The Bible


Ta ansoor meeley meeinaghey corree: agh ta goan fargagh doostey jymmoose.

A soft answer turneth away wrath: but grievous words stir up anger.


Ta chengey yn vooinjer chreeney cur tushtey er y hoshiaght: agh ta beeal ny mee-cheeayllee deayrtey magh ommijys.

The tongue of the wise useth knowledge aright: but the mouth of fools poureth out foolishness.


Ta sooillyn y Chiarn ayns dy chooilley voayl, cur-my-ner chammah sie as mie.

The eyes of the Lord are in every place, beholding the evil and the good.


Ta chengey gherjoilagh billey dy vea: agh ta lhag-smaght aynjee brishey yn spyrryd.

A wholesome tongue is a tree of life: but perverseness therein is a breach in the spirit.


Ta'n ommydan soiaghey beg jeh ynsagh e ayrey: agh eh ta beasagh gys oghsan, t'eh creeney.

A fool despiseth his father's instruction: but he that regardeth reproof is prudent.


Ayns thie yn er-cairal ta cooid as couryn: agh boiraghyn ayns cheet-stiagh yn dooinney mee-chrauee.

In the house of the righteous is much treasure: but in the revenues of the wicked is trouble.


Te ny meillyn creeney skeayley mygeayrt tushtey: agh cha vel cree ny mee-cheeayllee jannoo shen.

The lips of the wise disperse knowledge: but the heart of the foolish doeth not so.


Ta oural ny mee-chrauee dwoaiagh da'n Chiarn: agh t'eh goaill taitnys ayns padjer yn er ynrick.

The sacrifice of the wicked is an abomination to the Lord: but the prayer of the upright is his delight.


Ta raad y drogh pheccagh feohdoil da'n Chiarn: agh shynney lesh eh ta geiyrt er cairys.

The way of the wicked is an abomination unto the Lord: but he loveth him that followeth after righteousness.


Ta smaght feodagh dasyn ta treigeil y raad, as eshyn nagh gow rish oghsan hed eh naardey.

Correction is grievous unto him that forsaketh the way: and he that hateth reproof shall die.


Ta niurin as toyrt-mow kiongoyrt rish y Chiarn, cre wheesh smoo ta creeaghyn cloan gheiney.

Hell and destruction are before the Lord: how much more then the hearts of the children of men?


Cha vel craidoilagh booiagh jehsyn ta coyrt oghsan da, chamoo nee eh taaghey marish deiney creeney.

A scorner loveth not one that reproveth him: neither will he go unto the wise.


Ta cree boggoil jannoo eddin gennal agh liorish trimshey yn chree, ta'n spyrryd er ny vrishey.

A merry heart maketh a cheerful countenance: but by sorrow of the heart the spirit is broken.


Ta'n cree echeysyn, ta keeayl echey, shirrey lurg tushtey: agh ta beeal ny mee-cheeayllee beaghey er ommijys.

The heart of him that hath understanding seeketh knowledge: but the mouth of fools feedeth on foolishness.


Ta ooilley laghyn yn ymmyrchagh seaghnagh: agh eshyn ta jeh cree gennal t'eh dy kinjagh farrail dy mie.

All the days of the afflicted are evil: but he that is of a merry heart hath a continual feast.


Ny share ta red castrey cair lesh aggle y Chiarn, na mooarane berchys as seaghyn lesh.

Better is little with the fear of the Lord than great treasure and trouble therewith.


Ny share ta lhongey dy lossreeyn lesh aigney-mie, na brawn beiyht, as myskid lesh.

Better is a dinner of herbs where love is, than a stalled ox and hatred therewith.


Ta'n connyssagh doostey streeu: agh eshyn ta moal gys corree, t'eh cur streeu gy-kione.

A wrathful man stirreth up strife: but he that is slow to anger appeaseth strife.


Ta raad y litcher myr cleiy drineagh: agh ta raad yn er-cairagh jeant rea.

The way of the slothful man is as an hedge of thorns: but the way of the righteous is made plain.


Ta mac creeney jannoo ayr gennal agh ta dooinney ommijagh soiaghey beg jeh e voir.

A wise son maketh a glad father: but a foolish man despiseth his mother.


Ta ommijys boggey dasyn ta laccal tushtey: agh ta dooinney lowal gimmeeaght jeeragh.

Folly is joy to him that is destitute of wisdom: but a man of understanding walketh uprightly.


Fegooish coyrle ta kiarailyn deiney cheet gys veg: agh ayns ymmodee fir-choyrlee ta shickyrys.

Without counsel purposes are disappointed: but in the multitude of counsellors they are established.


Ta boggey ec dooinney liorish ansoor e veeal as fockle loayrit ayns traa cooie, oh cre cha mie as te!

A man hath joy by the answer of his mouth: and a word spoken in due season, how good is it


Ta'n dooinney creeney goll seose ayns raad-mooar y vea, as eeh shaghney niurin heese.

The way of life is above to the wise, that he may depart from hell beneath.


Stroie-ys y Chiarn thie ny mooaralee: agh nee eh niartaghey cagliagh y ven-treoghe,

The Lord will destroy the house of the proud: but he will establish the border of the widow.


Ta smooinaghtyn ny mee-chrauee feohdoil da'n Chiarn: agh s'eunyssagh ny goan ta cheet veih cree glen.

The thoughts of the wicked are an abomination to the Lord: but the words of the pure are pleasant words.


Eshyn ta shleeuit er cosney, t'eh tayrn seaghyn er e hie hene, agh nee eshyn tannaghtyn ta dwoaiagh er giootyn.

He that is greedy of gain troubleth his own house; but he that hateth gifts shall live.


Ta cree yn er-cairagh imneagh dy chur ansoor lowal: agh ta beeal y drogh-ghooinney deayrtey magh goan nieunagh.

The heart of the righteous studieth to answer: but the mouth of the wicked poureth out evil things.


Ta'n Chiarn foddey veih ny mee-chrauee: agh t'eh clashtyn padjer y vooinjer chairal.

The Lord is far from the wicked: but he heareth the prayer of the righteous.


Myr ta soilshey ny sooillyn boggey da'n chree, shen myr ta goo mie ooraghey yn slane callin.

The light of the eyes rejoiceth the heart: and a good report maketh the bones fat.


Yn chleaysh ta coyrt geill da oghsan y vea, te lhiantyn gys y vooinjer chreeney.

The ear that heareth the reproof of life abideth among the wise.


Eshyn obbys ynsagh t'eh soiaghey beg jeh e annym hene: agh eshyn verrys tastey da coyrle, t'eh geddyn tushtey.

He that refuseth instruction despiseth his own soul: but he that heareth reproof getteth understanding.


Ta aggle y Chiarn yn raad gys creenaght, as ta injillid leeideil gys ooashley.

The fear of the Lord is the instruction of wisdom; and before honour is humility.