The Bible

1

She mish rose Sharon, as lilee ny coanyn.

I am the rose of Sharon, and the lily of the valleys.

2

Myr lilee mastey drineyn, myr shen ta my ghraih's mastey ny mraane aegey.

As the lily among thorns, so is my love among the daughters.

3

Myr yn billey-ooyl mastey biljyn ny keylley, myr shen ta my ghraih mastey ny deiney aegey. Hoie mee sheese fo'n scadoo echey lesh mooarane taitnys, as s'millish va e vess gys my vlass.

As the apple tree among the trees of the wood, so is my beloved among the sons. I sat down under his shadow with great delight, and his fruit was sweet to my taste.

4

Hug eh lesh mee gys thie e chuirraghyn, as skeayl eh harrym cullee e ghraih.

He brought me to the banqueting house, and his banner over me was love.

5

Niartee mee lesh glassyreeyn miljey, jean mish y ooraghey lesh ooylyn: son ta mee ching ayns graih.

Stay me with flagons, comfort me with apples: for I am sick of love.

6

Ta e laue chiare fo my chione, as ta'n laue yesh echey dy my ghlassey.

His left hand is under my head, and his right hand doth embrace me.

7

Ta mee cur currym erriu, O shiuish inneenyn Yerusalem, liorish y taitnys t'eu ayns ny feeaïhee sleitagh as magheragh, nagh boir-jee my ghraih, as nagh doost-jee eh derrey saillish hene.

I charge you, O ye daughters of Jerusalem, by the roes, and by the hinds of the field, that ye stir not up, nor awake my love, till he please.

8

Coraa my ghraih's! cur-my-ner t'eh cheet lheim er ny sleityn, cor-lheimyragh er ny croink.

The voice of my beloved! behold, he cometh leaping upon the mountains, skipping upon the hills.

9

Ta my ghraih myr feeaïh aalin aeg: cur-my-ner, t'eh shassoo cooyl yn voalley ain, t'eh jeeaghyn magh er yn uinniag, t'eh dy yeeaghyn eh-hene trooid y chlea.

My beloved is like a roe or a young hart: behold, he standeth behind our wall, he looketh forth at the windows, shewing himself through the lattice.

10

Loayr my ghraih, as dooyrt eh rhym, Trog ort, my ghraih, my chooid s'aalin, as tar royd.

My beloved spake, and said unto me, Rise up, my love, my fair one, and come away.

11

Son cur-my-ner ta'n geurey ceaut, ta'n fliaghey harrish as ersooyl.

For, lo, the winter is past, the rain is over and gone;

12

Ta ny blaaghyn ry-akin er y thalloo, ta imbagh kiaulleeaght ny ushagyn er jeet, as ta bingys yn turtle er ny chlashtyn 'sy cheer ain.

The flowers appear on the earth; the time of the singing of birds is come, and the voice of the turtle is heard in our land;

13

Ta'n billey-figgagh gymmyrkey figgyn glassey, as ta ny biljyn-feeyney lesh nyn merrishyn meiygh ceau soar millish. Trog ort, my ghraih, my chooid s'aalin, as tar royd.

The fig tree putteth forth her green figs, and the vines with the tender grape give a good smell. Arise, my love, my fair one, and come away.

14

O my chalmane ta ayns tuill ny creggyn, fo skellooyn yn eaynee, lhig dou dty eddin y akin, lhig dou dty choraa y chlashtyn; son s'eunyssagh dty choraa, as stoamey dty eddin aalin.

O my dove, that art in the clefts of the rock, in the secret places of the stairs, let me see thy countenance, let me hear thy voice; for sweet is thy voice, and thy countenance is comely.

15

Soie ribbey son ny shynnee, son ny quaillanyn shynnagh ta mhilley ny biljyn-feeyney: son ta ny berrishyn meiygh cheet magh er ny biljyn-feeyney.

Take us the foxes, the little foxes, that spoil the vines: for our vines have tender grapes.

16

Ta my ghraih lhiam's, as mish leshyn: t'eh beaghey mastey ny lileeyn.

My beloved is mine, and I am his: he feedeth among the lilies.

17

Derrey'n vadran, as skeayley ny bodjallyn, chyndaa my ghraih, as bee uss myr y vinjeig feïe, ny'n feeaïh aeg er sleityn Vether.

Until the day break, and the shadows flee away, turn, my beloved, and be thou like a roe or a young hart upon the mountains of Bether.