The Bible


O dy jinnagh oo brishey sheese trooid ny niaughyn, dy darragh oo neose, as ny sleityn dy lheïe sheese ec dty enish;

Oh that thou wouldest rend the heavens, that thou wouldest come down, that the mountains might flow down at thy presence,


Myr tra ta'n aile lheïe as lostey, ta'n aile coyrt er ny ushtaghyn dy chloie; dy hoilshaghey dty ennym da dty noidyn, dy vod ny ashoonyn craa ec dty enish!

As when the melting fire burneth, the fire causeth the waters to boil, to make thy name known to thine adversaries, that the nations may tremble at thy presence


Tra ren uss reddyn atchimagh erskyn nyn yerkal, haink uss neose, lheïe ny sleityn sheese ec dty enish

When thou didst terrible things which we looked not for, thou camest down, the mountains flowed down at thy presence.


Son er-dyn toshiaght y theihll cha vel deiney er chlashtyn, ny er hoiggal liorish y chleaysh, chamoo ta sooill er vakin, er-lhimmey jeed's, O Yee, cre t'eh er chiarail ny chour-syn ta farkiaght er.

For since the beginning of the world men have not heard, nor perceived by the ear, neither hath the eye seen, O God, beside thee, what he hath prepared for him that waiteth for him.


T'ou goll ny whail syn ta goaill boggey as jannoo cairys; adsyn ta. cooinaghtyn ort ayns dty raaidyn: cur-my-ner, t'ou uss jymmoosagh; son ta shin er n'yannoo peccah: ayndoosyn ta shin er hannaghtyn foddey, as bee mayd er nyn sauail.

Thou meetest him that rejoiceth and worketh righteousness, those that remember thee in thy ways: behold, thou art wroth; for we have sinned: in those is continuance, and we shall be saved.


Agh ta shin ooilley goll-rish red neu-ghlen, as ta ooilley yn ynrickys ain myr frytlagyn broghe; as ta shin ooilley fioghey myr duillag; as ta'n neu-chairys ain, myr y gheay, er heebey shin ersooyl.

But we are all as an unclean thing, and all our righteousnesses are as filthy rags; and we all do fade as a leaf; and our iniquities, like the wind, have taken us away.


As cha vel unnane ta geamagh er dty ennym, ta greinnaghey seose eh-hene dy ghoaill greme ort: son t'ou er n'ollaghey dty eddin voïn, as er choyrt naardey shin, kyndagh rish nyn mee-chairys.

And there is none that calleth upon thy name, that stirreth up himself to take hold of thee: for thou hast hid thy face from us, and hast consumed us, because of our iniquities.


Agh nish, O Hiarn, t'ou uss nyn Ayr: ta shinyn y chray, as uss yn Obbree, as ta shinyn ooilley obbyr dty laueyn.

But now, O Lord, thou art our father; we are the clay, and thou our potter; and we all are the work of thy hand.


Ny bee feer jymmoosagh, O Hiarn, chamoo cooinee er y vee-chairys ain son dy bragh: cur-my-ner, jeeagh, ta shin guee ort, ta shin ooilley dty phobble.

Be not wroth very sore, O Lord, neither remember iniquity for ever: behold, see, we beseech thee, we are all thy people.


Ta dty ard-valjyn casherick nyn vaasagh, ta Zion ny chaitnys, as Jerusalem ny hraartys.

Thy holy cities are a wilderness, Zion is a wilderness, Jerusalem a desolation.


Ta'n thie aalin as casherick ain, raad hug nyn ayraghyn moylley dhyt's, losht lesh aile: as ta ooilley ny nheeghyn eunyssagh ain er nyn goyrt naardey.

Our holy and our beautiful house, where our fathers praised thee, is burned up with fire: and all our pleasant things are laid waste.


Jean uss oo hene y reayll voïn son ny reddyn shoh, O Hiarn? bee oo dty-host, as shin y heaghney dy feer trome?

Wilt thou refrain thyself for these things, O Lord? wilt thou hold thy peace, and afflict us very sore?