The Bible

1

Gow arrane, O ven ghennish, uss nagh ren gymmyrkey cloan; brish magh ayns kiaulleeaght, as eïe dy ard, uss nagh row er-troailt: son ta foddey smoo dy chloan ecksh va treigit na t'ecksh ta sheshey eck, ta'n Chiarn dy ghra.

Sing, O barren, thou that didst not bear; break forth into singing, and cry aloud, thou that didst not travail with child: for more are the children of the desolate than the children of the married wife, saith the Lord.

2

Jean mooadaghey ynnyd dty chabbane, as lhig daue sheeyney magh curtanyn dty ynnydyn-vaghee: ny lhaggee dty laue, lhig magh dty choyrdyn, as niartee dty stakyn:

Enlarge the place of thy tent, and let them stretch forth the curtains of thine habitations: spare not, lengthen thy cords, and strengthen thy stakes;

3

Son brishee oo magh er y laue yesh as er y laue chiare; as gowee dty luight ny ashoonee myr eiraght, as ver ad cummaltee ayns ny ard-valjyn treigit.

For thou shalt break forth on the right hand and on the left; and thy seed shall inherit the Gentiles, and make the desolate cities to be inhabited.

4

Ny gow aggle; son cha bee oyr nearey ort: chamoo bee uss er dty chastey; son cha bee oyr nearey ort: son nee oo jarrood nearey dty aegid, as cha gooinee oo ny smoo er oltooan dty stayd-treoghe.

Fear not; for thou shalt not be ashamed: neither be thou confounded; for thou shalt not be put to shame: for thou shalt forget the shame of thy youth, and shalt not remember the reproach of thy widowhood any more.

5

Son ta dty Er-croo dty ghooinney-poost; (ta'n ennym echey Chiarn ny flaunyssee;) as dty Haualtagh, Fer-casherick Israel; Jee yn slane seihll bee eshyn enmyssit.

For thy Maker is thine husband; the Lord of hosts is his name; and thy Redeemer the Holy One of Israel; The God of the whole earth shall he be called.

6

Son ta'n Chiarn er n'eamagh ort reesht, myr ben va treigit as seaghnit ayns spyrryd, as eer myr ben-phoost ayns e aegid, lurg dhyt ve obbit, ta dty Yee gra.

For the Lord hath called thee as a woman forsaken and grieved in spirit, and a wife of youth, when thou wast refused, saith thy God.

7

Son earish yiare ta mee er dty hreigeil: agh lesh myghinyn mooarey nee'm oo y ghoaill stiagh.

For a small moment have I forsaken thee; but with great mercies will I gather thee.

8

Rish tammylt beg dy chorree hyndaa mee son shallid my eddin void; agh lesh kenjallys dy bragh farraghtyn nee'm myghin ort, ta'n Chiarn dty Er-kionnee gra.

In a little wrath I hid my face from thee for a moment; but with everlasting kindness will I have mercy on thee, saith the Lord thy Redeemer.

9

Son ta shoh dooys myr va thooilley Noah: son myr ta mee er vreearrey nagh ragh thooilley Noah ny smoo harrish yn seihll, myrgeddin ta mee er vreearrey nagh beign jymmoosagh dt'oï, ny cur oghsan dhyt.

For this is as the waters of Noah unto me: for as I have sworn that the waters of Noah should no more go over the earth; so have I sworn that I would not be wroth with thee, nor rebuke thee.

10

Son nee ny sleityn lheïe ersooyl, as bee ny croink er nyn scughey; agh cha jean my chenjallys uss y hreigeil, chamoo vees my chonaant dy hee er ny vrishey, ta'n Chiarn gra, echeysyn ta myghin ort.

For the mountains shall depart, and the hills be removed; but my kindness shall not depart from thee, neither shall the covenant of my peace be removed, saith the Lord that hath mercy on thee.

11

O uss ta seaghnit, ta eiyrit noon as noal lesh y dorrin, as nagh vel er dty gherjaghey, cur-my-ner, neem's layal dty chlaghyn dy chullyryn aalin, as ny undinyn ayd's lesh sapphireyn.

O thou afflicted, tossed with tempest, and not comforted, behold, I will lay thy stones with fair colours, and lay thy foundations with sapphires.

12

As neem's ny uinniagyn ayd's jeh agateyn, as ny giattyn ayd jeh carbuncleyn, as ooilley dty voallaghyn jeh claghyn costal.

And I will make thy windows of agates, and thy gates of carbuncles, and all thy borders of pleasant stones.

13

As bee ooilley dty chloan ynsit liorish y Chiarn, as s'mooar vees shee dty chlienney.

And all thy children shall be taught of the Lord; and great shall be the peace of thy children.

14

Ayns ynrickys bee oo er dty hickyraghey bee oo foddey veih tranlaase; son cha bee aggle ort: as bee oo foddey veih atchim; son cha jig eh dty choair.

In righteousness shalt thou be established: thou shalt be far from oppression; for thou shalt not fear: and from terror; for it shall not come near thee.

15

Cur-my-ner, bee ad dy jarroo er nyn jaglym cooidjagh, agh cha nee lioryms: quoi-erbee nee troggal seose ad-hene dt'oï, nee ad tuittym er y choontey ayd's.

Behold, they shall surely gather together, but not by me: whosoever shall gather together against thee shall fall for thy sake.

16

Cur-my-ner, ta mee er chroo yn gaaue ta sheidey ny smarageyn 'syn aile, as ta bwoalley magh greie son e obbyr hene: as ta mee er chroo yn stroider dy choyrt mow.

Behold, I have created the smith that bloweth the coals in the fire, and that bringeth forth an instrument for his work; and I have created the waster to destroy.

17

Greïe-caggee erbee ta troggit dt'oï, cha jig eh lesh; as dy chooilley hengey hroggys dt'oï ayns briwnys nee oo y gheyrey. Shoh eiraght shirveishee yn Chiarn; as ta'n ynrickys oc voym's, ta'n Chiarn dy ghra.

No weapon that is formed against thee shall prosper; and every tongue that shall rise against thee in judgment thou shalt condemn. This is the heritage of the servants of the Lord, and their righteousness is of me, saith the Lord.