The Bible


Ta meihaghyn foalsey dwoaiagh da'n Chiarn: agh ta towse cairagh yn taitnys echeysyn.

A false balance is abomination to the Lord: but a just weight is his delight.


Raad ta moyrn, ta nearey marish: agh ta creenaght marish ny imlee.

When pride cometh, then cometh shame: but with the lowly is wisdom.


Nee: ynrickys y vooinjer yeeragh adsyn y leeideil, agh nee mee-reiltys drogh-yantee adsyn y stroie.

The integrity of the upright shall guide them: but the perverseness of transgressors shall destroy them.


Cha vel berchys jeh foays erbee ayns laa'n cherraghey, agh ta cairys livrey veih baase.

Riches profit not in the day of wrath: but righteousness delivereth from death.


Nee cairys y dooinney mie eh y choadey er y raad; agh nee yn vee-chrauee tuittym liorish e olkys hene.

The righteousness of the perfect shall direct his way: but the wicked shall fall by his own wickedness.


Nee cairys sleih ynrick geddyn feaysley daue: agh bee drogh-yantee goit 'sy volteyrys oc hene.

The righteousness of the upright shall deliver them: but transgressors shall be taken in their own naughtiness.


Tra ta dooinney mee-chrauee geddyn baase, ta e yerkal cherraghtyn: as ta treishteil ny mee-ynrick goll naardey.

When a wicked man dieth, his expectation shall perish: and the hope of unjust men perisheth.


Ta'n dooinney cairal livreit ass seaghyn, as ta'n drogh-ghooinney cheet 'syn ynnyd echey.

The righteous is delivered out of trouble, and the wicked cometh in his stead.


Ta kialgeyr lesh e veeal cur coayll da e naboo; agh liorish tushtey yiow yn fer-firrinagh livrey-ys.

An hypocrite with his mouth destroyeth his neighbour: but through knowledge shall the just be delivered.


Tra te goll dy mie marish deiney mie ta'n ard-valley goaill boggey: as tra ta ny mee-chrauee cherraghtyn, ta yllaghey [gennal].

When it goeth well with the righteous, the city rejoiceth: and when the wicked perish, there is shouting.


Liorish bannaght deiney mie, ta'n ard-valley dy maynrey: agh te currit mow liorish beeal ny mee-chrauee.

By the blessing of the upright the city is exalted: but it is overthrown by the mouth of the wicked.


Ta'n dooinney mee-hushtagh soiaghey-beg jeh e naboo; agh ta dooinney creeney ny-host.

He that is void of wisdom despiseth his neighbour: but a man of understanding holdeth his peace.


Ta'n skeealleyder dy vrah cooishyn follit: agh ta dooinney treishteilagh keiltyn y chooish.

A talebearer revealeth secrets: but he that is of a faithful spirit concealeth the matter.


Raad nagh vel coyrle, ta'n theay goll naardey: agh ayns ymmodee fer-choyrlee ta sauchys.

Where no counsel is, the people fall: but in the multitude of counsellors there is safety.


Eshyn ta raane roish joarree, nee eh surranse er y hon; as eh ta shaghney ranteenys, t'eh shickyr.

He that is surety for a stranger shall smart for it: and he that hateth suretiship is sure.


Ta ben ghraysoil geddyn ooashley, as. deiney pooaral cosney berchys.

A gracious woman retaineth honour: and strong men retain riches.


Ta'n dooinney myghinagh jannoo mie da n annym echey hene, agh ta'n dooinney dewil tayrn seaghyn er e chorp hene.

The merciful man doeth good to his own soul: but he that is cruel troubleth his own flesh.


Ta'n mee-chrauee gobbraghey obbyr volteyragh, agh ny chour-syn ta cuirr cairys bee leagh shickyr.

The wicked worketh a deceitful work: but to him that soweth righteousness shall be a sure reward.


Myr ta cairys leeideil gys bea: myr shen, eshyn eiyrys er yn olk, t'eh geiyrt er gys e hoyrt mow hene.

As righteousness tendeth to life: so he that pursueth evil pursueth it to his own death.


Adsyn ta jeh drogh-chree, t'ad dwoaiagh da'n Chiarn: agh lheid as ta jeeragh ayns nyn raad, t'ad boggey da.

They that are of a froward heart are abomination to the Lord: but such as are upright in their way are his delight.


Ga dy vel laue niartaghey laue, cha bee ny mee-chrauee gyn kerraghey, agh yiow sluight deiney cairal livrey-ys.

Though hand join in hand, the wicked shall not be unpunished: but the seed of the righteous shall be delivered.


Myr cliegeen dy airh ayns stroin muickey, myr shen ta ben aalin, fegooish ymmyrkey mie.

As a jewel of gold in a swine's snout, so is a fair woman which is without discretion.


Ta yeearree yn dooinney cairal ynrycan son mie: agh bee treishteil y drogh-yantagh ayns anvea.

The desire of the righteous is only good: but the expectation of the wicked is wrath.


Ta fer ayn ta skeayley, as foast t'eh bishaghey: as ta ayn ta lhiettal ny smoo na ta cooie, agh te tayrn gys boghtynid.

There is that scattereth, and yet increaseth; and there is that withholdeth more than is meet, but it tendeth to poverty.


Bee'n dooinney feoiltagh jeant magh lesh sonnys, as eshyn ta gushtaghey, bee eh-hene er ny ooraghey.

The liberal soul shall be made fat: and he that watereth shall be watered also himself.


Eshyn ta keiltyn e stoyr arroo, nee yn pobble gwee mollaght er: agh bee bannaght er y chione echeysyn ta dy chreck eh.

He that withholdeth corn, the people shall curse him: but blessing shall be upon the head of him that selleth it.


Eshyn ta dy imneagh shirrey mie y chur er y hoshiaght, t'eh cosney aigney-mie: agh eshyn eiyrys er yn olk, berree eh er.

He that diligently seeketh good procureth favour: but he that seeketh mischief, it shall come unto him.


Tuittee eshyn ta coyrt e varrant er e verchys: agh nee yn dooinney crauee goaill blaa myr banglane.

He that trusteth in his riches shall fall; but the righteous shall flourish as a branch.


Eshyn ta tayrn seaghyn er e hie hene, hed eh lesh y gheay: as bee yn ommydan sharvaant dasyn ta creeney ayns cree.

He that troubleth his own house shall inherit the wind: and the fool shall be servant to the wise of heart.


Ta mess y dooinney cairagh billey dy vea, as eshyn cosnys anmeenyn, t'eh creeney.

The fruit of the righteous is a tree of life; and he that winneth souls is wise.


Cur-my-ner, my ta deiney cairal seaghnit 'sy theihll shoh: foddey smoo ny mee-chrauee, as ny drogh-yantee.

Behold, the righteous shall be recompensed in the earth: much more the wicked and the sinner.