The Bible

1

Ta creenaght er droggal thie jee hene, t'ee er chummey jee hene shiaght pillaryn.

Wisdom hath builded her house, she hath hewn out her seven pillars:

2

T'ee er varroo e beiyn, t'ee er hayrn e feeyn: t'ee myrgeddin er hoiaghey magh e boayrd.

She hath killed her beasts; she hath mingled her wine; she hath also furnished her table.

3

T'ee er choyrt magh e moidynyn, t'ee cur eam veih ynnydyn s'cronnal yn ard-valley.

She hath sent forth her maidens: she crieth upon the highest places of the city,

4

Quoi-erbee ta gyn ynsagh, lhig da chyndaa stiagh ayns shoh: er son eshyn ta gyn tushtey, t'ee gra rish;

Whoso is simple, let him turn in hither: as for him that wanteth understanding, she saith to him,

5

Tar-jee, ee-jee jeh my arran, as iu-jee jeh'n feeyn kiarit nyn gour.

Come, eat of my bread, and drink of the wine which I have mingled.

6

Treig-jee yn vooinjer ommijagh, as bee-jee bio: as immee-jee ayns y raad dy chreenaght.

Forsake the foolish, and live; and go in the way of understanding.

7

Eshyn ta cur oghsan da'n ghrynder, t'eh geddyn nearey da-hene; as eh ta coyrlaghey yn vee-chrauee, t'eh tayrn er hene oltooan.

He that reproveth a scorner getteth to himself shame: and he that rebuketh a wicked man getteth himself a blot.

8

Ny coyrlee yn ghannidagh, er-aggle dy der eh feoh dhyt; coyrlee yn dooinney creeney, as bee eh ayns aigney-mie rhyt.

Reprove not a scorner, lest he hate thee: rebuke a wise man, and he will love thee.

9

Ynsee dooinney creeney, as bee eh foast ny s'creeney; cur roish dooinney ynrick, as nee eh bishaghey ayns ynsagh.

Give instruction to a wise man, and he will be yet wiser: teach a just man, and he will increase in learning.

10

Ta aggle y Chiarn toshiaght creenaght, as dy hoiggal casherickys, ta shoh tushtey.

The fear of the Lord is the beginning of wisdom: and the knowledge of the holy is understanding.

11

Son liorym's bee dty laghyn ymmodee, as bleeantyn dty vea er ny vishaghey.

For by me thy days shall be multiplied, and the years of thy life shall be increased.

12

My t'ou creeney, bee oo creeney dhyt hene; agh my t'ou cur rish craid, oo hene surrys er y hon.

If thou be wise, thou shalt be wise for thyself: but if thou scornest, thou alone shalt bear it.

13

Ta ben ommijagh ny beeallerey, t'ee gyn tort, as cha vel monney keeayl eck.

A foolish woman is clamorous: she is simple, and knoweth nothing.

14

Son t'ee soie ec dorrys e thie, er stoyl ayns ynnydyn smoo taaghit yn ard-valley.

For she sitteth at the door of her house, on a seat in the high places of the city,

15

Dy eamagh er troailtee, ta goll jeeragh er y raad.

To call passengers who go right on their ways:

16

Quoi-erbee ta mee-hushtagh, lhig da chyndaa stiagh ayns shoh: as son eshyn ta giare-cheeaylagh, t'ee gra rish;

Whoso is simple, let him turn in hither: and as for him that wanteth understanding, she saith to him,

17

S'millish ta ushtaghyn braddagh, as arran eeit dy follit, te blaystal.

Stolen waters are sweet, and bread eaten in secret is pleasant.

18

Agh cha vel fys echey dy vel ny merriu ayns shen; as dy vel ny goaldee ecksh ayns diunidyn niurin.

But he knoweth not that the dead are there; and that her guests are in the depths of hell.