The Bible

Nagh vel creenaght geamagh, as tushtey cur magh e coraa?

Doth not wisdom cry? and understanding put forth her voice?

T'ee shassoo er mullagh yn yrjey, rish ny raaidyn-mooarey smoo taaghit.

She standeth in the top of high places, by the way in the places of the paths.

T'ee gyllaghey ec ny giattyn, ec cheet-stiagh yn ard-valley, ec fosley ny dorryssyn.

She crieth at the gates, at the entry of the city, at the coming in at the doors.

Hiuish, O gheiney, ta mee geamagh, as ta my choraa gys cloan gheiney.

Unto you, O men, I call; and my voice is to the sons of man.

O shiuish gyn-toyrt, gow-jee creenaght; as shiuish vee-cheeayllagh bee-jee jeh cree toiggalagh.

O ye simple, understand wisdom: and, ye fools, be ye of an understanding heart.

Eaisht-jee, son loayr-yms jeh ny cooishyn s'ooasle, as bee fosley my veillyn mysh reddyn jeeragh.

Hear; for I will speak of excellent things; and the opening of my lips shall be right things.

Son loayree my veeal yn irriney, as ta mee-chairys dwoaiagh da my veillyn

For my mouth shall speak truth; and wickedness is an abomination to my lips.

Ta ooilley goan my veeal ayns cairys cha vel nhee erbee camlaagagh ny cluicagh ayndoo.

All the words of my mouth are in righteousness; there is nothing froward or perverse in them.

T'ad ooilley cronnal da'n toiggalagh, as jeeragh dauesyn ta geddyn tushtey.

They are all plain to him that understandeth, and right to them that find knowledge.

Gow my ynsagh roish argid, as keeayl roish yn airh s'costal.

Receive my instruction, and not silver; and knowledge rather than choice gold.

Son ta creenaght ny share na rubieyn; as cha vel dy chooilley nhee oddys ve er ny yeearree, dy ve soylit r'ee.

For wisdom is better than rubies; and all the things that may be desired are not to be compared to it.

Ta mish creenaght cummal marish keeayl; as toiggal bun raaghyn creeney.

I wisdom dwell with prudence, and find out knowledge of witty inventions.

Te aggle y Chiarn dy chur feoh da olk: moyrn, as mooaralys, as y drogh raad, as y beeal molteyragh, ta dwoaie aym orroo.

The fear of the Lord is to hate evil: pride, and arrogancy, and the evil way, and the froward mouth, do I hate.

Mâryms ta coyrle vie, as keeayl fondagh: mish tushtey, as mish niart.

Counsel is mine, and sound wisdom: I am understanding; I have strength.

Lioryms ta reeaghyn reill, as princeyn shirveish cairys.

By me kings reign, and princes decree justice.

Lioryms ta princeyn reill, as deiney ooasle, eer ooilley briwnyn y theihll.

By me princes rule, and nobles, even all the judges of the earth.

Shynney lhiam adsyn shynney lhieu mee, as adsyn hirrys mee dy leah, yiow ad mee.

I love them that love me; and those that seek me early shall find me.

M?ryms ta berchys as ooashley, dy feer berchys beayn, as ynrickys.

Riches and honour are with me; yea, durable riches and righteousness.

Ta my vess ny share na airh, dy feer, na'n airh s'glenney, as my heet-stiagh roish reih argid.

My fruit is better than gold, yea, than fine gold; and my revenue than choice silver.

Mish y leeideilagh ayns raad yn ynrickys, ayns ny cassanyn jeeragh dy vriwnys.

I lead in the way of righteousness, in the midst of the paths of judgment:

Dy choyrt cooid vie ayns eiraght dauesyn shynney lhiam, as ny tashtaghyn oc y lhieeney.

That I may cause those that love me to inherit substance; and I will fill their treasures.

Va mee marish y Chiarn ayns toshiaght e raaidyn, roish e obbraghyn er-dy-rieau.

The Lord possessed me in the beginning of his way, before his works of old.

Va mee soit seose ayns pooar er dy bragh, veih'n toshiaght, ny my row'n seihll er ny chroo.

I was set up from everlasting, from the beginning, or ever the earth was.

Roish my row diunidyn ayn, va mish ayn: tra nagh row ny farraneyn ushtey er vrishey magh.

When there were no depths, I was brought forth; when there were no fountains abounding with water.

Roish my row ny sleityn troggit; roish ny croink va mee er my ymmyrkey.

Before the mountains were settled, before the hills was I brought forth:

Tra nagh row eh foast er n'yannoo yn thalloo, ny ny magheryn, ny yn ayrn syrjey jeh joan y theihll.

While as yet he had not made the earth, nor the fields, nor the highest part of the dust of the world.

Tra ren eh coamrey ny niaughyn, va mish ayns shen: tra hayrn eh combaase mysh eaghtyr y diunid:

When he prepared the heavens, I was there: when he set a compass upon the face of the depth:

Tra ren eh meihaghey ny bodjallyn 'syn yrjey, as towse magh farraneyn y diunid:

When he established the clouds above: when he strengthened the fountains of the deep:

Tra hug eh da'n aarkey e oardaghey, nagh ragh ny ushtaghyn harrish e harey: tra hoie eh undinyn y thallooin:

When he gave to the sea his decree, that the waters should not pass his commandment: when he appointed the foundations of the earth:

Eisht va mee liorish, myr co-beayn rish: as va mee e haitnys gagh-laa, goaill boggey dy kinjagh kiongoyrt rish:

Then I was by him, as one brought up with him: and I was daily his delight, rejoicing always before him;

Goaill boggey ayns cummaltee yn theihll, as va my haitnys marish cloan gheiney.

Rejoicing in the habitable part of his earth; and my delights were with the sons of men.

Nish er-y-fa shen, eaisht-jee rhym's, O shiuish my chloan: son bannit t'adsyn ta freayll my raaidyn.

Now therefore hearken unto me, O ye children: for blessed are they that keep my ways.

Eaisht-jee rish ynsagh, as bee-jee creeney, as ny obb-jee ee.

Hear instruction, and be wise, and refuse it not.

S'maynrey'n dooinney, ta dy my chlashtyn, ta er e arrey gagh-laa ec my yiattyn, farkiaght ec essynyn my ghorrys.

Blessed is the man that heareth me, watching daily at my gates, waiting at the posts of my doors.

Son quoi-erbee ta dy my gheddyn, t'eh geddyn bea, as cosney foayr veih'n Chiarn.

For whoso findeth me findeth life, and shall obtain favour of the Lord.

Agh eshyn ta jannoo peccah m'oï, t'eh jannoo aggair da'n annym echey hene: adsyn ooilley ta dwoaie oc orryms, shynney lhieu yn baase.

But he that sinneth against me wrongeth his own soul: all they that hate me love death.