The Bible


Ayns y trass vleïn jeh Cyrus ree Phersia, va folliaght er ny hoilshaghey da Daniel (va'n ennym echey Belteshazzar) as va'n chooish firrinagh, agh va'n traa er y hon foddey ry-heet, as hoig eh yn chooish, as va tushtey echey jeh'n ashlish.

In the third year of Cyrus king of Persia a thing was revealed unto Daniel, whose name was called Belteshazzar; and the thing was true, but the time appointed was long: and he understood the thing, and had understanding of the vision.


Ayns ny laghyn shen, va mish Daniel dobberan slane three shiaghtinyn.

In those days I Daniel was mourning three full weeks.


Cha d'ee mee arran lesh blass erbee, chamoo haink feill ny feeyn er my veeal, chamoo ren mee my hene y ooilaghey, derrey va three slane shiaghtinyn ec kione.

I ate no pleasant bread, neither came flesh nor wine in my mouth, neither did I anoint myself at all, till three whole weeks were fulfilled.


As ayns y chiarroo laa as feed jeh'n chied vee, myr va mee rish oirr yn awin vooar, ta shen Hiddekel:

And in the four and twentieth day of the first month, as I was by the side of the great river, which is Hiddekel;


Eisht hrog mee my hooillyn, as yeeagh mee, as cur-my-ner, dooinney dy row coamrit ayns aanrit, as mysh e veeghyn cryss jeh glen airh Uphaz:

Then I lifted up mine eyes, and looked, and behold a certain man clothed in linen, whose loins were girded with fine gold of Uphaz:


Va e chorp myrgeddin goll-rish y veryl, as e eddin myr sollyssid y tendreil, as e hooillyn myr lampyn dy aile, as e roihaghyn, as e chassyn, myr y cullyr t'er prash polishit, as coraa e ghoan myr coraa ymmodee.

His body also was like the beryl, and his face as the appearance of lightning, and his eyes as lamps of fire, and his arms and his feet like in colour to polished brass, and the voice of his words like the voice of a multitude.


As honnick mish Daniel my-lomarcan yn ashlish, son cha vaik ny deiney va marym yn ashlish agh huitt ad dy mooar er-creau, myr shen dy chossyn ad roue dy cheiltyn ad-hene.

And I Daniel alone saw the vision: for the men that were with me saw not the vision; but a great quaking fell upon them, so that they fled to hide themselves.


Shen-y-fa va mee faagit my-lomarcan, as honnick mee yn ashlish atchimagh shoh, as cha row niart faagit aynym: son va my aalid shymlit ersooyl, as cha row bree faagit aynym.

Therefore I was left alone, and saw this great vision, and there remained no strength in me: for my comeliness was turned in me into corruption, and I retained no strength.


Ny-yeih cheayll mee coraa e ghoan, as tra cheayll mee coraa e ghoan, eisht va mee ayns cadley trome er my eddin, as va my eddin gys y thalloo.

Yet heard I the voice of his words: and when I heard the voice of his words, then was I in a deep sleep on my face, and my face toward the ground.


As cur-my-ner, venn laue rhym hrog mee er my ghlioonyn as er bassyn my laueyn.

And, behold, an hand touched me, which set me upon my knees and upon the palms of my hands.


As dooyrt eh rhym, O Ghaniel, dooinney ennoil, toig uss ny goan ta mee dy loayrt rhyt, as shass er dty chassyn: son hood's ta mee nish er my choyrt. As tra v'eh er ghra shoh rhym, hass mee er-creau.

And he said unto me, O Daniel, a man greatly beloved, understand the words that I speak unto thee, and stand upright: for unto thee am I now sent. And when he had spoken this word unto me, I stood trembling.


Eisht dooyrt eh rhym, Ny bee aggle ort, Ghaniel: son veih yn chied laa dy ren oo soiaghey dty chree dy hoiggal, as dy smaghtaghey oo hene kiongoyrt rish dty Yee, va dty ghoan er ny chlashtyn, as ta mish er jeet er bree dty ghoan.

Then said he unto me, Fear not, Daniel: for from the first day that thou didst set thine heart to understand, and to chasten thyself before thy God, thy words were heard, and I am come for thy words.


Agh ren prince reeriaght Phersia shassoo m'oï, laa as feed; agh cur-my-ner haink Michael ard-phrince ny princeyn dy chooney lhiam, as duirree mee ayns shen marish reeaghyn Phersia.

But the prince of the kingdom of Persia withstood me one and twenty days: but, lo, Michael, one of the chief princes, came to help me; and I remained there with the kings of Persia.


Nish ta mee er jeet dy hoilshaghey dhyt, cre haghyrys da dty phobble ayns ny laghyn jerrinagh: son ta'n ashlish cour ymmodee laghyn foast ry-heet.

Now I am come to make thee understand what shall befall thy people in the latter days: for yet the vision is for many days.


As tra v'eh er loayrt ny goan shoh rhym, chroym mee sheese my eddin gys y thalloo, as va mee balloo.

And when he had spoken such words unto me, I set my face toward the ground, and I became dumb.


As cur-my-ner, venn fer goll-rish cloan gheiney rish my veillyn: eisht doshil mee my veeal, as loayr mee, as dooyrt mee rishyn va ny hassoo kiongoyrt rhym, O my hiarn, liorish yn ashlish ta my hrimshey er jyndaa orrym, as cha vel veg y niart faagit aynym.

And, behold, one like the similitude of the sons of men touched my lips: then I opened my mouth, and spake, and said unto him that stood before me, O my lord, by the vision my sorrows are turned upon me, and I have retained no strength.


Son kys oddym's, sharvaant my hiarn, taggloo rish eh shen my hiarn? son er my hon's, va mee chelleeragh gyn bree, as s'coan va ennal faagit aynym.

For how can the servant of this my lord talk with this my lord? for as for me, straightway there remained no strength in me, neither is there breath left in me.


Eisht haink fer hym reesht ayns co-chaslys dooinney, as venn eh rhym, as niartee eh mee,

Then there came again and touched me one like the appearance of a man, and he strengthened me,


As dooyrt eh, O ghooinney ard-ennoil, ny bee aggle ort, shee dy row hood, bee er dty gherjaghey, as bee eer er dty niartaghey. As tra v'eh er loayrt rhym, va mee er my niartaghey, as dooyrt mee, lhig da my hiarn loayrt; son t'ou er my niartaghey.

And said, O man greatly beloved, fear not: peace be unto thee, be strong, yea, be strong. And when he had spoken unto me, I was strengthened, and said, Let my lord speak; for thou hast strengthened me.


Eisht dooyrt eh, Vel fys ayd's, cre'n oyr ta mee er jeet hood? as nish chyndaa-ym dy chaggey rish prince Phersia, as tra veem's er n'gholl magh, cur-my-ner hig prince Ghrecia.

Then said he, Knowest thou wherefore I come unto thee? and now will I return to fight with the prince of Persia: and when I am gone forth, lo, the prince of Grecia shall come.


Agh neem's soilshaghey dhyt shen ta scruit ayns lioar yn ynrickys, as cha vel unnane ta niartaghey eh-hene marym ayns ny cooishyn shoh, agh Michael yn prince euish.

But I will shew thee that which is noted in the scripture of truth: and there is none that holdeth with me in these things, but Michael your prince.