The Bible


Jean y Chiarn y voylley, m'annym; choud as s'bio mee ver-ym moylley da'n Chiarn: dy jarroo, choud as vee'm er-mayrn, goym arraneyn-moyllee gys my Yee.

Praise the Lord, O my soul; while I live will I praise the Lord: yea, as long as I have any being, I will sing praises unto my God.


O ny cur-jee nyn marrant er princeyn ny er veg jeh cloan gheiney: son cha vel veg y chooney ayndoo.

O put not your trust in princes, nor in any child of man: for there is no help in them.


Son tra ta ennal dooinney er n'gholl voish, nee eh chyndaa reesht gys e ooir: as eisht ta ooilley e chiarail goll naardey.

For when the breath of man goeth forth he shall turn again to his earth: and then all his thoughts perish.


Bannit t'eshyn ta Jee Yacob echey son e chooney: as e hreishteil t'ayns y Chiarn e Yee;

Blessed is he that hath the God of Jacob for his help: and whose hope is in the Lord his God;


Ta er chroo niau as thalloo yn faarkey as ooilley ny t'ayndoo: ta freayll e yialdyn son dy bragh;

Who made heaven and earth, the sea, and all that therein is: who keepeth his promise for ever;


Ta jannoo cairys dauesyn ta surranse aggair: ta beaghey ny accryssee.

Who helpeth them to right that suffer wrong: who feedeth the hungry.


Ta'n Chiarn coyrt feaysley da ny pryssoonee: ta'n Chiarn coyrt soilshey da ny doail.

The Lord looseth men out of prison: the Lord giveth sight to the blind.


Ta'n Chiarn cooney lhieusyn t'er duittym: ta'n Chiarn goaill kiarail jeh'n vooinjer chairagh.

The Lord helpeth them that are fallen: the Lord careth for the righteous.


Ta'n Chiarn coadey yn joarree, t'eh shassoo ayns lieh yn lhiannoo gyn ayr, as y ven-treoghe: agh son raad ny mee-chrauee t'eh dy hilgey eh bun-ry-skyn.

The Lord careth for the strangers, he defendeth the fatherless and widow: as for the way of the ungodly he turneth it upside down.


Bee yn Chiarn dty Yee, O Sion, ny Ree er son dy bragh: as trooid magh dy chooilley heeloghe.

The Lord thy God, O Zion, shall be King for evermore: and throughout all generations.