The Bible


Shimmey keayrt t'ad er chaggey m'oï veih my aegid: foddee Israel nish gra;

Many a time have they fought against me from my youth up: may Israel now say.


Dy jarroo, shimmey keayrt t'ad er n'yannoo tranlaase orrym veih m'aegid derrey nish: agh cha vel ad er chosney orrym.

Yea, many a time have they vexed me from my youth up: but they have not prevailed against me.


Ta ny errooyn er hraaue er my ghreeym: as er n'yannoo creaghyn liauyrey;

The plowers plowed upon my back: and made long furrows.


Agh ta'n Chiarn cairagh: er vrishey ribbaghyn ny mee-chrauee dy peeshyn.

But the righteous Lord: hath hewn the snares of the ungodly in pieces.


Lhig dauesyn v'er nyn goyrt gys nearey as er nyn gastey: whilleen as t'ayns drogh-aigney gys Sion.

Let them be confounded and turned backward: as many as have evil will at Sion.


Dy jarroo, lhig daue 've myr y faiyr gaase er mullagh y thie: ta fioghey roish my te slane er n'aase;

Let them be even as the grass upon the house-tops: which withereth afore it is plucked up;


Lesh cha vel y beaynnee lhieeney e laue: ny eshyn ta kiangley ny bunneeyn e oghrish.

Whereof the mower filleth not his hand: neither he that bindeth up the sheaves his bosom.


Myr shen nagh vel adsyn ta goll shaghey wheesh as gra, Dy vannee yn Chiarn diu: aigh mie diu ayns Ennym y Chiarn.

So that they who go by say not so much as, The Lord prosper you: we wish you good luck in the Name of the Lord.