The Bible

Haink goo yn Chiarn hym's reesht, gra,

The word of the Lord came unto me again, saying,

Cre ta shiu dy hoiggal dy vel eu yn chenn raa-cadjin shoh mychione cheer Israel, gra, Ta ny ayraghyn er n'ee berrishyn-feeyney soor, as ta feeacklyn y chloan er n'gholl jeaid?

What mean ye, that ye use this proverb concerning the land of Israel, saying, The fathers have eaten sour grapes, and the children's teeth are set on edge?

Myr ta mee bio, ta'n Chiarn Jee dy ghra, cha bee oyr sodjey eu dy chliaghtaghey yn raa-cadjin shoh ayns Israel.

As I live, saith the Lord God, ye shall not have occasion any more to use this proverb in Israel.

Cur-my-ner, ta dy chooilley annym lhiam's, myr ta annym yn ayr, myr shen ta annym y vac lhiam's: yn annym ta jannoo peccah, yiow eh baase.

Behold, all souls are mine; as the soul of the father, so also the soul of the son is mine: the soul that sinneth, it shall die.

Agh my ta dooinney cairagh, as jannoo shen ny ta lowal as jeeragh.

But if a man be just, and do that which is lawful and right,

As nagh vel er n'ee er ny sleityn, ny er hroggal seose e hooillyn gys jallooyn thie Israel, chamoo t'er n'yannoo peccah rish ben e naboo, ny er jeet coair ben veeoil:

And hath not eaten upon the mountains, neither hath lifted up his eyes to the idols of the house of Israel, neither hath defiled his neighbour's wife, neither hath come near to a menstruous woman,

As nagh vel er n'yannoo tranlaase er dooinney erbee, agh t'er chur reesht da'n jatter e yioal, nagh vel er spooilley dooinney erbee liorish aggair, er hirveish e arran er ny accryssee, as choodaghey yn roosteeyn lesh coamrey.

And hath not oppressed any, but hath restored to the debtor his pledge, hath spoiled none by violence, hath given his bread to the hungry, and hath covered the naked with a garment;

Eshyn nagh vel er chur magh er use, ny er n'ghoaill bishaghey, t'er reayll e laue veih mee-chairys, t'er n'yannoo briwnys firrinagh eddyr dooinney as dooinney,

He that hath not given forth upon usury, neither hath taken any increase, that hath withdrawn his hand from iniquity, hath executed true judgment between man and man,

Ta er n'immeeaght ayns my lattyssyn, as er reayll my vriwnyssyn, dy ghellal dy firrinagh; t'eh shen cairal, bee eh son shickyrys bio, ta'n Chiarn Jee dy ghra.

Hath walked in my statutes, and hath kept my judgments, to deal truly; he is just, he shall surely live, saith the Lord God.

My nee eh mac y gheddyn ta ny roosteyr, dooinney folley, as ta cur-rish veg eh lheid ny cliaghtaghyn shoh,

If he beget a son that is a robber, a shedder of blood, and that doeth the like to any one of these things,

As nagh vel cooilleeney veg jeh ny curmyn shoh, agh t'er n'ee er ny sleityn, as er n'yannoo peccah rish ben e naboo,

And that doeth not any of those duties, but even hath eaten upon the mountains, and defiled his neighbour's wife,

T'er n'êginagh yn voght as yn ymmyrchagh, t'er roostey lesh laue lajer, nagh vel er jyndaa yn yioal, as t'er hroggal seose e hooillyn gys ny jallooyn, t'er n'yannoo ard-pheccah,

Hath oppressed the poor and needy, hath spoiled by violence, hath not restored the pledge, and hath lifted up his eyes to the idols, hath committed abomination,

T'er chur magh er use, as er n'ghoaill bishaghey: bee y lheid echeysyn bio? Cha bee eh bio: eeh er n'yannoo ooilley ny ard-pheccaghyn shoh, yiow eh son shickyrys baase, bee yn uill echey er e chione hene.

