The Bible

Y laa shen nee yn Chiarn, lesh e chliwe gyere, as mooar, as lajer, kerraghey leviathan, yn ard-nieu guintagh shen, eer leviathan yn ard-nieu camlaagagh shen, as marree eh yn dragon ta 'syn aarkey.

In that day the Lord with his sore and great and strong sword shall punish leviathan the piercing serpent, even leviathan that crooked serpent; and he shall slay the dragon that is in the sea.

Sy laa shen gow-jee arrane mychione eck, Garey-feeyney dy feeyn jiarg.

In that day sing ye unto her, A vineyard of red wine.

Mish y Chiarn ta freayll eh; nee'm gushtaghey eh dy kinjagh; nagh jig assee erbee er, freill-ym arrey er oie as laa.

I the Lord do keep it; I will water it every moment: lest any hurt it, I will keep it night and day.

Cha vel eulys tannaghtyn mâryms: quoi yinnagh soiaghey dressyn as drineyn m'oï 'sy chaggey? yinnin goll nyn drooid, yinnin lostey ad cooidjagh.

Fury is not in me: who would set the briers and thorns against me in battle? I would go through them, I would burn them together.

Er-nonney lhig da goaill greme jeh my niart, dy vod eh shee y yannoo rhym; as bee shee echey marym.

Or let him take hold of my strength, that he may make peace with me; and he shall make peace with me.

Ver eh orroosyn ta cheet jeh Jacob dy ghoaill fraue: nee Israel blaaghey as cur-magh, as lhieeney eaghtyr y thallooin lesh mess.

He shall cause them that come of Jacob to take root: Israel shall blossom and bud, and fill the face of the world with fruit.

Vel eh er woalley eshyn, myr woaill eh adsyn ren eshyn y woalley? ny vel eh er varroo jehsyn corrym rish yn baase ocsyn t'er ny varroo liorish?

Hath he smitten him, as he smote those that smote him? or is he slain according to the slaughter of them that are slain by him?

Ayns towse, tra t'ou dy chur magh eh, nee oo pleadeil rish: t'eh lhiettal e gheay rastagh rish traa yn gheay-niar.

In measure, when it shooteth forth, thou wilt debate with it: he stayeth his rough wind in the day of the east wind.

Liorish shoh eisht vees mee-chairys Yacob er ny heyrey, as shoh yn slane cowrey, dy vel e pheccaghyn er ny leih da; tra t'eh jannoo ooilley claghyn yn altar myr claghyn kelk t'er ny vroo dy myn, cha bee ny keylljyn ny ny jallooyn faagit nyn shassoo.

By this therefore shall the iniquity of Jacob be purged; and this is all the fruit to take away his sin; when he maketh all the stones of the altar as chalkstones that are beaten in sunder, the groves and images shall not stand up.

Ny-yeih, bee yn ard-valley fencit ny hraartys, as yn ynnyd-vaghee treigit, as faagit myr faasagh: shen y raad nee yn gauin gyndyr, as ayns shen nee eh lhie sheese, as caigney ny banglaneyn echey.

Yet the defenced city shall be desolate, and the habitation forsaken, and left like a wilderness: there shall the calf feed, and there shall he lie down, and consume the branches thereof.

Tra ta ny banganyn echey fiojit, bee ad er nyn mrishey jeh: ta ny mraane cheet as cur aile orroo; son she pobble mee-cheeayllagh ad: shen-y-fa eshyn chroo ad, cha jean eh myghin orroo, as eshyn ren ad y chiaddey, cha jeeagh eh veg y foayr daue.

When the boughs thereof are withered, they shall be broken off: the women come, and set them on fire: for it is a people of no understanding: therefore he that made them will not have mercy on them, and he that formed them will shew them no favour.

As hig eh gy-kione 'sy laa shen, dy jean y Chiarn bwoalley mygeayrt veih ammyr ny hawin gys strooan Egypt, as bee shiuish er nyn jaglym, fer as fer, O shiuish chloan Israel.

And it shall come to pass in that day, that the Lord shall beat off from the channel of the river unto the stream of Egypt, and ye shall be gathered one by one, O ye children of Israel.

As hig eh gy-kione 'sy laa shen, dy bee yn trumpet mooar er ny heidey, as hig adsyn va aarloo dy herraghtyn ayns cheer Assyria, as ny eebyrtee ayns cheer Egypt, as ver ad ooashley da'n Chiarn er y chronk chasherick ec Jerusalem.

And it shall come to pass in that day, that the great trumpet shall be blown, and they shall come which were ready to perish in the land of Assyria, and the outcasts in the land of Egypt, and shall worship the Lord in the holy mount at Jerusalem.