The Bible

Ver-yms ard-voylley dhyt, O Yee my Ree: as neem's dty Ennym y vannaghey son dy bragh as dy bragh.

I will magnify thee, O God my King: and I will praise thy Name for ever and ever.

Dy-chooilley laa ver-ym booise dhyt: as dt'Ennym y ghloyraghey son dy bragh as dy bragh.

Every day will I give thanks unto thee: and praise thy Name for ever and ever.

S'mooar ta'n Chiarn, as yindyssagh, feeu dy v'er ny voylley: ta'n mooadys echey erskyn roshtyn nyn dushtey.

Great is the Lord, and marvellous worthy to be praised: there is no end of his greatness.

Nee un sheeloghe dt'obbraghyn y voylley gys sheeloghe elley: as soilshee ad magh dty niart.

One generation shall praise thy works unto another: and declare thy power.

Er my hons, loayr-ym jeh dty ooashley: dty ghloyr, dty voylley, as dt'obbraghyn yindyssagh;

As for me, I will be talking of thy worship: thy glory, thy praise, and wondrous works;

Myr shen dy jean sleih loayrt jeh niart dt'obbraghyn yindyssagh; as neem's myrgeddin fockley magh dty phooar ooilley-niartal.

So that men shall speak of the might of thy marvellous acts: and I will also tell of thy greatness.

Bee imraa er ny yannoo jeh ymmodee dty chenjallys: as gowee sleih arraneyn jeh dty chairys.

The memorial of thine abundant kindness shall be shewed: and men shall sing of thy righteousness.

Ta'n Chiarn graysoil as myghinagh: jeh surranse-foddey, as mieys vooar.

The Lord is gracious and merciful: long-suffering and of great goodness.

Ta'n Chiarn dooie da dy chooilley ghooinney: as ta e vyghin harrish ooilley e obbraghyn.

The Lord is loving unto every man: and his mercy is over all his works.

Ta ooilley dt'obbraghyn dy dty voylley, O Hiarn: as ta dty nooghyn cur booise dhyt.

All thy works praise thee, O Lord: and thy saints give thanks unto thee.

T'ad soilshaghey gloyr dty reeriaght: as loayrt jeh dty phooar;

They shew the glory of thy kingdom: and talk of thy power;

Dy vod dty phooar, dty ghloyr, as niart dty reeriaght: v'er ny hoilshaghey da deiney.

That thy power, thy glory and mightiness of thy kingdom: might be known unto men.

Ta'n reeriaght ayds reeriaght dy bragh farraghtyn: as ta dty ard-reill er-mayrn trooid dy chooilley heeloghe.

Thy kingdom is an everlasting kingdom: and thy dominion endureth throughout all ages.

Ta'n Chiarn niartaghey lhieusyn ooilley ta aarloo dy huittym: as troggal seose adsyn ooilley ta ny lhie fo'n errey.

The Lord upholdeth all such as fall: and lifteth up all those that are down.

Ta sooillyn dy chooilley chretoor farkiaght orts, O Hiarn: as t'ou coyrt daue nyn meaghey ayns imbagh cooie.

The eyes of all wait upon thee, O Lord: and thou givest them their meat in due season.

T'ou fosley dty laue: as lhieeney dy chooilley nhee bio lesh palchey.

Thou openest thine hand: and fillest all things living with plenteousness.

Ta'n Chiarn cairagh ayns ooilley e raaidyn: as casherick ayns ooilley e obbraghyn.

The Lord is righteous in all his ways: and holy in all his works.

Ta'n Chiarn er-gerrey dauesyn ooilley geamagh er: dy jarroo, dauesyn ooilley geamagh er ayns ynrickys.

The Lord is nigh unto all them that call upon him: yea, all such as call upon him faithfully.

Cooilleenee eshyn yn yeearree ocsyn ta goaill aggle roish clynnee eh myrgeddin yn eam oc, as cooinee eh lhieu.

He will fulfil the desire of them that fear him: he also will hear their cry, and will help them.

Ta'n Chiarn coadey adsyn ooilley ta graihagh er: agh skeayley dy lhean ooilley ny mee-chrauee.

The Lord preserveth all them that love him: but scattereth abroad all the ungodly.

Loayr-ee my veeal jeh moylley'n Chiarn: as lhig da dy chooilley chretoor booise y choyrt da'n Ennym casherick echey son dy bragh as dy bragh.

My mouth shall speak the praise of the Lord: and let all flesh give thanks unto his holy Name forever and ever.