The Bible

1

Eshyn ta dy mennick coyrlit, as creoghey e wannal, bee eh doaltattym er ny stroie, as shen fegooish couyr.

He, that being often reproved hardeneth his neck, shall suddenly be destroyed, and that without remedy.

2

Tra ta deiney cairal ayns pooar, ta'n theay goaill boggey: agh tra t'ad fo tranlaasagh, ta'n pobble dobberan.

When the righteous are in authority, the people rejoice: but when the wicked beareth rule, the people mourn.

3

Eshyn shynney lesh creenaght, t'eh jannoo boggey da e ayr: agh eh ta freayll sheshaght streebee, t'eh jummal e chooid.

Whoso loveth wisdom rejoiceth his father: but he that keepeth company with harlots spendeth his substance.

4

Ta'n ree liorish briwnys [cairal] cummal seose y cheer; agh eh ta goaill sollaghey-laue, t'eh dy choyrt eh naardey.

The king by judgment establisheth the land: but he that receiveth gifts overthroweth it.

5

Dooinney ta brynneraght rish e naboo, t'eh skeayley lieen son e chassyn.

A man that flattereth his neighbour spreadeth a net for his feet.

6

Ayns mee-chairys drogh-ghooinney ta ribbey: agh gowee yn dooinney mie arraneyn-moyllee dy gennal.

In the transgression of an evil man there is a snare: but the righteous doth sing and rejoice.

7

Ta'n dooinney cairal goaill seose cooish yn ymmyrchagh: agh s'mooar lesh y drogh-ghooinney dy hoiggal eh.

The righteous considereth the cause of the poor: but the wicked regardeth not to know it.

8

Ta deiney boiragh cur yn ard-valley fo seaghyn: agh ta deiney creeney castey jymmoose.

Scornful men bring a city into a snare: but wise men turn away wrath.

9

My ta dooinney creeney dellal rish ommydan, edyr eh ve corree ny craid cha der eh fea dhyt.

If a wise man contendeth with a foolish man, whether he rage or laugh, there is no rest.

10

Ta deiney folley as dwoaie oc er sleih ynrick: agh ta'n dooinney cairal shirrey foays e annym.

The bloodthirsty hate the upright: but the just seek his soul.

11

Ta'n ommydan fockley magh ooilley e aigney: agh ta persoon creeney dy chummal sthie eh gys traa cooie.

A fool uttereth all his mind: but a wise man keepeth it in till afterwards.

12

My ta fer-reill cur cleaysh da breagyn bee ooilley e harvaantyn olk.

If a ruler hearken to lies, all his servants are wicked.

13

Ta'n ymmyrchagh as y tranlaasagh cheet dy cheilley: agh she'n Chiarn ta coyrt soilshey daue ny-neesht.

The poor and the deceitful man meet together: the Lord lighteneth both their eyes.

14

Yn ree ta dy firrinagh briwnys son ny boghtyn, bee yn stoyl-reeoil echeysyn er ny hickyraghey son dy bragh.

The king that faithfully judgeth the poor, his throne shall be established for ever.

15

Ta'n slat as oghsan dy choyrt creenaght: agh ta lhiannoo faagit da-hene tayrn nearey er e voir.

The rod and reproof give wisdom: but a child left to himself bringeth his mother to shame.

16

Tra ta drogh-yantee bishaghey, ta drogh-yannoo goaill niart: agh hee sleih cairal yn lhieggey oc.

When the wicked are multiplied, transgression increaseth: but the righteous shall see their fall.

17

Smaghtee dty vac as bee fea ayd; bee eh eer gerjagh da dty annym.

Correct thy son, and he shall give thee rest; yea, he shall give delight unto thy soul.

18

Raad nagh vel goo Yee, ta'n pobble cherraghtyn: agh eh ta freayll yn leigh, s'maynrey t'eh.

Where there is no vision, the people perish: but he that keepeth the law, happy is he.

19

Cha vel drogh harvaant dy ve smaghtit lesh focklyn: son ga dy vel eh toiggal oo, cha jean eh freggyrt.

A servant will not be corrected by words: for though he understand he will not answer.

20

Vel oo cur-my-ner dooinney ta siyragh ayns e ghoan? ta caslys share jeh'n voal-hushtagh na jehsyn.

Seest thou a man that is hasty in his words? there is more hope of a fool than of him.

21

Eshyn ta dy keiyn troggal e harvaant veih e aegid, gowee eh er dy ve e vac ec y jerrey.

He that delicately bringeth up his servant from a child shall have him become his son at the length.

22

Ta dooinney fargagh bioghey anvea, as ta'n eulyssagh cur olk er y hoshiaght.

An angry man stirreth up strife, and a furious man aboundeth in transgression.

23

Tayrnys e voyrn dooinney sheese dy injil; agh eiyrys ooashley orroosyn ta imlee ayns cree.

A man's pride shall bring him low: but honour shall uphold the humble in spirit.

24

Quoi-theihll ta sheshey rish maarliagh, t'eh noid da e annym hene: t'eh er bree e loo, as cha vel eh soilshaghey yn ynrickys

Whoso is partner with a thief hateth his own soul: he heareth cursing, and bewrayeth it not.

25

Ta aggle dooinney dy hayrn eh ayns ribbey: agh bee kemmyrk echeysyn ver e varrant er y Chiarn.

The fear of man bringeth a snare: but whoso putteth his trust in the Lord shall be safe.

26

Ta ymmodee shirrey foayr y fer-reill; agh ta briwnys dy chooilley ghooinney cheet veih'n Chiarn.

Many seek the ruler's favour; but every man's judgment cometh from the Lord.

27

Ta dwoaie ec y dooinney onneragh er mitchoor, as ta'n drogh-er noid dasyn ta ynrick ayns e raaidyn.;

An unjust man is an abomination to the just: and he that is upright in the way is abomination to the wicked.