Hath given forth upon usury, and hath taken increase: shall he then live? he shall not live: he hath done all these abominations; he shall surely die; his blood shall be upon him.

Nish cur-my-ner, my nee eshyn mac y gheddyn, ta fakin ooilley peccaghyn e ayr, t'eh er n'yannoo, as smooinaghtyn er hene, as nagh vel cur-rish y lheid,

Now, lo, if he beget a son, that seeth all his father's sins which he hath done, and considereth, and doeth not such like,

Nagh vel er n'ee er ny sleityn, chamoo er hroggal seose e hooillyn gys jallooyn thie Israel, ny er n'yannoo peccah rish ben e naboo

That hath not eaten upon the mountains, neither hath lifted up his eyes to the idols of the house of Israel, hath not defiled his neighbour's wife,

Chamoo t'er n'êginagh dooinney erbee, nagh vel er reayll yn yioal, ny er roostey lesh laue lajer, agh er hirveish e arran er ny accryssee, as er choodaghey yn roosteeyn lesh coamrey,

Neither hath oppressed any, hath not withholden the pledge, neither hath spoiled by violence, but hath given his bread to the hungry, and hath covered the naked with a garment,

Ta er lhiettal e laue veih chennid er y voght, nagh vel er n'ghoaill use ny tack, ta er chooilleeney my vriwnyssyn, ta er n'immeeaght ayns my latyssyn; cha vow eh shoh baase son mee-chairys e ayr, bee eh son shickyrys bio.

That hath taken off his hand from the poor, that hath not received usury nor increase, hath executed my judgments, hath walked in my statutes; he shall not die for the iniquity of his father, he shall surely live.

Er son e ayr, er-yn-oyr dy row eh ny hranlaasagh dewil, as spooilley e vraar lesh laue lajer, as dy ren eh shen nagh row dy mie mastey e phobble, cur-my-ner, yiow eh shen baase ayns e vee-chairys hene.

As for his father, because he cruelly oppressed, spoiled his brother by violence, and did that which is not good among his people, lo, even he shall die in his iniquity.

Ny-yeih ta shiu gra, Cammah? nagh vel y mac gymmyrkey mee-chairys yn ayr? Tra ta'n mac er n'yannoo shen ta lowal as jeeragh, as er reayll ooilley my lattyssyn, as er n'immeeaght ayndoo, bee eh son shickyrys bio.

Yet say ye, Why? doth not the son bear the iniquity of the father? When the son hath done that which is lawful and right, and hath kept all my statutes, and hath done them, he shall surely live.

Yn annym ta cur-rish peccah, yiow eh baase: cha jean y mac gymmyrkey mee-chairys yn ayr, chamoo nee yn ayr gymmyrkey mee-chairys y vac; bee cairys yn er-cairal er hene, as mee-chairys yn drogh yantagh ersyn.

The soul that sinneth, it shall die. The son shall not bear the iniquity of the father, neither shall the father bear the iniquity of the son: the righteousness of the righteous shall be upon him, and the wickedness of the wicked shall be upon him.

Agh my nee yn dooinney mee-chrauee chyndaa veih ooilley ny peccaghyn t'eh er ny ve cur-rish, as freayll ooilley my lattyssyn, as jannoo shen ny ta lowal as jeeragh, bee eh son shickyrys bio, cha vow eh baase.

But if the wicked will turn from all his sins that he hath committed, and keep all my statutes, and do that which is lawful and right, he shall surely live, he shall not die.

Ooilley yn drogh-yannoo t'eh er ny ve cur-rish, cha bee eh enmyssit huggey: ayns e chairys t'eh er n'yannoo bee eh bio.

All his transgressions that he hath committed, they shall not be mentioned unto him: in his righteousness that he hath done he shall live.

