The Bible


As dooyrt eh rhym, Vac y dooinney, shass er dty chassyn; as loayr-yms rhyt.

And he said unto me, Son of man, stand upon thy feet, and I will speak unto thee.


As hie yn spyrryd stiagh aynym, tra loayr eh rhym, as hoie eh mee er my chassyn, dy geayll mee eshyn va loayrt rhym.

And the spirit entered into me when he spake unto me, and set me upon my feet, that I heard him that spake unto me.


As dooyrt eh rhym, Vac y dooinney, ta mee dy dty choyrt gys cloan Israel, gys ashoon mee-viallagh, t'er n'irree-magh m'oi: t'adsyn as nyn ayraghyn er n'irree-magh m'oi eer gys y laa t'ayn jiu.

And he said unto me, Son of man, I send thee to the children of Israel, to a rebellious nation that hath rebelled against me: they and their fathers have transgressed against me, even unto this very day.


Son t'ad cloan ghaaney as creoi-chreeagh: ta mee dy dty chur hucsyn, as jir oo roo, Myr shoh ta'n Chiarn Jee dy ghra.

For they are impudent children and stiffhearted. I do send thee unto them; and thou shalt say unto them, Thus saith the Lord God.


As adsyn, lhig daue clashtyn, ny gyn clashtyn, (son t'ad thie mee-viallagh) ny-yeih yiow ad fys dy vel phadeyr er ve ny mast oc.

And they, whether they will hear, or whether they will forbear, (for they are a rebellious house,) yet shall know that there hath been a prophet among them.


As uss, vac y dooinney, ny gow aggle roue hene, ny roish ny goan oc, ga dy vel dressyn as drineyn mayrt, as dy vel oo cummal mastey ard-nieughyn: ny gow aggle roish ny goan oc, chamoo bee atchimagh roish y chilley oc, ga dy vel ad thie meeviallagh.

And thou, son of man, be not afraid of them, neither be afraid of their words, though briers and thorns be with thee, and thou dost dwell among scorpions: be not afraid of their words, nor be dismayed at their looks, though they be a rebellious house.


As nee uss my ghoan's y loayrt roo, lhig daue clashtyn, ny gyn clashtyn, son t'ad vee-viallee.

And thou shalt speak my words unto them, whether they will hear, or whether they will forbear: for they are most rebellious.


Agh uss, vac y dooinney, eaisht rish shen, ny ta mee gra rhyt, Dy bee uss meeviallagh, myr y thie mee-viallagh shen: foshil dty veeal, as ee shen ny ver-ym dhyt.

But thou, son of man, hear what I say unto thee; Be not thou rebellious like that rebellious house: open thy mouth, and eat that I give thee.


As tra yeeagh mee, cur-my-ner, va laue er ny roshtyn hym, as cur-my-ner va lioar ayn.

And when I looked, behold, an hand was sent unto me; and, lo, a roll of a book was therein;


As skeayl eshyn eh kiongoyrt rhym, as ve scruit cheu-sthie as cheu-mooie, as va scruit ayn, keayney, as dobberan, as trimshey.

And he spread it before me; and it was written within and without: and there was written therein lamentations, and mourning, and woe.