The Bible


Ny-sodjey na shoh, dooyrt y Chiarn rhym, Gow lioar vooar, as scrieu ayn lesh goan baghtal mychione Maher-shalal-hash-baz.

Moreover the Lord said unto me, Take thee a great roll, and write in it with a man's pen concerning Mahershalalhashbaz.


As ghow mee feanishyn firrinagh son recortys, Uriah yn saggyrt, as Zechariah mac Yeberechiah.

And I took unto me faithful witnesses to record, Uriah the priest, and Zechariah the son of Jeberechiah.


As haink mee er-gerrey da my ven, as ren ee gientyn, as mac y ymmyrkey. Eisht dooyrt y Chiarn rhym, Jean genmys eh Maher-shalal-hash-baz:

And I went unto the prophetess; and she conceived, and bare a son. Then said the Lord to me, Call his name Mahershalalhashbaz.


Son roish my bee tushtey ec y lhiannoo dy eam, My ayr, as my voir, bee berchys Ghamascus as spooilley Samaria goit ersooyl roish ree Assyria.

For before the child shall have knowledge to cry, My father, and my mother, the riches of Damascus and the spoil of Samaria shall be taken away before the king of Assyria.


Loayr y Chiarn rhym myrgeddin reesht, gra,

The Lord spake also unto me again, saying,


Son wheesh as dy vel yn pobble shoh soiaghey-beg jeh ushtaghyn Shiloah, ta roie dy shliawn, as cur nyn marrant er Rezin, as mac Remaliah;

Forasmuch as this people refuseth the waters of Shiloah that go softly, and rejoice in Rezin and Remaliah's son;


Nish er-y-fa shen, cur-my-ner, ta'n Chiarn cur lesh seose orroo ushtaghyn yn awin niartal as ymmodee, eer ree Assyria, as ooilley e ghloyr; as hig eh seose harrish ooilley e ammyryn, as lhieenee eh harrish ooilley e vrooinyn:

Now therefore, behold, the Lord bringeth up upon them the waters of the river, strong and many, even the king of Assyria, and all his glory: and he shall come up over all his channels, and go over all his banks:


As nee eh gimmeeaght trooid Judah; nee eh gatt as roie harrish nee eh roshtyn eer gys y wannal; as lesh sheeyney magh skianyn nee eh lhieeney lheead yn cheer ayd's, O Immanuel.

And he shall pass through Judah; he shall overflow and go over, he shall reach even to the neck; and the stretching out of his wings shall fill the breadth of thy land, O Immanuel.


Jean-jee conaant ry-cheilley, O shiuish phobble, agh bee shiu er nyn mrishey ayn peeshyn; as eaisht-jee ooilley shiuish cheeraghyn foddey jeh: cryss-jee miu [nyn gliwenyn], agh bee shiu er nyn mrishey ayns peeshyn; cryss-jee miu, agh bee shiu er nyn mrishey ayns peeshyn.

Associate yourselves, O ye people, and ye shall be broken in pieces; and give ear, all ye of far countries: gird yourselves, and ye shall be broken in pieces; gird yourselves, and ye shall be broken in pieces.


Cur-jee nyn goyrle dy cheilley, agh hig eh gys veg: loayr-jee yn fockle, agh cha jean eh shassoo: son ta Jee mârin.

Take counsel together, and it shall come to nought; speak the word, and it shall not stand: for God is with us.


Son shoh myr loayr y Chiarn rhym lesh laue niartal, as hug eh roym, gyn dy immeeaght ayns raad y phobble shoh, gra,

For the Lord spake thus to me with a strong hand, and instructed me that I should not walk in the way of this people, saying,


Ny abbyr-jee, Nee mayd conaant roosyn ooilley, nee'n pobble shoh conaant roo; ny gow-jee aggle roish yn aggle ocsyn, chamoo bee jee fo atchim.

Say ye not, A confederacy, to all them to whom this people shall say, A confederacy; neither fear ye their fear, nor be afraid.


Jean-jee eer Chiarn ny flaunyssee hene y ghloyraghey, as lhig dasyn ve yn aggle euish, as lhig da ve nyn atchim.

Sanctify the Lord of hosts himself; and let him be your fear, and let him be your dread.


As bee eh diuish son coadey casherick; agh son clagh-snapperal, as son creg vees oyr tuittym, gys daa hie Israel; son sniem, as son ribbey, da cummaltee Yerusalem.

And he shall be for a sanctuary; but for a stone of stumbling and for a rock of offence to both the houses of Israel, for a gin and for a snare to the inhabitants of Jerusalem.


As nee ymmodee ny mast' oc snapperal, as tuittym, as bee ad brisht, as goit 'sy ribbey.

And many among them shall stumble, and fall, and be broken, and be snared, and be taken.


Jean-jee yn recortys shickyr, seal-jee seose y leigh ny mast' ocsyn ta geiyrt er my ynsagh.

Bind up the testimony, seal the law among my disciples.


As nee'm farkiaght er y Chiarn, ta follaghey e eddin veih thie Yacob, as nee'm jeeaghyn er e hon.

And I will wait upon the Lord, that hideth his face from the house of Jacob, and I will look for him.


Cur-my-ner, ta mish, as my chloan ta'n Chiarn er chur dou, son cowraghyn as yindyssyn ayns Israel: veih Chiarn ny flaunyssee, ta cummal ayns cronk Sion.

Behold, I and the children whom the Lord hath given me are for signs and for wonders in Israel from the Lord of hosts, which dwelleth in mount Zion.


As tra jir ad riu, Gow-jee coyrle jeusyn ta spyrrydyn faishnee oc, as jeh ny fir-obbee, ta meekeyragh as tassane; nagh lhisagh pobble briaght jeh nyn Yee? cha nee ny bioee jeh ny merriu?

And when they shall say unto you, Seek unto them that have familiar spirits, and unto wizards that peep, and that mutter: should not a people seek unto their God? for the living to the dead?


Shir-jee gys y leigh as gys y recortys: mannagh vel ad loayrt cordail rish yn goo shoh, te er-yn-oyr nagh vel veg y toilshey ayndoo.

To the law and to the testimony: if they speak not according to this word, it is because there is no light in them.


As hed ad trooid y cheer ayns chennid ghyere, as gortey: as hig eh gy-kione, tra vees ad roit neeu lesh accyrys, dy bee ad ayns lheid yn angaish dy jean ad gwee mollaght er nyn ree as nyn Yee, as jeeaghyn seose.

And they shall pass through it, hardly bestead and hungry: and it shall come to pass, that when they shall be hungry, they shall fret themselves, and curse their king and their God, and look upward.


As nee ad jeeaghyn er y thalloo as cur-my-ner seaghyn as dorraghys, dooid dy angaish; as bee ad er nyn imman gys dorraghys.

And they shall look unto the earth; and behold trouble and darkness, dimness of anguish; and they shall be driven to darkness.