The Bible


Goan Yeremiah mac Hilkiah, jeh ny saggyrtyn va ayns Anathoth, ayns cheer Venjamin:

The words of Jeremiah the son of Hilkiah, of the priests that were in Anathoth in the land of Benjamin:


Huggeysyn haink goo yn Chiarn rish lhing Yosiah mac Amon ree Yudah, ayns y trass vleïn jeig jeh e reill.

To whom the word of the Lord came in the days of Josiah the son of Amon king of Judah, in the thirteenth year of his reign.


Haink eh myrgeddin rish lhing Yehoiakim mac Yosiah ree Yudah, gys jerrey yn un vleïn jeig dy Zedekiah mac Yosiah ree Yudah, derrey cappeeys Yerusalem 'sy wheiggoo vee.

It came also in the days of Jehoiakim the son of Josiah king of Judah, unto the end of the eleventh year of Zedekiah the son of Josiah king of Judah, unto the carrying away of Jerusalem captive in the fifth month.


Eisht haink goo yn Chiarn hym, gra,

Then the word of the Lord came unto me, saying,


Roish my ren mee dty chummey 'sy volg bione dou uss; as my daink oo magh ass y vre?n ren mish oo y chasherickey; as doardee mee uss dy ve phadeyr da ny ashoonyn.

Before I formed thee in the belly I knew thee; and before thou camest forth out of the womb I sanctified thee, and I ordained thee a prophet unto the nations.


Eisht dooyrt mee, Ah, Hiarn Yee! cur-my-ner, cha voddym loayrt roo, son cha vel mee agh scollag.

Then said I, Ah, Lord God! behold, I cannot speak: for I am a child.


Agh dooyrt y Chiarn rhym, Ny abbyr, Cha vel mee agh scollag: son hed oo hucsyn ooilley ver-ym oo er chaghteraght, as cre-erbee ver-yms er dty churrym, shen loayrys oo.

But the Lord said unto me, Say not, I am a child: for thou shalt go to all that I shall send thee, and whatsoever I command thee thou shalt speak.


Ny bee aggle ort roish yn eddin oc: son ta mish mayrt dy dty livrey, ta'n Chiarn dy ghra.

Be not afraid of their faces: for I am with thee to deliver thee, saith the Lord.


Eisht hug y Chiarn magh e laue, as venn eh rish my veeal, as dooyrt y Chiarn rhym, Cur-my-ner, ta mee er choyrt my ghoan ayns dty veeal.

Then the Lord put forth his hand, and touched my mouth. And the Lord said unto me, Behold, I have put my words in thy mouth.


Jeeagh, ta mee jiu er hoiaghey oo harrish ny ashoonyn, as harrish ny reeriaghtyn, dy astyrt ass ny fraueyn, as dy raipey sheese, as dy stroie, as dy lhieggal, dy hroggal, as dy hoiaghey.

See, I have this day set thee over the nations and over the kingdoms, to root out, and to pull down, and to destroy, and to throw down, to build, and to plant.


Ny-sodjey, haink goo'n Chiarn hym, gra, Yeremiah, cre t'ou fakin? As dooyrt mee, Ta mee fakin slat dy villey-almond.

Moreover the word of the Lord came unto me, saying, Jeremiah, what seest thou? And I said, I see a rod of an almond tree.


Eisht dooyrt y Chiarn rhym, T'ou er n'akin cowrey mie: son nee'm siyr er my ghoo dy chooilleeney eh.

Then said the Lord unto me, Thou hast well seen: for I will hasten my word to perform it.


As haink goo yn Chiarn hym yn nah cheayrt, gra, Cre t'ou fakin? As dreggyr mee, Ta mee fakin pot aarlee, as te soit lesh y twoaie.

And the word of the Lord came unto me the second time, saying, What seest thou? And I said, I see a seething pot; and the face thereof is toward the north.


Eisht dooyrt y Chiarn rhym, Ass y twoaie nee olk brishey magh er ooilley cummaltee'n cheer.

Then the Lord said unto me, Out of the north an evil shall break forth upon all the inhabitants of the land.


Son cur-my-ner, neem's geamagh er ooilley cummaltee reeriaghtyn y twoaie, ta'n Chiarn dy ghra; as hig ad, as nee ad soiaghey dagh fer jeu e stoyl-reeoil eddyr giattyn Yerusalem, as noi ooilley e voallaghyn cruinn mygeayrt, as noi ooilley ard-valjyn Yudah.

For, lo, I will call all the families of the kingdoms of the north, saith the Lord; and they shall come, and they shall set every one his throne at the entering of the gates of Jerusalem, and against all the walls thereof round about, and against all the cities of Judah.


As neem's my vriwnyssyn y ockley-magh noi oc son ooilley yn vee-chraueeaght ocsyn, t'er my hreigeil, as er lostey incense da jeeghyn elley, as er choyrt ooashley da obbraghyn nyn laueyn hene.

And I will utter my judgments against them touching all their wickedness, who have forsaken me, and have burned incense unto other gods, and worshipped the works of their own hands.


Jean uss er-y-fa shen dty veeghyn y chryssey seose, trog ort, as loayr roo ooilley ny ta mee coyrt ayns sarey dhyt: ny bee aggle ort roish yn eddin oc, er-aggle dy jean-ym uss y stroie kiongoyrt roo.

Thou therefore gird up thy loins, and arise, and speak unto them all that I command thee: be not dismayed at their faces, lest I confound thee before them.


Son cur-my-ner, ta mee er n'yannoo uss jiu ard-valley fencit, as pillar yiarn, as voallaghyn prashey, noi'n slane cheer; noi reeaghyn Yudah, noi e princeyn, noi ny saggyrtyn eck, as noi pobble y cheer.

For, behold, I have made thee this day a defenced city, and an iron pillar, and brasen walls against the whole land, against the kings of Judah, against the princes thereof, against the priests thereof, and against the people of the land.


As nee ad caggey dt'oi, agh cha vow ad yn varriaght ort, son ta mish mayrt, ta'n Chiarn dy ghra, dy dty livrey.

And they shall fight against thee; but they shall not prevail against thee; for I am with thee, saith the Lord, to deliver thee.