The Bible

1

Marish shoh haink goo yn Chiarn hym's gra,

Moreover the word of the Lord came unto me, saying,

2

Vac y dooinney, jean dty eddin y hoiaghey noi slieau Seir, as jean phadeyrys n'oï.

Son of man, set thy face against mount Seir, and prophesy against it,

3

As abbyr rish, Myr shoh ta'n Chiarn Jee dy ghra, Cur-my-ner, O lieau Seir, ta mish dt'oï's, as sheeyn-ym magh my laue ort, as nee'm uss y yannoo dy bollagh follym-faase.

And say unto it, Thus saith the Lord God; Behold, O mount Seir, I am against thee, and I will stretch out mine hand against thee, and I will make thee most desolate.

4

Ver-yms ny ard-valjyn ayd's naardey, as bee oo dty hraartys, as bee fys ayd, dy nee mish y Chiarn.

I will lay thy cities waste, and thou shalt be desolate, and thou shalt know that I am the Lord.

5

Er-yn-oyr dy vel ayd goanlys fraueit ayns dty chree, as dy vel oo er gheayrtey fuill cloan Israel, liorish dewilys y chliwe, ayns earish nyn seaghyn, tra v'ad ec jerrey nyn ghrogh-yannoo:

Because thou hast had a perpetual hatred, and hast shed the blood of the children of Israel by the force of the sword in the time of their calamity, in the time that their iniquity had an end:

6

Shen-y-fa, myr ta mee bio, ta'n Chiarn Jee dy ghra, neem's uss y aagail magh son fuill, as nee fuill geiyrt dhyt: fakin nagh row dwoaie ayd er fuill, fuill hene eiyrys dhyt.

Therefore, as I live, saith the Lord God, I will prepare thee unto blood, and blood shall pursue thee: sith thou hast not hated blood, even blood shall pursue thee.

7

Myr shoh ver-yms er slieau Seir dy ve dy bollagh follym-faase as giare-ym jeh veih shen, eshyn ta goll magh, as eshyn ta cheet stiagh.

Thus will I make mount Seir most desolate, and cut off from it him that passeth out and him that returneth.

8

As nee'm ny sleityn echey y lhieeney lesh e gheiney marroo: ayns dty chroink, as ayns dty choanyn, as ayns ooilley dty awinyn, nee adsyn tuittym, ta er nyn stroie liorish y chliwe.

And I will fill his mountains with his slain men: in thy hills, and in thy valleys, and in all thy rivers, shall they fall that are slain with the sword.

9

As ver-yms ort, dy bee oo dty hraartys son dy bragh, as cha jig cummaltee gys dty ard-valjyn, as bee fys eu, dy nee mish y Chiarn.

I will make thee perpetual desolations, and thy cities shall not return: and ye shall know that I am the Lord.

10

Er-yn-oyr dy vel oo er ghra, Bee yn daa ashoon shoh, as y daa heer shoh lhiam's, as nee mayd cummal ayndoo, ec y traa va'n Chiarn ayns shen:

Because thou hast said, These two nations and these two countries shall be mine, and we will possess it; whereas the Lord was there:

11

Shen-y-fa, myr ta mee bio, ta'n Chiarn Jee dy ghra, Dell-yms rhyt's rere towse dty ghoanlys hene, as cordail rish yn olkys, shen t'ou er chliaghtaghey ayns dty vyskid nyn 'oï: as neem's mee hene y hoilshaghey ny mast'oc, erreish dou ve er dty vriwnys.

Therefore, as I live, saith the Lord God, I will even do according to thine anger, and according to thine envy which thou hast used out of thy hatred against them; and I will make myself known among them, when I have judged thee.

12

As bee fys ayd, dy nee mish y Chiarn, as dy vel mee er chlashtyn ooilley yn oltooan shen, t'ou er loayrt noi sleityn Israel, gra T'ad jeant follym-faase, t'ad er nyn goyrt dooinyn dy chur ad naardey

And thou shalt know that I am the Lord, and that I have heard all thy blasphemies which thou hast spoken against the mountains of Israel, saying, They are laid desolate, they are given us to consume.

13

Myr shoh lesh nyn meeal ta shiu er voggyssagh harrym, as er vishaghey ny goan eu m'oï: ta mee er chlashtyn ad.

Thus with your mouth ye have boasted against me, and have multiplied your words against me: I have heard them.

14

Myr shoh ta'n Chiarn Jee dy ghra, Tra ta'n slane seihll goaill boggey, neem's uss y yannoo follym-faase.

Thus saith the Lord God; When the whole earth rejoiceth, I will make thee desolate.

15

Myr ghow uss boggey er eiraght Israel, son dy row eh follym-faase, myr shen neem's rhyts: bee oo dty hraartys, O lieau Seir, as ooilley Idumea, eer y slane jeh, as bee fys oc, dy nee mish y Chiarn.

As thou didst rejoice at the inheritance of the house of Israel, because it was desolate, so will I do unto thee: thou shalt be desolate, O mount Seir, and all Idumea, even all of it: and they shall know that I am the Lord.