The Bible

As haink goo yn Chiarn hym's, gra,

And the word of the Lord came unto me, saying,

Vac y dooinney, soie dty eddin noi sleityn Israel, as jean phadeyrys nyn'oï.

Son of man, set thy face toward the mountains of Israel, and prophesy against them,

As abbyr, Shiuish sleityn Israel, clasht-jee rish goo yn Chiarn Jee, Myr shoh ta'n Chiarn Jee dy ghra rish ny sleityn, as rish ny croink, rish ny awinyn, as rish ny glionteenyn, Cur-my-ner, ver-yms, dy jarroo ver-yms lhiam cliwe erriu, as nee'm ny ard-ynnydyn eu y stroie.

And say, Ye mountains of Israel, hear the word of the Lord God; Thus saith the Lord God to the mountains, and to the hills, to the rivers, and to the valleys; Behold, I, even I, will bring a sword upon you, and I will destroy your high places.

As bee ny altaryn eu treigit, as bee ny jallooyn eu er ny vrishey: as neem's ny deiney marroo eu y hilgey sheese kiongoyrt rish nyn yallooyn.

And your altars shall be desolate, and your images shall be broken: and I will cast down your slain men before your idols.

As lhie-yms kirp marroo cloan Israel kiongoyrt rish ny jallooyn eu, as neem's ny craueyn eu y skeayley mygeayrt ny altaryn eu.

And I will lay the dead carcases of the children of Israel before their idols; and I will scatter your bones round about your altars.

Ayns ooilley nyn ynnydyn-vaghee, bee ny ard-valjyn er nyn goyrt-mow, as bee ny ard-ynnydyn follym-faase: dy vod nyn altaryn ve er ny choyrt naardey, as treigit: as ny jallooyn eu ve er ny vrishey sheese as scuirr, as nyn go-chaslyssyn giarit sheese, as nyn obbraghyn cherraghtyn.

In all your dwellingplaces the cities shall be laid waste, and the high places shall be desolate; that your altars may be laid waste and made desolate, and your idols may be broken and cease, and your images may be cut down, and your works may be abolished.

As nee ny merriu tuittym sheese ayns y vean eu, as bee fys eu dy nee mish yn Chiarn.

And the slain shall fall in the midst of you, and ye shall know that I am the Lord.

Ny yeih nee'm fooilliagh y aagail, dy vod sluight 've eu shaghnys yn cliwe mastey ny ashoonyn, tra vees shiu er nyn skeayley trooid ny cheeraghyn.

Yet will I leave a remnant, that ye may have some that shall escape the sword among the nations, when ye shall be scattered through the countries.

As nee ny scapailtee jiuish cooinaghtyn orrym's, mastey ny ashoonyn, ayns cheer nyn gappeeys, er-yn-oyr dy vel mee seaghnit lesh nyn greeaghyn maarderagh, t'er nyn scarrey voym's, as lesh nyn sooillyn, ta geiyrt er maarderys lurg nyn yallooyn: as ver ad dwoaie daue hene son ooilley ny huilk shen t'ad er n'yannoo, lesh ooilley nyn obbraghyn eajee.

And they that escape of you shall remember me among the nations whither they shall be carried captives, because I am broken with their whorish heart, which hath departed from me, and with their eyes, which go a whoring after their idols: and they shall lothe themselves for the evils which they have committed in all their abominations.

As bee fys oc dy nee mish y Chiarn, as nagh vel mee er ghra gyn oyr, dy jinnin yn kerraghey shoh y ghoaill orroo.

And they shall know that I am the Lord, and that I have not said in vain that I would do this evil unto them.

Myr shoh ta'n Chiarn Jee dy ghra, Bwoaill dty vassyn, as stamp lesh dty chass, as abbyr, Ah treih! son ooilley peccaghyn eajee thie Israel: son tuittee ad liorish y chliwe, as yn ghortey, as y phaitt.

Thus saith the Lord God; Smite with thine hand, and stamp with thy foot, and say, Alas for all the evil abominations of the house of Israel! for they shall fall by the sword, by the famine, and by the pestilence.

Eshyn ta foddey jeh, yiow eh baase jeh'n phaitt, as eshyn ta er-gerrey nee eh tuittym liorish y chliwe, as eshyn ta er-mayrn ayns chennid yn ard-valley, yiow eh baase, lesh gortey: myr shoh neem's my eulys y chooilleeney orroo.

He that is far off shall die of the pestilence; and he that is near shall fall by the sword; and he that remaineth and is besieged shall die by the famine: thus will I accomplish my fury upon them.

Eisht bee fys eu, dy nee mish y Chiarn, tra vees nyn gheiney marroo mastey ny jallooyn eu ooilley mygeayrt nyn altaryn, er, dagh cronk ard, er mullagh ooilley ny sleityn, as fo dy chooilley villey glass, as fo dy chooilley gharragh vanglaneagh, raad heb ad nyn oural dy lioar millish da ooilley ny jallooyn oc.

Then shall ye know that I am the Lord, when their slain men shall be among their idols round about their altars, upon every high hill, in all the tops of the mountains, and under every green tree, and under every thick oak, the place where they did offer sweet savour to all their idols.

Myr shen sheeyn-yms magh my laue orroo, as nee'm yn thalloo ny hraartys, eer ny smelley na faasagh Diblath, ayns ooilley nyn gummallyn, as bee fys oc, dy nee mish y Chiarn.

So will I stretch out my hand upon them, and make the land desolate, yea, more desolate than the wilderness toward Diblath, in all their habitations: and they shall know that I am the Lord.