The Bible


Haink goo yn Chiarn hym's reesht, gra,

The word of the Lord came again unto me, saying,


Vac y dooinney, abbyr rish prince Tyrus, Myr shoh ta'n Chiarn Jee dy ghra, Er-yn-oyr dy vel dty chree troggit seose, as dy vel oo er ghra, Ta mish my Yee, ta mee soie er stoyl Yee, ayns mean ny faarkaghyn; foast cha vel oo agh dooinney, as cha nee Jee, ga dy vel oo smooinaghtyn ayns dty chree dy ve myr Jee:

Son of man, say unto the prince of Tyrus, Thus saith the Lord God; Because thine heart is lifted up, and thou hast said, I am a God, I sit in the seat of God, in the midst of the seas; yet thou art a man, and not God, though thou set thine heart as the heart of God:


Cur-my-ner t'ou ny s'creeney na Daniel; cha vel folliaght erbee oddys ad y cheiltyn voïd:

Behold, thou art wiser than Daniel; there is no secret that they can hide from thee:


Lesh dty chreenaght as dty hoiggal t'ou er chosney dhyt hene berchys, as er gheddyn argid as airh ayns dty hashtaghyn:

With thy wisdom and with thine understanding thou hast gotten thee riches, and hast gotten gold and silver into thy treasures:


Lesh dty chreenaght vooar, as liorish dty ghellal t'ou er vishaghey dty verchys, as ta dty chree troggit seose er-coontey dty verchys:

By thy great wisdom and by thy traffick hast thou increased thy riches, and thine heart is lifted up because of thy riches:


Shen-y-fa myr shoh ta'n Chiarn Jee dy ghra, Son dy vel oo er hoiaghey seose dty chree, dy ve myr Jee;

Therefore thus saith the Lord God; Because thou hast set thine heart as the heart of God;


Cur-my-ner, er-y-fa shen, ver-yms lhiam joarreeyn ort, yn vooinjer atchimagh ny ashoonee: as tayrnee ad nyn gliwenyn noi aalid dty chreenaght, as nee ad dooghey dty yillid.

Behold, therefore I will bring strangers upon thee, the terrible of the nations: and they shall draw their swords against the beauty of thy wisdom, and they shall defile thy brightness.


Ver ad lhieu sheese oo gys y diunid, as bee oo er dty stroie, myr adsyn ta baiht ayns mean ny marrey.

They shall bring thee down to the pit, and thou shalt die the deaths of them that are slain in the midst of the seas.


Jean oo foast gra kiongoyrt rishyn ta stroie oo, Ta mish my Yee? agh she dooinney vees oo, as cha nee Jee 'sy laue echeysyn ta dy stroie oo.

Wilt thou yet say before him that slayeth thee, I am God? but thou shalt be a man, and no God, in the hand of him that slayeth thee.


Nee uss surranse baaseyn ny chymmyltee, liorish laueyn joarree: son ta mish er loayrt eh, ta'n Chiarn Jee dy ghra.

Thou shalt die the deaths of the uncircumcised by the hand of strangers: for I have spoken it, saith the Lord God.


Marish shoh, haink goo yn Chiarn hym's, gra,

Moreover the word of the Lord came unto me, saying,


Vac y dooinney, trog seose bardoon er ree Tyrus, as abbyr rish, Myr shoh ta'n Chiarn Jee dy ghra, T'ou sealal seose yn sym, lane dy chreenaght, as slane aalid.

Son of man, take up a lamentation upon the king of Tyrus, and say unto him, Thus saith the Lord God; Thou sealest up the sum, full of wisdom, and perfect in beauty.


T'ou er ny ve ayns Eden garey Yee; dy chooilley chlagh chostal va dty choodagh, yn sardius, topaz, as y diamond, yn beryl, yn onyx, as y jasper; yn sapphire, yn emerald, as y carbuncle, as airh: va stoo obbrit dty habretyn, as ny feddanyn kiarit er dty hon, er-dyn laa v'ou troggit.

Thou hast been in Eden the garden of God; every precious stone was thy covering, the sardius, topaz, and the diamond, the beryl, the onyx, and the jasper, the sapphire, the emerald, and the carbuncle, and gold: the workmanship of thy tabrets and of thy pipes was prepared in thee in the day that thou wast created.


Uss yn ard-cherub ooilit, ta skeayley lhean dty skianyn: as shen myr ta mee er dty hoiaghey; v'ou uss er slieau casherick Yee; t'ou er n'gholl noon as noal mastey ny claghyn aileagh.

Thou art the anointed cherub that covereth; and I have set thee so: thou wast upon the holy mountain of God; thou hast walked up and down in the midst of the stones of fire.


V'ou ynrick ayns dty ghellal, veih'n laa v'ou er dty chroo, derrey va mee-chairys er ny gheddyn aynyd.

