The Bible


Ver-ym booise dhyt, O Hiarn, lesh ooilley my chree: dy jarroo fenish ny ainleyn goym arraneyn-moylley hoods.

I will give thanks unto thee, O Lord, with my whole heart: even before the gods will I sing praise unto thee.


Nee'm ooashley 'choyrt kiongoyrt rish dty hiamble casherick, as dt'Ennym y voylley, er coontey dty chenjallys-ghraihagh as dt'ynrickys: son t'ou er ghloyraghey dt' Ennym as dty Ghoo erskyn dy chooilley nhee.

I will worship toward thy holy temple, and praise thy Name, because of thy loving-kindness and truth: for thou hast magnified thy Name, and thy word above all things.


Tra deïe mee ort, ren oo m'y chlashtyn: as m'annym y choamrey lesh mooarane niart.

When I called upon thee, thou heardest me: and enduedst my soul with much strength.


Nee ooilley reeaghyn y thallooin uss y voylley, O Hiarn: son t'ad er chlashtyn goan dty veeal

All the kings of the earth shall praise thee, O Lord: for they have heard the words of thy mouth.


Dy jarroo, gow-ee ad arraneyn ayns raaidyn y Chiarn: Dy vel gloyr y Chiarn mooar.

Yea, they shall sing in the ways of the Lord: that great is the glory of the Lord.


Son ga dy vel y Chiarn ard: ny-yeih t'eh coyrt tastey da'n sleih imlee; agh er son ny mooaralee t'eh jeeaghyn orroo foddey veih.

For though the Lord be high, yet hath he respect unto the lowly: as for the proud, he beholdeth them afar off.


Ga dy vel mee shooyll ayns mean seaghyn, ny-yeih nee oo m'y ooraghey: sheeyn-ee oo magh dty laue er eulys my noidyn, as nee dty laue yesh mish y hauail.

Though I walk is the midst of trouble, yet shalt thou refresh me: thou shalt stretch forth thy hand upon the furiousness of mine enemies, and thy right hand shall save me.


Nee'n Chiarn e chenjallys-ghraihagh y yannoo mie dooys: ta dty vyghin, O Hiarn, farraghtyn son dy bragh; ny jean beg y hoiaghey eisht jeh obbyr dty laueyn hene.

The Lord shall make good his loving-kindness toward me: yea, thy mercy, O Lord, endureth for ever; despise not then the works of thine own hands.