The Bible

1

Livrey mee, O Hiarn, veih'n drogh ghooinney: as freill mee veih'n dooinney dewil;

Deliver me, O Lord, from the evil man: and preserve me from the wicked man.

2

Ta smooinaghtyn er olk ayns nyn greeaghyn: as dy kinjagh greesaghey seose anvea.

Who imagine mischief in their hearts: and stir up strife all the day long.

3

T'ad er slhieu nyn jengaghyn myr ard nieu: ta pyshoon yn adder fo nyn meillyn.

They have sharpened their tongues like a serpent: adder's poison is under their lips.

4

Freill mee, O Hiarn, veih laueyn ny mee-chrauee: jean m'y choadey veih ny tranlaasee, ta kiarit dy my hilgey harrish ayns my raaidyn.

Keep me, O Lord, from the hands of the ungodly: preserve me from the wicked men, who are purposed to overthrow my goings.

5

Ta ny mooaralee er hoiaghey ribbey er my hon, as er skeayley magh lieen dy lhean lesh coyrdyn: dy jarroo t'ad er hoiaghey trappyn ayns my raad.

The proud have laid a snare for me, and spread a net abroad with cords: yea, and set traps in my way.

6

Dooyrt mee rish y Chiarn, She uss my Yee: eaisht rish coraa my phadjeryn, O Hiarn.

I said unto the Lord, Thou art my God: hear the voice of my prayers, O Lord.

7

O Hiarn Yee, uss niart my lhaynt: t'ou er choodaghey my chione ayns laa yn chaggey.

O Lord God, thou strength of my health: thou hast covered my head in the day of battle.

8

Ny lhig da'n dooinney mee-chrauee cooilleen aigney 'gheddyn orrym, O Hiarn: ny lhig da ny saaseyn aggairagh echey goaill toshiaght, nagh bee ad ro voyrnagh.

Let not the ungodly have his desire, O Lord: let not his mischievous imagination prosper, lest they be too proud.

9

Lhig da olkys nyn meillyn hene tuittym er y chione ocsyn: ta dy my hionney stiagh er dy chooilley heu.

Let the mischief of their own lips fall upon the head of them: that compass me about.

10

Lhig da smarageyn jiarg losht tuittym orroo: lhig daue ve tilgit ayns yn aile, as ayns ny ooigyn dowiney, nagh n'irree ad reesht dy bragh.

Let hot burning coals fall upon them: let them be cast into the fire, and into the pit, that they never rise up again.

11

Cha jig y feanish foalsey er y hoshiaght er y thalloo: nee olk yn dooinney tranlaasagh y helg gys e hoyrt-mow.

A man full of words shall not prosper upon the earth: evil shall hunt the wicked person to overthrow him.

12

Shickyr ta mee dy jean y Chiarn cooilleeney 'ghoaill ayns lieh'n voght: as dy gum eh seose cooish yn ymmyrchagh.

Sure I am that the Lord will avenge the poor: and maintain the cause of the helpless.

13

Ver y dooinney ynrick myrgeddin booise da dt'Ennym: as nee'n er-cairagh tannaghtyn ayns dty hilley.

The righteous also shall give thanks unto thy Name: and the just shall continue in thy sight.