The Bible


Ta dooinney, lurg e aigney, scarrey eh-hene [veill cooishyn elley] as shirrey magh, as dellal ayns dy chooilley chreenaght.

Through desire a man, having separated himself, seeketh and intermeddleth with all wisdom.


Cha vel taitnys ec ommydan ayns tushtey, agh ayns geiyrt er aigney e chree hene.

A fool hath no delight in understanding, but that his heart may discover itself.


Raad ta'n mee-chrauee cheet, ta faghid neesht cheet marish, as oltooan lesh scammylt.

When the wicked cometh, then cometh also contempt, and with ignominy reproach.


Ta goan beeal dooinney myr ushtaghyn dowin, as farrane dy chreenaght myr strooan bio.

The words of a man's mouth are as deep waters, and the wellspring of wisdom as a flowing brook.


Dy yannoo soiaghey jeh persoon ny mee-chrauee, cha vel shen mie, ny dy chastey yn dooinney cairal ayns briwnys.

It is not good to accept the person of the wicked, to overthrow the righteous in judgment.


Ta meillyn yn ommydan dellal ayns streeu, as e veeal doostey bwoailtys.

A fool's lips enter into contention, and his mouth calleth for strokes.


Ta beeal ommydan e hoyrt-mow, as ta e veillyn ribbey e annym.

A fool's mouth is his destruction, and his lips are the snare of his soul.


Ta focklyn skeealleyder myr lhottyn, as ta'n ghah oc roshtyn eer gys y chree.

The words of a talebearer are as wounds, and they go down into the innermost parts of the belly.


Eshyn neesht ta liastey ayns e obbyr eeh ny vraar da'n ard stroialtagh.

He also that is slothful in his work is brother to him that is a great waster.


Ta ennym y Chiarn toor lajer: ta'n dooinney cairagh chea huggey, as t'eh ayns sauchys.

The name of the Lord is a strong tower: the righteous runneth into it, and is safe.


Ta cooid y dooinney berchagh e ard-valley lajer, as er-lesh hene myr voalley ard.

The rich man's wealth is his strong city, and as an high wall in his own conceit.


Roish toyrt-mow ta cree dooinney mooaralagh, as ta injillid goll roish ooashley.

Before destruction the heart of man is haughty, and before honour is humility.


Eh ta coyrt ansoor ayns cooish, roish my t'eh clashtyn eh, te ommijys as nearey da.

He that answereth a matter before he heareth it, it is folly and shame unto him.


Nee spyrryd dooinney gymmyrkey lesh fo annooinid e ghooghys: agh spyrryd guint quoi oddys y ymmyrkey?

The spirit of a man will sustain his infirmity; but a wounded spirit who can bear?


Ta cree yn dooinney creeney cosney tushtey: as ta cleaysh y dooinney lowal shirrey son tushtey.

The heart of the prudent getteth knowledge; and the ear of the wise seeketh knowledge.


Ta gioot dooinney jannoo raad da as cur lesh eh gys sheshaght deiney mooarey.

A man's gift maketh room for him, and bringeth him before great men.


Eh ta loayrt hoshiaght ayns e chooish hene, er-lhiat dy vel eh 'sy chair: agh ta e naboo cheet, as dy rassey trooid eh.

He that is first in his own cause seemeth just; but his neighbour cometh and searcheth him.


Ta lottyn coyrt streeughyn gy-kione, as reaghey boiraghyn eddyr deiney niartal

The lot causeth contentions to cease, and parteth between the mighty.


Ta braar, as corree er, ny s'doillee dy ve cosnit na ard-valley lajer: as ta mee-choardail braaraghyn myr boltyn cashtal.

A brother offended is harder to be won than a strong city: and their contentions are like the bars of a castle.


Bee jollys dooinney jeant-magh lesh mess e veeal: as lesh bishagh e veillyn bee eh er ny ooraghey.

A man's belly shall be satisfied with the fruit of his mouth; and with the increase of his lips shall he be filled.


Ta baase as bioys ayns pooar y chengey, as nee dooinney farrail rere myr t'eh jannoo ymmyd jeh.

Death and life are in the power of the tongue: and they that love it shall eat the fruit thereof.


Quoi-erbee ta geddyn ben (vie) t'eh geddyn gioot mie, as cosney bannaght veih'n Chiarn.

Whoso findeth a wife findeth a good thing, and obtaineth favour of the Lord.


Ta'n boght guee as geearree: agh ta'n berchagh gansoor dy baggyrtagh.

The poor useth intreaties; but the rich answereth roughly.


Eshyn ta caarjyn echey, shêgin da jeeaghyn eh-hene myr carrey: as ta carrey ayn lhiannys hood ny s'chenney na braar erbee.

A man that hath friends must shew himself friendly: and there is a friend that sticketh closer than a brother.