Thou wast perfect in thy ways from the day that thou wast created, till iniquity was found in thee.


Liorish ymmodee dty varchantys, t'ad er dty lhieeney lung-lane dy hranlaase, as t'ou er n'yannoo peccah: shen-y-fa eiyr-yms oo myr an-chasherick magh ass slieau Yee: as nee'm uss y stroie, O cherub skianagh veih mastey ny claghyn aileagh.

By the multitude of thy merchandise they have filled the midst of thee with violence, and thou hast sinned: therefore I will cast thee as profane out of the mountain of God: and I will destroy thee, O covering cherub, from the midst of the stones of fire.


Va dty chree troggit seose kyndagh rish dty aalid, t'ou er chaghlaa dty chreenaght ayns moyrn dty hollyssid: lhieg-yms oo gys y thalloo, ver-yms ort, dy lhie oo kiongoyrt rish reeaghyn, as oo dy ve son shilley daue.

Thine heart was lifted up because of thy beauty, thou hast corrupted thy wisdom by reason of thy brightness: I will cast thee to the ground, I will lay thee before kings, that they may behold thee.


T'ou er an-chasherickey dty hiambleyn lesh mooadys dty vee-chairys, liorish mee-chairys dty ghellal: shen-y-fa ver-ym lhiam aile magh ass dty vean, nee uss y stroie, as ver-ym lhiam oo gys leoie y thalloo 'sy chilley ocsyn ooilley ver my-ner oo.

Thou hast defiled thy sanctuaries by the multitude of thine iniquities, by the iniquity of thy traffick; therefore will I bring forth a fire from the midst of thee, it shall devour thee, and I will bring thee to ashes upon the earth in the sight of all them that behold thee.


Nee ooilley dty ainjyssee coayl nyn dappey er y choontey ayd's: bee oo son atchim, as cha bee oo ny-sodjey er-mayrn.

All they that know thee among the people shall be astonished at thee: thou shalt be a terror, and never shalt thou be any more.


Reesht haink goo yn Chiarn hym's, gra,

Again the word of the Lord came unto me, saying,


Vac y dooinney, soie dty eddin noi Zidon, as jean phadeyrys noi eck,

Son of man, set thy face against Zidon, and prophesy against it,


As abbyr, Myr shoh ta'n Chiarn Jee dy ghra, Cur my ner, ta mish dt'oï's, O Zidon, as bee'm er my ghloyraghey aynyd's: as yiow ad fys, dy nee mish y Chiarn; tra ta mee er chooilleeney my vriwnyssyn aynjee, as tra vee'm er my chasherickey aynjee.

And say, Thus saith the Lord God; Behold, I am against thee, O Zidon; and I will be glorified in the midst of thee: and they shall know that I am the Lord, when I shall have executed judgments in her, and shall be sanctified in her.


Son ver-yms stiagh yn phlaih urree, as fuill stiagh ayns ny straïdyn eck, as bee ny guintee er nyn mriwnys ayns y vean eck, liorish yn chliwe urree, er dy chooilley heu; as bee fys oc dy nee mish yn Chiarn.

For I will send into her pestilence, and blood into her streets; and the wounded shall be judged in the midst of her by the sword upon her on every side; and they shall know that I am the Lord.


As cha bee ny-sodjey ayn yn dress yialgagh da thie Israel, ny drine geuagh jeusyn ooilley ta mygeayrt-y-moo, ren soiaghey-beg jeu; as bee fys oc dy nee mish y Chiarn Jee.

And there shall be no more a pricking brier unto the house of Israel, nor any grieving thorn of all that are round about them, that despised them; and they shall know that I am the Lord God.


Myr shoh ta'n Chiarn dy ghra, Tra ta mee er haglym thie Israel veih'n pobble, nyn mastey t'ad er nyn skeayley, aa dy bee'm er my chasherickey ayndoo ayns shilley ny ashoonee, eisht nee ad cummal ayns y cheer oc hene, shen ta mee er choyrt da my harvaant Jacob.

Thus saith the Lord God; When I shall have gathered the house of Israel from the people among whom they are scattered, and shall be sanctified in them in the sight of the heathen, then shall they dwell in their land that I have given to my servant Jacob.


As nee ad baghey dy sauchey ayns shen, troggee ad thieyn, as nee ad soiaghey garaghyn-feeyney: dy jarroo nee ad cummal dy sonyr, tra veem's er chooilleeney briwnys orroosyn ooilley mygeayrt, ta soiaghey-beg jeusyn, as bee fys oc, dy nee mish y Chiarn yn Jee ocsyn.

And they shall dwell safely therein, and shall build houses, and plant vineyards; yea, they shall dwell with confidence, when I have executed judgments upon all those that despise them round about them; and they shall know that I am the Lord their God.