The Bible


Ta Spyrryd y Chiarn Jee orrym; er-yn-oyr dy vel y Chiarn er m'ooillaghey dy phreacheil naightyn mie da ny imlee: t'eh er my choyrt dy lheihys ny creeaghyn brisht, dy ockley-magh reamys da ny cappee, as fosley'n phryssoon da ny geuleyder;

The Spirit of the Lord God is upon me; because the Lord hath anointed me to preach good tidings unto the meek; he hath sent me to bind up the brokenhearted, to proclaim liberty to the captives, and the opening of the prison to them that are bound;


Dy ockley magh bleïn eunyssagh y Chiarn, as laa yn lhiasaghey veih yn Jee ainyn; dy gherjaghey ooilley ny ta dobberan;

To proclaim the acceptable year of the Lord, and the day of vengeance of our God; to comfort all that mourn;


Dy chur caghlaa dauesyn ta dobberan ayns Zion, dy choyrt daue aalid son leoie, yn ooil dy yennallys son dobberan, coamrey dy voylley son spyrryd dy hrimshey; dy vod ad ve enmyssit Biljyn dy chairys, Plantal y Chiarn, dasyn dy ve er ny ghloyraghey.

To appoint unto them that mourn in Zion, to give unto them beauty for ashes, the oil of joy for mourning, the garment of praise for the spirit of heaviness; that they might be called trees of righteousness, the planting of the Lord, that he might be glorified.


As troggee ad ny shenn tholtanyn, kerree ad traartys ny shenn earishyn, as coamree ad reesht ny ard-valjyn treigit, traartys ymmodee sheelogheyn.

And they shall build the old wastes, they shall raise up the former desolations, and they shall repair the waste cities, the desolations of many generations.


As nee joarreeyn shassoo as fassaghey ny shioltaneyn eu, as bee mec yn joarree eu son errooyn, as gareyderyn-feeyney.

And strangers shall stand and feed your flocks, and the sons of the alien shall be your plowmen and your vinedressers.


As bee shiuish enmyssit saggyrtyn y Chiarn; nee deiney genmys shiu shirveishee yn Jee ain: yiow shiu soylley jeh berchys ny ashoonee, as ayns y ghloyr ocsyn nee shiu boggyssagh.

But ye shall be named the Priests of the Lord: men shall call you the Ministers of our God: ye shall eat the riches of the Gentiles, and in their glory shall ye boast yourselves.


Son nyn nearey yiow shiu ooashley dooble, as son nyn oltooan gowee ad boggey ayns nyn gronney: shen-y-fa ayns y cheer oc hene yiow ad eiraght ghaa-wheesh; boggey dy bragh farraghtyn vees nyn gour.

For your shame ye shall have double; and for confusion they shall rejoice in their portion: therefore in their land they shall possess the double: everlasting joy shall be unto them.


Son ta mish y Chiarn graihagh er cairys, ta griu vaarlee my ghwoaie son oural-losht; as ver-yms nyn obbyr er y hoshiaght ayns ynrickys, as neem's conaant dy bragh farraghtyn y yannoo roo.

For I the Lord love judgment, I hate robbery for burnt offering; and I will direct their work in truth, and I will make an everlasting covenant with them.


As bee yn sluight oc ainjyssagh mastey ny ashoonee, as nyn gynney mastey'n pobble: nee ooilley ny ta fakin ad goaill roo, dy nee ad yn sluight ta'n Chiarn er vannaghey.

And their seed shall be known among the Gentiles, and their offspring among the people: all that see them shall acknowledge them, that they are the seed which the Lord hath blessed.


Goyms mooarane boggey ayns y Chiarn, bee my annym gerjoil ayns my Yee: son t'eh er my choamrey lesh ny garmadyn dy haualtys, t'eh er my choodaghey lesh coamrey reeoil dy chairys, myr ta dooinney-poosee soiaghey magh eh-hene lesh coamrey aalin, as myr ta'n ven-phoosee soiaghey magh ee hene lesh e jewellyn.

I will greatly rejoice in the Lord, my soul shall be joyful in my God; for he hath clothed me with the garments of salvation, he hath covered me with the robe of righteousness, as a bridegroom decketh himself with ornaments, and as a bride adorneth herself with her jewels.


Son myr ta'n thalloo coyrt magh blaa, as myr ta ny rassyn ta cuirrit 'sy gharey cheet er-ash; myr shen ver y Chiarn Jee er cairys as moylley dy vlaaghey magh kiongoyrt rish ooilley ny ashoonyn.

For as the earth bringeth forth her bud, and as the garden causeth the things that are sown in it to spring forth; so the Lord God will cause righteousness and praise to spring forth before all the nations.