The Bible


Ta ny kyndee chea, tra nagh vel fer erbee er nyn eiyrt's: agh ta'n ynrick creeoil myr lion.

The wicked flee when no man pursueth: but the righteous are bold as a lion.


Son peccaghyn y cheer ta ny princeyn eck ymmodee: agh liorish dooinney creeney as tushtagh bee yn stayd eck foddey beayn.

For the transgression of a land many are the princes thereof: but by a man of understanding and knowledge the state thereof shall be prolonged.


Dooinney boght ta jannoo tranlaase er boght, t'eh myr fliaghey dewil stroie yn slane troar.

A poor man that oppresseth the poor is like a sweeping rain which leaveth no food.


Adsyn ta treigeil y leigh, t'ad moylley ny mee-chrauee: agh lheid as ta freayll y leigh t'ad coyrt eddin daue.

They that forsake the law praise the wicked: but such as keep the law contend with them.


Cha vel deiney olkyssagh toiggal briwnys: agh adsyn ta shirrey yn Chiarn, t'ad toiggal dagh nhee.

Evil men understand not judgment: but they that seek the Lord understand all things.


Ny share ta'n boght, ta shooyl ayns e ynrickys, na eshyn ta camlaagagh ayns raaidyn, ga dy vel eh berchagh.

Better is the poor that walketh in his uprightness, than he that is perverse in his ways, though he be rich.


Eshyn ta freayll y leigh, t'eh ny vac creeney: agh eh ta sheshey deiney jollyssagh, t'eh naaraghey e ayr.

Whoso keepeth the law is a wise son: but he that is a companion of riotous men shameth his father.


Eshyn ta liorish use trome, as cosney mee-chairagh, bishaghey e chooid, nee eh chaglym er e honsyn, ghoys chymmey er ny boghtyn.

He that by usury and unjust gain increaseth his substance, he shall gather it for him that will pity the poor.


Eh ta chyndaa ersooyl e chleaysh veih clashtyn y leigh, bee'n eer padjer echeysyn feohdoil.

He that turneth away his ear from hearing the law, even his prayer shall be abomination.


Eshyn ver deiney cairal er-shaghryn ayns drogh-raad, tuittee eshyn 'syn ooig echey hene: agh ec y vooinjer yeeragh bee reddyn mie ayns nyn gummal.

Whoso causeth the righteous to go astray in an evil way, he shall fall himself into his own pit: but the upright shall have good things in possession.


Ta'n dooinney berchagh creeney ayns e smooinaghtyn hene: agh yn boght ta tushtey echey, t'eh dy ronsaghey magh eh.

The rich man is wise in his own conceit; but the poor that hath understanding searcheth him out.


Tra ta deiney ynrick ayns pooar, te ard-vaynrys: agh tra ta ny mee-chrauee troggal, ta dooinney mie goll dy lhiattee.

When righteous men do rejoice, there is great glory: but when the wicked rise, a man is hidden.


Eh ta coodaghey e pheccaghyn cha jean eh bishaghey: agh quoi-erbee ghoys roo, as treigys ad, yiow eh myghin.

He that covereth his sins shall not prosper: but whoso confesseth and forsaketh them shall have mercy.


S'maynrey yn dooinney ta dy kinjagh ayns aggle (Yee); agh nee eshyn, chreoghys e chree, tuittym ayns olk.

Happy is the man that feareth alway: but he that hardeneth his heart shall fall into mischief.


Myr lion buirroogh, as muc-awin jollyssagh; myr shen ta fer-reill olkyssagh harrish theay seaghnit.

As a roaring lion, and a ranging bear; so is a wicked ruler over the poor people.


Yn prince, ta laccal tushtey, t'eh myrgeddin ny ard-hranlaasagh: agh eh ta shaghney saynt, bee e laghyn foddey-beayn.

The prince that wanteth understanding is also a great oppressor: but he that hateth covetousness shall prolong his days.


Eshyn t'er n'yannoo dewlys er fuill dooinney erbee, bee eh eiyrit dy baase; ny lhig da dooinney erbee lhiettal eh

A man that doeth violence to the blood of any person shall flee to the pit; let no man stay him.


Eshyn ta shooyl dy jeeragh, bee eh sauchey: agh eh ta roonagh ayns e raaidyn, tuittee eh dy gerrit.

Whoso walketh uprightly shall be saved: but he that is perverse in his ways shall fall at once.


Eshyn ta laboraght e halloo, bee sonnys arran echey: agh bee sheshey ny stroideryn boght dy liooar.

He that tilleth his land shall have plenty of bread: but he that followeth after vain persons shall have poverty enough.


Nee dooinney treishteilagh bishaghey ayns bannaghtyn: agh eshyn ta jannoo siyr dy ve berchagh, cha bee eh gyn-loght.

A faithful man shall abound with blessings: but he that maketh haste to be rich shall not be innocent.


Dy yannoo soiaghey jeh persoonyn deiney, cha vel eh mie: son eer greme dy arran; nee yn dooinney shen cassey cairys.

To have respect of persons is not good: for for a piece of bread that man will transgress.


Eshyn ta shleeuit er berchys, ta drogh-hooill echey, as cha vel eh toiggal dy vod y voghtynid cheet er.

He that hasteth to be rich hath an evil eye, and considereth not that poverty shall come upon him.


Yiow eshyn ta geddyn foill, booise smoo ny lurg, na eshyn ta brynneraght lesh e hengey.

He that rebuketh a man afterwards shall find more favour than he that flattereth with the tongue.


Quoi-erbee speeinys e ayr, as e voir, as jirrys, Nagh vel skielley erbee ayn; ta'n fer shen sheshey yn stroider.

Whoso robbeth his father or his mother, and saith, It is no transgression; the same is the companion of a destroyer.


Eshyn ta jeh cree mooaralagh, t'eh doostey anvea: agh eh verrys e varrant er y Chiarn, bee eh jeant-magh lesh sonnys.

He that is of a proud heart stirreth up strife: but he that putteth his trust in the Lord shall be made fat.


Eh ta treishteil gys e chree hene, t'eh ny ommydan: agh bee eshyn sauchey ta shooyl dy creeney.

He that trusteth in his own heart is a fool: but whoso walketh wisely, he shall be delivered.


Eshyn ta shirveish er ny boghtyn, cha jig y voghtynid er: agh yiow eshyn mollaght ny ghaa ta follaghey e hooillyn.

He that giveth unto the poor shall not lack: but he that hideth his eyes shall have many a curse.


Tra ta drogh-gheiney ayns pooar, ta sleih chea voue: agh tra t'ad currit sheese, ta deiney mie bishaghey.

When the wicked rise, men hide themselves: but when they perish, the righteous increase.