The Bible

1

Nee'm shassoo er my arrey, as soie-ym er y toor, as freill-ym arrey, dy yeeaghyn cre jir eh rhym, as cre'n ansoor ver-ym stiagh, tra hig plaiynt m'o?.

I will stand upon my watch, and set me upon the tower, and will watch to see what he will say unto me, and what I shall answer when I am reproved.

2

As dreggyr y Chiarn, as dooyrt eh, Scrieu yn ashlish, as jean eh cronnal er buird-scrieuee, dy vod eshyn roie ta lhaih eh.

And the Lord answered me, and said, Write the vision, and make it plain upon tables, that he may run that readeth it.

3

Son ta'n ashlish foast son traa ry-heet, agh ee y jerrey nee eh loayrt, as cha nee ayns fardail: ga dy vel eh lhiggey shaghey, fark er, son hig eh son shickyrys, cha jean eh cumrail.

For the vision is yet for an appointed time, but at the end it shall speak, and not lie: though it tarry, wait for it; because it will surely come, it will not tarry.

4

Cur-my-ner, cha vel yn annym echey syn ta mooaralagh, ynrick ayn: agh bee yn dooinney cairal sauchey liorish e chredjue.

Behold, his soul which is lifted up is not upright in him: but the just shall live by his faith.

5

Dy jarroo myrgeddin son dy vel eh rouanagh ayns feeyn, t'eh ny ghooinney, mooaralagh, chamoo t'eh freayll ec y thie, ta mooadaghey e vian myr yn oaie, as t'eh myr y baase, nagh vod ve jeant-magh, agh ta cruinnaghey huggey dy chooilley ashoon, as carnaneaghey da hene dy chooilley phobble:

Yea also, because he transgresseth by wine, he is a proud man, neither keepeth at home, who enlargeth his desire as hell, and is as death, and cannot be satisfied, but gathereth unto him all nations, and heapeth unto him all people:

6

Nagh jean ad shoh ooilley goaill seose coraa dorraghey n'oï, as raa floutagh my-e-chione, as gra, Smerg dasyn ta bishaghey shen nagh vel lesh hene! caïd? as dasyn ta laadey eh-hene lesh y chray trome.

Shall not all these take up a parable against him, and a taunting proverb against him, and say, Woe to him that increaseth that which is not his! how long? and to him that ladeth himself with thick clay

7

Nagh jean adsyn girree seose doaltattym, nee oo y lhottey, as nagh doostee ad, nee oo y heaghney, as bee oo spooilley daue?

Shall they not rise up suddenly that shall bite thee, and awake that shall vex thee, and thou shalt be for booties unto them?

8

Er-yn-oyr dy vel uss er roostey ymmodee ashoonyn, nee ooilley fooilliagh yn phobble uss y roostey: kyndagh rish fuill deiney, as son tranlaase y cheer, yn ard-valley, as adsyn ooilley ta cummal ayn.

Because thou hast spoiled many nations, all the remnant of the people shall spoil thee; because of men's blood, and for the violence of the land, of the city, and of all that dwell therein.

9

Smerg dasyn ta sondagh er cosney aggairagh son e hie! dy vod eh soiaghey e edd dy ard, dy vod eh ve livreït veih roshtyn yn olk.

Woe to him that coveteth an evil covetousness to his house, that he may set his nest on high, that he may be delivered from the power of evil

10

T'ou er ghoaill coyrle naareydagh noi dty hie hene, liorish giarey jeh ymmodee pobble, as t'ou er n'yannoo peccah noi dty annym.

Thou hast consulted shame to thy house by cutting off many people, and hast sinned against thy soul.

11

Son nee'n chlagh geamagh uss y voalley, as nee'n jeayst mastey'n fuygh freggyrt eh.

For the stone shall cry out of the wall, and the beam out of the timber shall answer it.

12

Smerg dasyn ta troggal balley lesh fuill, as soiaghey seose ard-valley lesh meechairys!

Woe to him that buildeth a town with blood, and stablisheth a city by iniquity

13

Cur-my-ner, nagh vel eh veih Chiarn ny flaunyssee, dy vel y sleih laboragh ayns yn eer aile, as dy vel y pobble deinagh son eer fardalys?

Behold, is it not of the Lord of hosts that the people shall labour in the very fire, and the people shall weary themselves for very vanity?

14

Son bee yn thalloo er ny lhieeney lesh tushtey gloyr y Chiarn, myr ta ny ushtaghyn coodaghey diunid ny marrey.

For the earth shall be filled with the knowledge of the glory of the Lord, as the waters cover the sea.

15

Smerg dasyn ta coyrt jough da e naboo! ta coyrt dty voteil huggey, as jannoo eh er-meshtey myrgeddin, dy yeeaghyn er nyn nearey!

Woe unto him that giveth his neighbour drink, that puttest thy bottle to him, and makest him drunken also, that thou mayest look on their nakedness

16

T'ou er dty lhieeney lesh nearey son gloyr: iu uss myrgeddin, as lhig da dty nearey ve rooisht: bee cappan laue yesh y Chiarn er ny hyndaa hood's, as bee tilgey naareydagh er dty ghloyr.

Thou art filled with shame for glory: drink thou also, and let thy foreskin be uncovered: the cup of the Lord's right hand shall be turned unto thee, and shameful spewing shall be on thy glory.

17

Son nee tranlaase Lebanon uss y choodaghey: as spooilley maase hug aggle ayndoo, kyndagh rish faill deiney, as tranlaase y cheer, yn ard-valley, as ooilley ny ta cummal ayn.

For the violence of Lebanon shall cover thee, and the spoil of beasts, which made them afraid, because of men's blood, and for the violence of the land, of the city, and of all that dwell therein.

18

Cre'n foays t'ayns yalloo grainnit, dy vel yn obbree er ghrainney eh; yn jalloo roit, as y fer-ynsee dy vreagyn, dy vel yn obbree treishteil ayns ny jallooyn balloo, obbyr e laueyn hene?

What profiteth the graven image that the maker thereof hath graven it; the molten image, and a teacher of lies, that the maker of his work trusteth therein, to make dumb idols?

19

Smerg dasyn, ta gra rish y fuygh, Dooisht oo; rish y chlagh valloo, Trog ort, nee eh m'y ynsaghey! cur-my-ner t'eh coodit harrish lesh airh as argid, agh cha vel yn ennal eddyr cheu-sthie jeh.

Woe unto him that saith to the wood, Awake; to the dumb stone, Arise, it shall teach! Behold, it is laid over with gold and silver, and there is no breath at all in the midst of it.

20

Agh ta'n Chiarn ayns e hiamble casherick: lhig da ooilley yn seihll ve ny-host kiongoyrt rish.

But the Lord is in his holy temple: let all the earth keep silence before him.