The Bible


Cre'n raad ta dty ghraih er ghoaill, O uss s'aalin ta mastey mraane? cre'n raad ta dty ghraih er hyndaa? dy vod mayd mayrt's shirrey er e hon.

Whither is thy beloved gone, O thou fairest among women? whither is thy beloved turned aside? that we may seek him with thee.


Ta my ghraih er n'gholl sheese gys e gharey, gys ny imraghyn spice, dy ee mess ny garaghyn, as dy haglym lileeyn.

My beloved is gone down into his garden, to the beds of spices, to feed in the gardens, and to gather lilies.


Ta mish lesh my ghraih, as my ghraih lhiam's: t'eh beaghey mastey ny lileeyn.

I am my beloved's, and my beloved is mine: he feedeth among the lilies.


T'ou uss aalin, O my ghraih myr Tirzah, stoamey myr Jerusalem, gloyroil myr slane sollyssid rollageagh yn aer.

Thou art beautiful, O my love, as Tirzah, comely as Jerusalem, terrible as an army with banners.


Chyndaa dty hooillyn orrym, dy vod ad my vaynrey: ta dty olt myr shioltane dy ghoair t'er ny akin veih Gilead.

Turn away thine eyes from me, for they have overcome me: thy hair is as a flock of goats that appear from Gilead.


Ta dty eeacklyn myr shioltane keyrragh erreish daue ve nieet dagh unnane jeu breh lannoon, as cha vel unnane gennish nyn mastey.

Thy teeth are as a flock of sheep which go up from the washing, whereof every one beareth twins, and there is not one barren among them.


Ta dty cheeillyn myr blaa yn phomegranate fo dty vreidyn.

As a piece of a pomegranate are thy temples within thy locks.


Ta three-feed princess, as kiare-feed co-lhiabbagh, marish ymmodee moidynyn:

There are threescore queens, and fourscore concubines, and virgins without number.


Agh she my chalmane aalin ta ynrycan graih; t'eeish lhiannoo ynrycan e moir, ynrycan ennoil jeeish hug gys y theihll ee: honnick ny moidynyn ee, as vannee ad ee, ny princessyn neesht, as ny co-lhiabbee hug moylley jee.

My dove, my undefiled is but one; she is the only one of her mother, she is the choice one of her that bare her. The daughters saw her, and blessed her; yea, the queens and the concubines, and they praised her.


Quoi eh shoh ta brishey magh myr y voghrey, gial myr yn eayst, sollys myr yn ghrian, as gloyroil myr slane sheshaght rollageagh yn aer?

Who is she that looketh forth as the morning, fair as the moon, clear as the sun, and terrible as an army with banners?


Hie mee sheese gys garey ny croyn, dy chur shilley er troar ny glionney, as dy yeeaghyn row yn billey-feeyney blaaghey as ny pomegranateyn cheet er nyn doshiaght.

I went down into the garden of nuts to see the fruits of the valley, and to see whether the vine flourished and the pomegranates budded.


Sy tullogh, hie my annym er e eiyrt's cha bieau as cha tappee as fainee Amminadib.

Or ever I was aware, my soul made me like the chariots of Amminadib.


Chyndaa, chyndaa, O Shulamite chyndaa, chyndaa, dy vod mayd blâkey ort: cre hee-ys shiu 'sy Shulamite? myr cooidjaghey daa heshaght-chaggee.

Return, return, O Shulamite; return, return, that we may look upon thee. What will ye see in the Shulamite? As it were the company of two armies.