, T'ad shoh kiare geayghyn yn aer, ta goll magh veih fenish Chiarn y slane seihll.

And the angel answered and said unto me, These are the four spirits of the heavens, which go forth from standing before the Lord of all the earth.

As ta ny cabbil doo t'ayn, goll magh gys y cheer-twoaie, as ta ny banee goll magh geiyrt orroo; as ta ny cabbil glassey goll magh gys y cheer-jiass.

The black horses which are therein go forth into the north country; and the white go forth after them; and the grisled go forth toward the south country.

As hie ny cabbil doyn magh, as chiare ad dy gholl, as shooyl noon as noal trooid y theihll: as dooyrt eh, Reue-jee, as shooyl-jee noon as noal trooid y theihll. Myr shen hooyl ad noon as noal trooid y theill.

And the bay went forth, and sought to go that they might walk to and fro through the earth: and he said, Get you hence, walk to and fro through the earth. So they walked to and fro through the earth.

Eisht deïe eh orrym, as loayr eh rhym, gra, Cur-my-ner, t'ad shoh ta goll gys y cheer-twoaie er chiunnaghey my spyrryd noi yn cheer-twoaie.

Then cried he upon me, and spake unto me, saying, Behold, these that go toward the north country have quieted my spirit in the north country.

As haink goo yn Chiarn hym's, gra,

And the word of the Lord came unto me, saying,

Gow jeusyn jeh'n chappeeys, eer Heldai, Tobijah, as Jedaiah, t'er jeet voish Babylon, as tar uss yn laa cheddin, as immee gys thie Yosiah mac Zephaniah;

Take of them of the captivity, even of Heldai, of Tobijah, and of Jedaiah, which are come from Babylon, and come thou the same day, and go into the house of Josiah the son of Zephaniah;

Eisht gow argid as airh, as jean atteeyn, as soie ad er kione Yoshua, mac Yosedech, yn ard-saggyrt;

Then take silver and gold, and make crowns, and set them upon the head of Joshua the son of Josedech, the high priest;

As loayr uss rishyn, gra, Myr shoh ta Chiarn ny flaunyssee loayrt, gra, Cur-my-ner yn dooinney ta enmyssit yn BANGLANE, as aasee eh seose ass yn ynnyd echey, as troggee eh chiamble y Chiarn:

And speak unto him, saying, Thus speaketh the Lord of hosts, saying, Behold the man whose name is The BRANCH; and he shall grow up out of his place, and he shall build the temple of the Lord:

Nee eshyn dy jarroo troggal chiamble y Chiarn, as gymmyrkey yn ghloyr echey, as nee eh soie as reill er e stoyl-reeoil, as bee eh ny haggyrt er y stoyl-reeoil echey, as bee coonceil y chee eddyr ad ny-neesht.

Even he shall build the temple of the Lord; and he shall bear the glory, and shall sit and rule upon his throne; and he shall be a priest upon his throne: and the counsel of peace shall be between them both.

As bee ny atteeyn son imraa da Helem, as Tobijah, as da Jedaiah, as da Hen, mac Zephaniah, ayns chiamble y Chiarn.

And the crowns shall be to Helem, and to Tobijah, and to Jedaiah, and to Hen the son of Zephaniah, for a memorial in the temple of the Lord.

As hig joarreeyn veih foddey, as troggee ad chiamble y Chiarn, as bee fys euish dy vel Chiarn ny flaunyssee er my choyrt hiuish. As hig shoh gy-kione, my vees shiu imneagh dy chur biallys da coraa yn Chiarn y Jee eu.

And they that are far off shall come and build in the temple of the Lord, and ye shall know that the Lord of hosts hath sent me unto you. And this shall come to pass, if ye will diligently obey the voice of the Lord your God.