The Bible


Ny jean boggyssagh jeed hene mychione y laa mairagh; son cha vel fys ayd, cre ver y laa lesh mygeayrt.

Boast not thyself of to morrow; for thou knowest not what a day may bring forth.


Lhig da dooinney elley oo y voylley, as cha nee dty veeal hene; joarree, as cha nee ny meillyn ayd hene.

Let another man praise thee, and not thine own mouth; a stranger, and not thine own lips.


Ta'n clagh trome, as ta'n genniagh errey doillee dy ymmyrkey: agh ta farg yn ommydan ny strimmey na ad ny-neesht.

A stone is heavy, and the sand weighty; but a fool's wrath is heavier than them both.


Ta jymmoose red eulyssagh, as corree mee-reiltagh; agh quoi oddys shassoo roish troo?

Wrath is cruel, and anger is outrageous; but who is able to stand before envy?


Ta oghsan foshlit ny share na graih follit.

Open rebuke is better than secret love.


S'firrinagh ta smaght carrey; agh ta paagey noid molteyragh.

Faithful are the wounds of a friend; but the kisses of an enemy are deceitful.


Ta'n annym lane jiooldey rish yn eer kere-volley; agh da'n accryssagh ta dy chooilley nhee sharroo, blaystal.

The full soul loatheth an honeycomb; but to the hungry soul every bitter thing is sweet.


Myr eean treigeil yn edd eck, shen myr ta'n dooinney ta rouail veih e ynnyd hene.

As a bird that wandereth from her nest, so is a man that wandereth from his place.


Ta ooil spiceit, as soar millish, ooraghey yn chree: myr shen ta dooinney er ny gherjaghey liorish coyrle dooie e charrey.

Ointment and perfume rejoice the heart: so doth the sweetness of a man's friend by hearty counsel.


Dty charrey hene, as carrey dty ayr ny jean treigeil: as ny treisht gys thie dty vraarey son kemmyrk, ayns laa dty heaghyn: son ny share ta'n naboo ta liort, na braar ta foddey voïd.

Thine own friend, and thy father's friend, forsake not; neither go into thy brother's house in the day of thy calamity: for better is a neighbour that is near than a brother far off.


My vac, bee uss creeney, as jean boggey da my chree, dy voddym eddin y choyrt dasyn, nee m'y oltooaney.

My son, be wise, and make my heart glad, that I may answer him that reproacheth me.


Ta dooinney tastagh cronnaghey yn olk ro-laue, as keiltyn eh-hene: agh ta ny giare-cheeayllee roie gour nyn mullee, as geddyn assee.

A prudent man foreseeth the evil, and hideth himself; but the simple pass on, and are punished.


Gow yn eaddagh echeysyn, ta goll raane roish joarree, as gow gioal jehsyn son drogh-ven.

Take his garment that is surety for a stranger, and take a pledge of him for a strange woman.


Eshyn ta dy brynneragh fockley-magh goo mie e charrey, fey-ny-laa, cha vel eh agh scammylt da.

He that blesseth his friend with a loud voice, rising early in the morning, it shall be counted a curse to him.


Faarn kinjagh ayns laa dewil fliaghee, as ben anveagh, t'ad co-laik

A continual dropping in a very rainy day and a contentious woman are alike.


Eshyn cheillys ish, keillee eh yn gheay, as soar ooil er e laue yesh, ta dy vrah eh-hene.

Whosoever hideth her hideth the wind, and the ointment of his right hand, which bewrayeth itself.


Myr ta yiarn shlieu yiarn, myr shen ta dooinney gerjaghey eddin e ghooinney-mooinjer.

Iron sharpeneth iron; so a man sharpeneth the countenance of his friend.


Eshyn ta jeidjagh mysh e villey-figgagh, yiow eh soogh e vessyn: myr shen eshyn ta ayns ammys e vainshtyr, ta leagh mie ny chour.

Whoso keepeth the fig tree shall eat the fruit thereof: so he that waiteth on his master shall be honoured.


Myr ayns ushtey, ta eddin casley rish eddin, myr shen ta cree dooinney gys dooinney.

As in water face answereth to face, so the heart of man to man.


Cha vel yn oaie ny'n baase dy bragh lane: myr shen cha vel sayntyn sooilley dy bragh jeant-magh.

Hell and destruction are never full; so the eyes of man are never satisfied.


Myr ta'n pot-lheïee son argid, as y furnace son airh, myr shen ta dooinney er ny phrowal liorish y veeal brynneragh.

As the fining pot for silver, and the furnace for gold; so is a man to his praise.


Ga dy jinnagh oo ommydan y vroo ayns mortar, mastey curnaght lesh pestyl, foast cha jean eh scarrey rish e ommijys.

Though thou shouldest bray a fool in a mortar among wheat with a pestle, yet will not his foolishness depart from him.


Bee imneagh dy hoiggal stayd dty hioltaneyn, as freill sooill vie er dty hellooyn:

Be thou diligent to know the state of thy flocks, and look well to thy herds.


Son cha vel berchys son dy bragh: as vel yn attey reeoil goll veih sheeloghe gys sheeloghe?

For riches are not for ever: and doth the crown endure to every generation?


Son mannagh vel y traagh cheet-rish, as y faiyr meein cheet er-ash, as glassyraght ny sleityn chymsit,

The hay appeareth, and the tender grass sheweth itself, and herbs of the mountains are gathered.


Bee ny eayin ta son dty choamrey caillit, as farvaalys aber dty ghoair.

The lambs are for thy clothing, and the goats are the price of the field.


As bee dty haie bainney goair ayd son dty vee, dy yannoo magh dty lught-thie, as son beaghey dty inneenyn.

And thou shalt have goats' milk enough for thy food, for the food of thy household, and for the maintenance for thy maidens.