The Bible


Tar-jee, as lhig dooin chyndaa gys y Chiarn: son t'eh er raipey, as nee eh nyn lheihys; t'eh er woalley shin, as nee eh nyn slaanaghey.

Come, and let us return unto the Lord: for he hath torn, and he will heal us; he hath smitten, and he will bind us up.


Lurg daa laa ver eh orrin dy aa-vioghey, 'sy trass nee eh shin y hroggal seose reesht veih ny merriu, as bee mayd bio kiongoyrt rish.

After two days will he revive us: in the third day he will raise us up, and we shall live in his sight.


Eisht bee tushtey ain, my hem mayd er nyn doshiaght ayns ainjys y Chiarn: ta'n goll-magh echey eunyssagh myr aalid y voghrey, as hig eh hooin myr y fliaghey; myr y fliaghey toshiaght as jerrey ny bleeaney er y thalloo.

Then shall we know, if we follow on to know the Lord: his going forth is prepared as the morning; and he shall come unto us as the rain, as the latter and former rain unto the earth.


O Ephraim, cre nee'm er dty hon? O Yudah, cre nee'm er dty hon's? son ta nyn mieys myr bodjal 'sy vadran, as myr y druight moghey te lheïe ersooyl.

O Ephraim, what shall I do unto thee? O Judah, what shall I do unto thee? for your goodness is as a morning cloud, and as the early dew it goeth away.


Shen-y-fa, ta mee er yiarey sheese ad liorish ny phadeyryn: ta mee er varroo ad liorish goan my veeal, dy vod ny briwnyssyn ayd's ve myr yn soilshey ta brishey magh.

Therefore have I hewed them by the prophets; I have slain them by the words of my mouth: and thy judgments are as the light that goeth forth.


Son yeearree mee myghin roish oural: as tushtey dy Yee, ny smoo na ourallyn-losht.

For I desired mercy, and not sacrifice; and the knowledge of God more than burnt offerings.


Agh t'adsyn myr deiney t'er vrishey yn conaant: ayns shen t'ad er ghellal dy molteyragh rhym.

But they like men have transgressed the covenant: there have they dealt treacherously against me.


Ta Gilead ny ard-valley ta gobbraghey mee-chraueeaght, as sollit lesh fuill.

Gilead is a city of them that work iniquity, and is polluted with blood.


As myr ta sheshaghtyn dy roosteyryn lhie cooyl-chlea son dooinney, myr shen ta sheshaght ny saggyrtyn coyrt nyn goyrle dy cheilley, dy yannoo dunverys er y raad: son t'ad jannoo dy eajee.

And as troops of robbers wait for a man, so the company of priests murder in the way by consent: for they commit lewdness.


Ta mee er vakin red atchimagh ayns thie Israel: ta maarderys Ephraim ayn, ta Israel neu-ghlen.

I have seen an horrible thing in the house of Israel: there is the whoredom of Ephraim, Israel is defiled.


Myrgeddin, O Yudah, t'eh er phointeil fouyr er dty hon's, tra ver-yms chyndaa gys cappeeys my phobble.

Also, O Judah, he hath set an harvest for thee, when I returned the captivity of my people.