Vel taitnys erbee aym's ayns baase y drogh-yantagh? ta'n Chiarn Jee dy ghra: agh dy jinnagh eh chyndaa veih e raaidyn, as ve bio?

Have I any pleasure at all that the wicked should die? saith the Lord God: and not that he should return from his ways, and live?

Agh tra ta'n dooinney cairal chyndaa ersooyl veih e chairys, as cur-rish mee-chairys, as jannoo lurg ooilley ny peccaghyn eajee ta'n drogh-ghooinney cur-roo, bee y lheid echeysyn bio? ooilley'n chairys t'eh er n'yannoo, cha bee eh enmyssit da: ayns e loghtyn t'eh er n'yannoo, as ayns e pheccah t'eh er ny ve cur-rish, ayndoosyn yiow eh baase.

But when the righteous turneth away from his righteousness, and committeth iniquity, and doeth according to all the abominations that the wicked man doeth, shall he live? All his righteousness that he hath done shall not be mentioned: in his trespass that he hath trespassed, and in his sin that he hath sinned, in them shall he die.

Ny-yeih, ta shiu gra, Cha vel raad y Chiarn corrym-kiart. Clasht nish, O hie Israel, nagh vel my raad's corrym-kiart? nagh vel ny raaidyn euish neu-chorrym?

Yet ye say, The way of the Lord is not equal. Hear now, O house of Israel; Is not my way equal? are not your ways unequal?

Tra ta dooinney cairal chyndaa ersooyl veih e chairys, as jannoo olk, as geddyn baase ayn; son yn olk t'eh er n'yannoo, yiow eh baase.

When a righteous man turneth away from his righteousness, and committeth iniquity, and dieth in them; for his iniquity that he hath done shall he die.

Reesht tra ta'n dooinney mee-chrauee chyndaa ersooyl veih'n vee-chraueeaght t'eh er ny ve cur-rish, as jannoo shen ny ta lowal as jeeragh, saue-ee eh e annym bio.

Again, when the wicked man turneth away from his wickedness that he hath committed, and doeth that which is lawful and right, he shall save his soul alive.

Er-yn-oyr dy vel eh smooinaghtyn er hene, as chyndaa veih ooilley e ghrogh-yannoo, t'eh er ny ve cur-rish, bee eh son shickyrys bio, cha vow eh baase.

Because he considereth, and turneth away from all his transgressions that he hath committed, he shall surely live, he shall not die.

Ny-yeih, ta thie Israel gra, Cha vel raad y Chiarn corrym-kiart: O hie Israel, nagh vel my raaidyn's corrym-kiart? nagh vel ny raaidyn euish an-chiart?

Yet saith the house of Israel, The way of the Lord is not equal. O house of Israel, are not my ways equal? are not your ways unequal?

Shen-y-fa neem's shiuish y vriwnys, O hie Israel, dagh unnane cordail rish e raaidyn, ta'n Chiarn Jee dy ghra: gow-jee arrys, as chyndaa-jee shiu hene veih ooilley nyn ghrogh-yannoo: myr shen cha bee mee-chairys nyn doyrt-mow.

Therefore I will judge you, O house of Israel, every one according to his ways, saith the Lord God. Repent, and turn yourselves from all your transgressions; so iniquity shall not be your ruin.

Scarr-jee rish ooilley nyn loghtyn lioroo ta shiu er ve foiljagh, as jean-jee diu hene cree noa, as spyrryd noa; son cre'n-fa yioghe shiu baase, O hie Israel?

Cast away from you all your transgressions, whereby ye have transgressed; and make you a new heart and a new spirit: for why will ye die, O house of Israel?

Son cha vel taitnys erbee aym's ayns y vaase echeysyn ta cherraghtyn, ta'n Chiarn Jee dy ghra: shen-y-fa chyndaa-jee shiu hene, as bee jee bio.

For I have no pleasure in the death of him that dieth, saith the Lord God: wherefore turn yourselves, and live ye.