The Bible


O moylley-jee Chiarn niau: moylley-jee eh ayns yn yrjid.

O praise the Lord of heaven: praise him in the height.


Moylley-jee eh, ooilley shiuish e ainleyn: moylley-jee eh shiuish e heshaghtyn-caggee.

Praise him, all ye angels of his: praise him, all his host.


Moylley-jee eh, ghrian as eayst: moylley-jee eh, ooilley shiuish rollageyn as soilshey.

Praise him, sun and moon: praise him, all ye stars and light.


Moylley-jee eh, ooilley shiuish niaughyn: as shiuish ushtaghyn ta erskyn yn aer.

Praise him, all ye heavens: and ye waters that are above the heavens.


Lhig daue Ennym y Chiarn y voylley son loayr eh yn fockle, as v'ad jeant, doardee eh, as v'ad er nyn groo.

Let them praise the Name of the Lord: for he spake the word, and they were made; he commanded, and they were created,


T'eh er n'yannoo ad shickyr son dy bragh as dy bragh: t'eh er choyrt daue leigh nagh bee er ny vrishey.

He hath made them fast for ever and ever: he hath given them a law which shall not be broken.


Moylley-jee yn Chiarn er y thalloo: shiuish whaleyn, as ooilley ny ynnydyn dowiney.

Praise the Lord upon earth: ye dragons, and all deeps;


Aile as sniaghtey garroo, sniaghtey meen as keay: geay as sterrym, cooilleeney e ghoo;

Fire and hail, snow and vapours: wind and storm, fulfilling his word;


Sleityn as dy chooilley chronk: biljyn messoil, as dy chooilley villey cedar;

Mountains and all hills: fruitful trees and all cedars;


Beïyn as maase jeh dy chooilley cheint: cretooryn snauee as eeanlee skianagh;

Beasts and all cattle: worms and feathered fowls:


Reeaghyn y thallooin, as dy chooilley phobble: princeyn as ooilley briwnyn y theihll,

Kings of the earth and all people: princes and all judges of the world;


Deiney aegey as moidynyn, shenn gheiney as paitchyn, moylley-jee Ennym y Chiarn: son ta'n Ennym echeysyn ny-lomarcan ooasle, as e ghloyr erskyn niau as thalloo.

Young men and maidens, old men and children, praise the Name of the Lord: For his Name only is excellent, and his praise above heaven and earth


Troggee eshyn seose dy ard niart e phobble; nee ooilley e nooghyn eshyn y voylley: dy feer cloan Israel, dy jarroo yn pobble ta dy hirveish eh.

He shall exalt the horn of his people; all his saints shall praise him: even the children of Israel, even the people that serveth him.