The Bible

Tra t'ou soie ec y voayrd marish ard-ghooinney, smooinee dy imneagh cre ta kiongoyrt rhyt.

When thou sittest to eat with a ruler, consider diligently what is before thee:

As cur skynn gys dty scoarnagh, my t'ou dty ghooinney jollyssagh.

And put a knife to thy throat, if thou be a man given to appetite.

Ny bee miandagh er e yien mie, son te bee molteyragh.

Be not desirous of his dainties: for they are deceitful meat.

Ny jean rouyr siyr dy ve berchagh: ny cur slane treisht gys dty chreenaght hene.

Labour not to be rich: cease from thine own wisdom.

Jean oo dty hooillyn y hoiaghey er shen nagh vel farraghtyn? son ta berchys dy shickyr jannoo skianyn daue hene; t'ad getlagh ersooyl myr urley neealloo yn aer.

Wilt thou set thine eyes upon that which is not? for riches certainly make themselves wings; they fly away as an eagle toward heaven.

Ny ee jeh arran fer y drogh-hooill, as ny lhig dty aigney ve miandagh er e vee blaystal.

Eat thou not the bread of him that hath an evil eye, neither desire thou his dainty meats:

Son myr t'eh smooinaghtyn ayns e chree, shen myr t'eh: Ee as iu, Jir eh rhyt, agh cha vel e chree lhiat.

For as he thinketh in his heart, so is he: Eat and drink, saith he to thee; but his heart is not with thee.

Yn greme t'ou er n'ee, nee oo tilgey, as caillee oo dty ghlare aalin.

The morsel which thou hast eaten shalt thou vomit up, and lose thy sweet words.

Ny loayr ayns clashtyn yn ommydan: son soie-ys eh beg jeh creenaght dty ocklyn.

Speak not in the ears of a fool: for he will despise the wisdom of thy words.

Ny scugh yn chenn chagliagh; as ny brish stiagh er magheryn y chloan gyn ayr.

Remove not the old landmark; and enter not into the fields of the fatherless:

Son ta'n fendeilagh oc niartal; gowee eh seose yn chooish oc dt'oï.

For their redeemer is mighty; he shall plead their cause with thee.

Croym dty chree gys ynsagh, as dty chleayshyn gys ny goan dy chreenaght.

Apply thine heart unto instruction, and thine ears to the words of knowledge.

Ny freill smaght veih'n lhiannoo; son my chustys oo eh lesh y clatt, cha jean eh cherraghtyn.

Withhold not correction from the child: for if thou beatest him with the rod, he shall not die.

Kerree oo eh lesh y clatt, as nee oo livrey e annym veih niurin.

Thou shalt beat him with the rod, and shalt deliver his soul from hell.

My vac, my ta creenaght ayns dty chree, gowee my chree's boggey, eer my chree hene.

My son, if thine heart be wise, my heart shall rejoice, even mine.

Dy jarroo, bee my veeghyn gennal, tra ta dty veillyn loayrt reddyn jeeragh.

Yea, my reins shall rejoice, when thy lips speak right things.

Ny lhig da dty chree troo mysh drogh-yantee: agh bee uss ayns aggle y Chiarn fey yn laa liauyr.

Let not thine heart envy sinners: but be thou in the fear of the Lord all the day long.

Son shickyrys ta laa cooilleeney jerrinagh ry-heet; as cha bee dty yerkal er ny yiarey jeh.

For surely there is an end; and thine expectation shall not be cut off.

Eaisht, my vac, as gow keeayl, as reill dty chree ayns y raad.

Hear thou, my son, and be wise, and guide thine heart in the way.

Ny jean taaghey marish iuderyn-feeyney, mastey eederyn-foalley jollyssagh.

Be not among winebibbers; among riotous eaters of flesh:

Son hig y meshtyllagh, as y glutterey gys boghtynid; as bee'n cadlag coodit lesh fritlaggyn.

For the drunkard and the glutton shall come to poverty: and drowsiness shall clothe a man with rags.

Eaisht rish dty ayr ren dty gheddyn; as ny soie beg jeh dty voir, tra t'ee shenn.

Hearken unto thy father that begat thee, and despise not thy mother when she is old.

Kionnee yn irriney, as ny creck eh, myr-chaagh, creenaght, as ynsagh, as keeayl,

Buy the truth, and sell it not; also wisdom, and instruction, and understanding.

Bee ayr mac crauee ayns ard-voggey jeh; as eh ta geddyn lhiannoo creeney, bee gerjagh echey jeh.

The father of the righteous shall greatly rejoice: and he that begetteth a wise child shall have joy of him.

Gowee dty ayr as dty voir boggey jeed, as bee oo gerjagh jeeish ren oo y ymmyrkey.

Thy father and thy mother shall be glad, and she that bare thee shall rejoice.

My vac, cur dooys dty chree, as lhig da dty hooillyn cur tastey da my raaidyn.

My son, give me thine heart, and let thine eyes observe my ways.

Son ta streebagh myr jeeig dowin, as yn oainjyr myr ribbey chion.

For a whore is a deep ditch; and a strange woman is a narrow pit.

T'ee myrgeddin soie cooyl-chlea myr son spooilley, as bishaghey drogh-yantee mastey deiney.

She also lieth in wait as for a prey, and increaseth the transgressors among men.

Quoi ec ta seaghyn? quoi ec ta trimshey? quoi ec ta anvea? quoi ec ta beealeraght? quoi ec ta lhottyn gyn oyr? quoi ec ta jirgid sooillyn?

Who hath woe? who hath sorrow? who hath contentions? who hath babbling? who hath wounds without cause? who hath redness of eyes?

Adsyn ta furriaght foddey ec y feeyn, adsyn ta geiyrt er feeyn lajer.

They that tarry long at the wine; they that go to seek mixed wine.

Ny jeeagh uss er y feeyn ayns e yirgid, tra te soilshean 'sy chappan, tra te troggal e vree dy cooie.

Look not thou upon the wine when it is red, when it giveth his colour in the cup, when it moveth itself aright.

Ec y jerrey nee eh lhottey myr ard-nieu, as gaghey goll-rish adder.

At the last it biteth like a serpent, and stingeth like an adder.

Bee dty hooillyn soit er drogh-vraane, as nee dty chree fockley magh camlaagys.

Thine eyes shall behold strange women, and thine heart shall utter perverse things.

Dy feer, bee oo myr fer ta baiht ayns grunt ny marrey, ny goll-rishyn ta ny chadley er cronnag lhuingey.

Yea, thou shalt be as he that lieth down in the midst of the sea, or as he that lieth upon the top of a mast.

T'ad er woalley mee, nee oo gra, as cha row mee guint; t'ad er my yeeaylley, as cha dennee mee eh: cuin nee'm doostey? shir-yms huggey reesht,

They have stricken me, shalt thou say, and I was not sick; they have beaten me, and I felt it not: when shall I awake? I will seek it yet again.