The Bible


Ho, dagh unnane ta paagh, tar-jee gys ny ushtaghyn, as eshyn ta gyn argid; tar-jee, kionnee-jee as ee-jee; dy jarroo, tar-jee, kionnee-jee feeyn as bainney fegooish argid, as fegooish leagh.

Ho, every one that thirsteth, come ye to the waters, and he that hath no money; come ye, buy, and eat; yea, come, buy wine and milk without money and without price.


Cre'n-fa ta shiu baarail nyn argid er shen nagh nee arran eh, as nyn laboraght er shen nagh vel jannoo magh shiu? Eaisht-jee dy imneagh rhym's, as ee-jee shen ny ta mie, as lhig da'n annym eu goaill soylley ayns riurid.

Wherefore do ye spend money for that which is not bread? and your labour for that which satisfieth not? hearken diligently unto me, and eat ye that which is good, and let your soul delight itself in fatness.


Croym-jee nyn gleaysh, as tar-jee hym's; clasht-jee, as bee yn annym eu bio, as nee'm conaant dy bragh farraghtyn riu, dy jarroo myghinyn shickyr Ghavid.

Incline your ear, and come unto me: hear, and your soul shall live; and I will make an everlasting covenant with you, even the sure mercies of David.


Cur-my-ner, ta mee er choyrt eh son feanish da'n pobble, ny reiltagh as fer-ynsee da'n pobble.

Behold, I have given him for a witness to the people, a leader and commander to the people.


Cur-my-ner, nee oo geamagh er ashoon nagh nhione dhyt; as nee ashoonyn joarree roie hood's, er graih yn Chiarn dty Yee, as er graih Fer-casherick Israel; son t'eh er dty ghloyraghey.

Behold, thou shalt call a nation that thou knowest not, and nations that knew not thee shall run unto thee because of the Lord thy God, and for the Holy One of Israel; for he hath glorified thee.


Shir-jee gys y Chiarn choud's t'eh ry-gheddyn, eam-jee ersyn choud's t'eh er-gerrey.

Seek ye the Lord while he may be found, call ye upon him while he is near:


Lhig da'n drogh-ghooinney treigeil e raad, as y dooinney neu-ynrick e smooinaghtyn: as lhig da chyndaa gys y Chiarn, as bee myghin echey er; as gys y Jee ain, as nee eh dy arryltagh leih da.

Let the wicked forsake his way, and the unrighteous man his thoughts: and let him return unto the Lord, and he will have mercy upon him; and to our God, for he will abundantly pardon.


Son cha vel ny smooinaghtyn aym's myr ny smooinaghtyn euish, chamoo ta ny raaidyn euish myr ny raaidyn aym's, ta'n Chiarn dy ghra.

For my thoughts are not your thoughts, neither are your ways my ways, saith the Lord.


Son myr ta ny niaughyn ny syrjey na yn thalloo, myr shen ta ny raaidyn aym's ny syrjey na ny raaidyn euish, as ny smooinaghtyn aym's erskyn ny smooinaghtyn euish.

For as the heavens are higher than the earth, so are my ways higher than your ways, and my thoughts than your thoughts.


Son myr ta'n fliaghey cheet neose, as y sniaghtey veih'n aer, as nagh vel ad chyndaa reesht gys shen, derrey t'ad er ushtaghey yn ooir, as coyrt er gymmyrkey mess as blaaghey, dy chur magh rass da'n chorreyder, as arran da'n eeder;

For as the rain cometh down, and the snow from heaven, and returneth not thither, but watereth the earth, and maketh it bring forth and bud, that it may give seed to the sower, and bread to the eater:


Shen myr vees my ghoo ta goll ass my veeal: cha jyndaa eh reesht hym's neuvreeoil; agh nee eh cooilleeney my aigney, as bee aïgh vie lesh 'sy chooish shen ta foym's dy chooilleeney.

So shall my word be that goeth forth out of my mouth: it shall not return unto me void, but it shall accomplish that which I please, and it shall prosper in the thing whereto I sent it.


Son hed shiu magh lesh boggey, as bee shiu er nyn leeideil ayns shee: nee ny sleityn as ny croink brishey magh ayns kiaulleeaght kiongoyrt riu, as nee ooilley biljyn y vagheragh nyn massyn y woalley.

For ye shall go out with joy, and be led forth with peace: the mountains and the hills shall break forth before you into singing, and all the trees of the field shall clap their hands.


Ayns ynnyd y drine nee gaase seose yn billey-juys, as ayns ynnyd y dress hig seose yn billey-myrtle: as bee eh da'n Chiarn son ennym, son cowrey dy bragh farraghtyn, nagh bee er ny yiarey jeh.

Instead of the thorn shall come up the fir tree, and instead of the brier shall come up the myrtle tree: and it shall be to the Lord for a name, for an everlasting sign that shall not be cut off.