The Bible


Ta dy chooilley ven chreeney cummal seose e thie: agh ta'n unnane ommijagh dy phluckey neose eh lesh e laueyn.

Every wise woman buildeth her house: but the foolish plucketh it down with her hands.


Eh ta gimmeeaght ayns ynrickys, t'eh goaill aggle roish y Chiarn: agh t'eshyn ta camlaagagh ayns e raaidyn soiaghey beg jeh.

He that walketh in his uprightness feareth the Lord: but he that is perverse in his ways despiseth him.


Ayns beeal yn ommydan ta slat son e voyrn: agh nee meillyn yn vooinjer chreeney adsyn y choadey.

In the mouth of the foolish is a rod of pride: but the lips of the wise shall preserve them.


Raad nagh vel dew, ta'n chratch follym: agh ta mooarane bishagh liorish niart y dow.

Where no oxen are, the crib is clean: but much increase is by the strength of the ox.


Cha jean feanish firrinagh breg y insh: agh nee feanish foalsey fockley-magh breagyn.

A faithful witness will not lie: but a false witness will utter lies.


Ta'n kialgeyr shirrey creenaght, as cha vel eh cheet lesh: agh ta tushtey aashagh dasyn ta keeal echey.

A scorner seeketh wisdom, and findeth it not: but knowledge is easy unto him that understandeth.


Ny jean sheshaght rish dooinney ommijagh, my t'ou cur-my-ner nagh vel aynsyn ny meillyn dy hushtey.

Go from the presence of a foolish man, when thou perceivest not in him the lips of knowledge.


Ta creenaght yn er-tushtagh dy hoiggal e raad: agh ta ommijys ny mee-chrauee, molteyrys.

The wisdom of the prudent is to understand his way: but the folly of fools is deceit.


Cha vel ny mee-chrauee agh jannoo craid jeh peccah: agh ta foayr Yee mastey deiney cairal.

Fools make a mock at sin: but among the righteous there is favour.


Ta'n cree gennaghtyn e herriuid hene, as cha vel ec joarree dy yannoo rish e voggey.

The heart knoweth his own bitterness; and a stranger doth not intermeddle with his joy.


Bee thie ny mee-chrauee tilgit bun-ry-skyn: agh nee ynnyd-vaghee deiney mie blaaghey.

The house of the wicked shall be overthrown: but the tabernacle of the upright shall flourish.


Ta raad ayn, as er-lesh dooinney dy vel eh jeeragh: agh ta'n jerrey echey raaidyn y vaaish.

There is a way which seemeth right unto a man, but the end thereof are the ways of death.


Ayns eer garaghtee hene, ta'n cree trome, as ta trimshey ayns jerrey yn yennallys cheddin.

Even in laughter the heart is sorrowful; and the end of that mirth is heaviness.


Bee eshyn ta cooyl-shirraghtyn ayns e chree, skee jeh ny raaidyn echey hene: agh bee dooinney mie jeant-magh veih hene.

The backslider in heart shall be filled with his own ways: and a good man shall be satisfied from himself.


Ta'n ommydan credjal dy chooilley ockle: agh ta'n dooinney creeney jeeaghyn dy mie gys e immeeaght.

The simple believeth every word: but the prudent man looketh well to his going.


Ta dooinney creeney goaill aggle, as scarrey rish olk: agh ta'n ommydan dewil as daaney.

A wise man feareth, and departeth from evil: but the fool rageth, and is confident.


Eshyn ta siyragh gys corree, t'eh ny ommydan, as dooinney lesh saaseyn olk, t'eh dwoaiagh.

He that is soon angry dealeth foolishly: and a man of wicked devices is hated.


Ta'n mee-hushtagh jannoo ommijys e eiraght: agh ta'n vooinjer chreeney coamrit lesh tushtey.

The simple inherit folly: but the prudent are crowned with knowledge.


Ta'n olk croymmey roish y vie, as ny mee chrauee ec giattyn deiney ynrick.

The evil bow before the good; and the wicked at the gates of the righteous.


Ta beg soit jeh'n voght liorish e naboo hene: agh t'ec y verchagh caarjyn dy liooar.

The poor is hated even of his own neighbour: but the rich hath many friends.


Eshyn ta soiaghey beg jeh e naboo, t'eh jannoo peccah: agh eh ta chymmoil er ny boghtyn s'maynrey t'eh.

He that despiseth his neighbour sinneth: but he that hath mercy on the poor, happy is he.


Nagh vel ad er-shaghryn ta shêgin er olk? agh bee myghin as firrinys mâroosyn ta smooinaghtyn dy mie.

Do they not err that devise evil? but mercy and truth shall be to them that devise good.


Ayns dy chooilley laboraght ta vondeish: agh cha vel agh boghtynid ayns taggloo ny meillyn.

In all labour there is profit: but the talk of the lips tendeth only to penury.


Ta berchys attey aalin da sleih creeney: agh cha vel ad agh soilshaghey ommijys yn ommydan.

The crown of the wise is their riches: but the foolishness of fools is folly.


Ta feanish firrinagh sauail bioys: agh ta feanish foalsey loayrt breagyn.

A true witness delivereth souls: but a deceitful witness speaketh lies.


Ayns aggle y Chiarn ta shickyrys treishteil: as ec y chloan echey vees boayl dy chemmyrk.

In the fear of the Lord is strong confidence: and his children shall have a place of refuge.


Ta aggle y Chiarn farrane y vea, dy haghney ribbaghyn y vaaish.

The fear of the Lord is a fountain of life, to depart from the snares of death.


Ayns ymmodee pobble ta ooashley yn ree: agh ayns genney deiney ta prince goll naardey.

In the multitude of people is the king's honour: but in the want of people is the destruction of the prince.


Eshyn ta moal gys corree, t'eh dy hushtey vooar: agh ta'n dooinney jeh cree siyragh dy vrah yn ommijys echey hene.

He that is slow to wrath is of great understanding: but he that is hasty of spirit exalteth folly.


Ta cree follan slaynt y challin: agh ta loauid ny craueyn.

A sound heart is the life of the flesh: but envy the rottenness of the bones.


Eshyn ta tranlaasagh er y voght, t'eh goltooan e Er-croo: agh t'eh coyrt ooashley dasyn ta chymmoil er ny boghtyn.

He that oppresseth the poor reproacheth his Maker: but he that honoureth him hath mercy on the poor.


Ta'n mee-chrauee eiyrit ersooyl ayns e olkys: agh ec yn er-crauee ta treishteil eer ayns e vaase.

The wicked is driven away in his wickedness: but the righteous hath hope in his death.


Ta creenaght lhie dowin ayns cree yn pheccagh tushtagh: agh ta'n ommydan dy vrah e smooinaghtyn hene.

Wisdom resteth in the heart of him that hath understanding: but that which is in the midst of fools is made known.


Ta cairys niartaghey ashoon: agh ta peccah ny oltooan da pobble erbee.

Righteousness exalteth a nation: but sin is a reproach to any people.


Ta'n ree goaill taitnys ayns shirveishagh creeney: agh ta e chorree n'oi-syn, t'eh goaill nearey jeh.

The king's favour is toward a wise servant: but his wrath is against him that causeth shame.