The Bible

1

Hiarn cooinee er David: as ooilley e heaghyn.

Lord, remember David: and all his trouble;

2

Kys ren eh breearrey gys y Chiarn: as gialdyn casherick y yannoo da Jee Ooilley-niartal Yacob.

How he sware unto the Lord: and vowed a vow unto the Almighty God of Jacob;

3

Cha jig-yms fo clea my hie: chamoo hem seose gys my lhiabbee;

I will not come within the tabernacle of mine house: nor climb up into my bed;

4

Cha der-ym cadley da my hooillyn, ny saveenagh da ferrooghyn my hooill: ny cuishlinyn my ching dy ghoaill veg y fea;

I will not suffer mine eyes to sleep, nor mine eye-lids to slumber: neither the temples of my head to take any rest;

5

Derrey yioym magh boayl son chiamble y Chiarn: ynnyd-vaghee son Jee niartal Yacob.

Until I find out a place for the Lord: an habitation for the mighty God of Jacob.

6

Cur-my-ner, cheayll shin jeh ec Ephrata: as hooar shin eh ayns y cheyll.

Lo, we heard of the same at Ephrata: and found it in the wood.

7

Hem mayd stiagh ayns y chabbane-agglish echeysyn: as tuittee mayd injil er nyn ghlioonyn kiongoyrt rish stoyl e choshey.

We will go into his tabernacle: and fall low on our knees before his footstool.

8

Trog ort, O Hiarn, gys ynnyd dt'ea: uss, as arg dty niart.

Arise, O Lord, into thy resting-place: thou, and the ark of thy strength.

9

Lhig da dty haggyrtyn 've coamrit lesh cairys; as lhig da dty nooghyn kiaulleeaght 'yannoo lesh boggey.

Let thy priests be clothed with righteousness: and let thy saints sing with joyfulness.

10

Er graih dty harvaant David: Dy chyndaa ersooyl eddin dt'Er-ooïlit.

For thy servant David's sake: turn not away the presence of thine anointed.

11

Ta'n Chiarn er n'yannoo breearrey firrinagh da David: as cha jed eh n'oi;

The Lord hath made a faithful oath unto David: and he shall not shrink from it;

12

Jeh mess dty chorp: neem's soiaghey er dty stoyl-reeoil.

Of the fruit of thy body: shall I set upon thy seat.

13

My nee dty chloan freayll my chonaant as my recortyssyn neem's gynsaghey daue: nee'n chloan ocsyn myrgeddin soie er dty stoyl-reeoil er son dy bragh.

If thy children will keep my covenant, and my testimonies that I shall learn them: their children also shall sit upon thy seat for evermore.

14

Son ta'n Chiarn er ghoaill Sion myr reih dy ve ynnyd-vaghee da-hene: t'eh er goaill taitnys ayn-jee.

For the Lord hath chosen Sion to be an habitation for himself: he hath longed for her.

15

Shoh'n raad vee'm ec fea, son dy bragh: ayns shoh nee'm cummal son ta mee goaill boggey ayn.

This shall be my rest for ever: here will I dwell, for I have a delight therein.

16

Nee'm yn beaghey eck y vannaghey lesh bishagh: as nee'm ny boghtyn eck y yannoo magh lesh arran.

I will bless her victuals with increase: and will satisfy her poor with bread.

17

Ny saggyrtyn eck nee'm y choamrey lesh slaynt: as gow-ee ny nooghyn eck boggey lesh arraneyn-moyllee.

I will deck her priests with health: and her saints shall rejoice and sing.

18

Shen y raad ver-ym er niart Ghavid dy vlaaghey: ta mee er n'oardaghey londeyr son my Er-ooïlit.

There shall I make the horn of David to flourish: I have ordained a lantern for mine anointed.

19

Er son e noidyn, nee'm adsyn y choodaghey lesh nearey: agh er hene nee'n attey echey cur magh blaa.

As for his enemies, I shall clothe them with shame: but upon himself shall his crown flourish.