The Bible


Hiarn, ta mee geamagh ort, jean siyr hym: as cur geill da my choraa, tra ta mee jannoo m'accan hood.

Lord, I call upon thee, haste thee unto me: and consider my voice when I cry unto thee.


Lhig da my phadjer v'er ny hebbal ayns dt'enish myr yn incense: as lhig da troggal seose my laueyn 've myr oural yn astyr.

Let my prayer be set forth in thy sight as the incense: and let the lifting up of my hands be an evening sacrifice.


Soie arrey, O Hiarn, roish my veeal: as freill dorrys my veillyn.

Set a watch, O Lord, before my mouth: and keep the door of my lips.


O ny lhig da my chree ve er ny lhoobey gys drogh obbyr er-bee: ny lhig dou raad y choyrt dou hene ayns cliaghtaghyn mee-chrauee, mâroosyn ta gobbraghey olk; er-aggle dy goym commee jeh ny t'ad goaill taitnys ayn.

O let not mine heart be inclined to any evil thing: Let me not be occupied in ungodly works with the men that work wickedness, neither let me eat of such things as please them.


Ny sleaie lhig da deiney mie m'y cherraghey ayns aigney-mie: as oghsan y choyrt dou.

Let the righteous rather smite me friendly: and reprove me.


As bee shoh myr ooil slayntoil, nagh brish my chione: nee'm padjer foast y ghoaill noi'n olkys oc.

Yea, let not my head refuse their precious balms: as for the ungodly, I will pray yet against their wickedness.


Lhig da ny briwnyn oc cherraghtyn ayns ynnydyn claghagh: dy vod ad clashtyn, my ghoan, son t'ad millish.

Let their judges be overthrown in stony places: that they may hear my words, for they are sweet.


Ta ny craueyn ain ny lhie skeaylt er beeal yn oaie: 'naght myr ta fer brishey as scoltey fuygh er y thalloo.

Our bones lie scattered before the pit: like as when one breaketh and heweth wood upon the earth.


Agh ta my hooillyn jeeaghyn hoods, O Hiarn Yee: aynyds ta my hreishteil, O ny Jean m'annym y hreigeil.

But mine eyes look unto thee, O Lord God: in thee is my trust, O cast not out my soul.


Freill mee veih'n ribbey t'ad er hoiaghey er my hon: as voish geulaghyn ny drogh-yantee.

Keep me from the snare that they have laid for me: and from the traps of the wicked doers.


Lhig da ny mee-chrauee tuittym lesh-y-cheilley ayns ny ribbaghyn oc hene: as lhig dooys dy bragh ad y haghney.

Let the ungodly fall into their own nets together: and let me ever escape them.