The Bible


Eaisht rish my phadjer, O Hiarn, as cur geill da my yeearree: cur clashtyn dou er graih dty ynrickys as dty chairys;

Hear my prayer, O Lord, and consider my desire: hearken unto me for thy truth and righteousness' sake.


As ny gow er dty hoshiaght gys briwnys rish dty harvaant: son ayns dty hilley's cha bee dooinney erbee bio er ny heyrey.

And enter not into judgement with thy servant: for in thy sight shall no man living be justified.


Son ta'n noid er n'yannoo tranlaase er m'annym; t'eh er woalley sheese my vioys gys y thalloo: t'eh er m'eiyrt gys y dorraghys, goll roosyn ta er ve foddey marroo.

For the enemy hath persecuted my soul; he hath smitten my life down to the ground: he hath laid me in the darkness, as the men that have been long dead.


Shen-y-fa ta my spyrryd seaghnit aynym: as ta my chree brisht cheu-sthie jee'm.

Therefore is my spirit vexed within me: and my heart within me is desolate.


Agh foast ta mee cooinaghtyn er y traa t'er n'gholl shaghey; ta mee smooinaghtyn dy dowin er ooilley dty obbraghyn: ta mee dy jarroo baarail mee hene ayns obbraghyn dty laueyn.

Yet do I remember the time past; I muse upon all thy works: yea, I exercise myself in the works of thy hands.


Ta mee sheeyney magh my laueyn hoods: ta m'annym paagh er dty hon myr thalloo chirrym.

I stretch forth my hands unto thee: my soul gaspeth unto thee as a thirsty land.


Eaisht rhym, O Hiarn, as shen dy leah, son ta my spyrryd gannooinaghey: ny follee voym dt eddin, nagh bee'm casley roosyn ta goll sheese ayns yn oaie.

Hear me, O Lord, and that soon, for my spirit waxeth faint: hide not thy face from me, lest I be like unto them that go down into the pit.


O lhig dou clashtyn dty chenjallys-ghraihagh leah 'sy voghrey, son aynyds ta my hreishteil: jeeagh dou yn raad ayn lhisin gimmeeaght, son hoods ta mee troggal seose m'annym.

O let me hear thy loving-kindness betimes in the morning, for in thee is my trust: shew thou me the way that I should walk in, for I lift up my soul unto thee.


Livrey mee, O Hiarn, veih my noidyn: son hoods ta mee chea dy my choadey.

Deliver me, O Lord, from mine enemies: for I flee unto thee to hide me.


Ynsee dou dy yannoo dt'aigney, son she uss my Yee: lhig da dty Spyrryd graihagh mish y leeideil gys y cheer dy chairys.

Teach me to do the thing that pleaseth thee, for thou art my God: let thy loving Spirit lead me forth into the land of righteousness.


Niartee mee, O Hiarn, er graih dt'Ennym: as er graih dty ynrickys, jean m'annym y reaghey ass seaghyn.

Quicken me, O Lord, for thy Name's sake: and for thy righteousness' sake bring my soul out of trouble.


As jeh dty vieys giare sheese my noidyn: as stroie adsyn ooilley ta jannoo tranlaase er m'annym, son mish dty harvaant.

And of thy goodness slay mine enemies: and destroy all them that vex my soul; for I am thy servant.