The Bible

Jeeagh gys dty raaidyn, tra t'ou taaghey thie Yee, as bee ny s'arryltagh dy chlashtyn na dy hebbal oural yn ommydan: son cha vel toiggal echey, dy vel eh jannoo dy olk.

Keep thy foot when thou goest to the house of God, and be more ready to hear, than to give the sacrifice of fools: for they consider not that they do evil.

Ny bee siyragh lesh dty veeal, as ny lhig da dty chree fockley-magh nhee erbee gyn-tort fenish Yee: son ta Jee ayns niau, as uss er y thalloo; shen-y-fa lhig da dty ghoan ve beggan.

Be not rash with thy mouth, and let not thine heart be hasty to utter any thing before God: for God is in heaven, and thou upon earth: therefore let thy words be few.

Son tra dreamal cheet trooid ymmodee kiarail, as coraa yn ommydan er ny chronnaghey liorish mooarane branlaadee.

For a dream cometh through the multitude of business; and a fool's voice is known by multitude of words.

Tra t'ou jannoo breearrey gys Jee, ny lhig shaghey dy chooilleeney eh: son cha vel taitnys erbee echeysyn ayns ommydanyn; eeck shen ny t'ou er vreearrey.

When thou vowest a vow unto God, defer not to pay it; for he hath no pleasure in fools: pay that which thou hast vowed.

Ny share te, nagh jinnagh oo breearrey, na oo dy vreearrey, as dyn cooilleeney.

Better is it that thou shouldest not vow, than that thou shouldest vow and not pay.

Ny lhig da dty veeal ve oyr peccah da dty chorp; chamoo abbyr roish chaghter Yee, She marranys ve: cre'n-fa yinnagh oo Jee y vrasnaghey lesh dty ghoan, dy stroie obbyr dty laueyn?

Suffer not thy mouth to cause thy flesh to sin; neither say thou before the angel, that it was an error: wherefore should God be angry at thy voice, and destroy the work of thine hands?

Son ayns ymmodee dreamallyn as mooarane goan, ta myrgeddin niart fardail: agh gow uss aggle roish Jee.

For in the multitude of dreams and many words there are also divers vanities: but fear thou God.

My hee oo tranlaase jeant er y voght, as laue lajer jeant er briwnys as cairys 'sy cheer, ny gow yindys jeh'n chooish: son ta eshyn, ta erskyn y fer-syrjey, cur tastey, as ta ny syrjey ayn na adsyn.

If thou seest the oppression of the poor, and violent perverting of judgment and justice in a province, marvel not at the matter: for he that is higher than the highest regardeth; and there be higher than they.

Ny-sodjey, ta vondeish y thallooin cour dy chooilley ghooinney: ta'n ree hene er ny hirveish veih'n vagher.

Moreover the profit of the earth is for all: the king himself is served by the field.

Cha bee eshyn ta sondagh er argid jeant-magh lesh argid; ny eshyn ta shleeuit er cosney lesh cheet-stiagh vooar: ta shoh myrgeddin fardail.

He that loveth silver shall not be satisfied with silver; nor he that loveth abundance with increase: this is also vanity.

Tra ta cooid bishaghey, t'adsyn er nyn mishaghey ta dy vaarail ad: as cre'n vondeish t'ec mainshteryn ooilley'n verchys shoh, agh shilley jeu lesh nyn sooillyn!

When goods increase, they are increased that eat them: and what good is there to the owners thereof, saving the beholding of them with their eyes?

Ta cadley yn labree kiune, my s'beg ny s'mooar e lhongey: agh cha lhig palchey yn verchagh da dy ghoaill fea.

The sleep of a labouring man is sweet, whether he eat little or much: but the abundance of the rich will not suffer him to sleep.

Ta olk vooar ta mee er vakin fo'n ghrian, eer berchys freilt gys yn assee ocsyn by-lhieu ad.

There is a sore evil which I have seen under the sun, namely, riches kept for the owners thereof to their hurt.

Agh ta'n verchys cheddin cherraghtyn liorish drogh-harrooghys; as t'eh geddyn mac as cha vel nhee erbee ny laue.

But those riches perish by evil travail: and he begetteth a son, and there is nothing in his hand.

Rooisht myr haink eh magh ass breïn e vayrey, hed eh roish, dy gholl myr haink eh, as cha vel nhee erbee jeh cooid e gheinys, ver eh lesh ersooyl ny laue

As he came forth of his mother's womb, naked shall he return to go as he came, and shall take nothing of his labour, which he may carry away in his hand.

As ta shoh myrgeddin olk trome, er dy chooilley aght myr haink eh, shen myr hed eh: as cre'n vondeish t'echeysyn t'er laboraght son y gheay?

And this also is a sore evil, that in all points as he came, so shall he go: and what profit hath he that hath laboured for the wind?

Ooilley e laghyn myrgeddin, goaill e veaghey ayns dorraghys, as t'echey mooarane trimshey, as sou-aigney lesh e hingys.

All his days also he eateth in darkness, and he hath much sorrow and wrath with his sickness.

Cur-my-ner, shen ny ta mee er vakin: te mie as feudagh son peccagh dy ee as dy iu, as dy ghoaill soylley jeh foays ooilley e laboraght, t'eh dy ghoaill fo'n ghrian, ooilley laghyn e vea: son shoh'n cronney ta Jee fordrail da.

Behold that which I have seen: it is good and comely for one to eat and to drink, and to enjoy the good of all his labour that he taketh under the sun all the days of his life, which God giveth him: for it is his portion.

Dy chooilley ghooinney myrgeddin, da ta Jee er choyrt berchys as cooid, as slaynt dy yannoo ymmyd jeh, as dy yannoo mooar jeh hene, as dy ghoaill boggey ayns e laboraght; ta shoh neesht gioot voish Jee.

Every man also to whom God hath given riches and wealth, and hath given him power to eat thereof, and to take his portion, and to rejoice in his labour; this is the gift of God.

Son cha gooinee eh cooid-vooar er laghyn e heihll: er-yn-oyr dy vel Jee dy ansoor eh ayns eunys e chree,

For he shall not much remember the days of his life; because God answereth him in the joy of his heart.