The Bible

1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66
67
68
69
70
71
72
73
74
75
76
77
78
79
80
81
82
83
84
85
86
87
88
89
90
91
92
93
94
95
96
97
98
99
100
101
102
103
104
105
106
107
108
109
110
111
112
113
114
115
116
117
118
119
120
121
122
123
124
125
126
127
128
129
130
131
132
133
134
135
136
137
138
139
140
141
142
143
144
145
146
147
148
149
150

Cur-jee booise da'n Chiarn, son t'eh graysoil: son ta e vyghin farraghtyn son dy bragh.

O give thanks unto the Lord, for he is gracious: because his mercy endureth for ever.

Lhig da Israel nish goaill rish dy vel eh graysoil: as dy vel e vyghin farraghtyn son dy bragh.

Let Israel now confess that he is gracious: and that his mercy endureth for ever.

Lhig da thie Aaron nish goaill-rish: dy vel e vyghin farraghtyn son dy bragh.

Let the house of Aaron now confess: that his mercy endureth for ever.

Dy jarroo, lhig dauesyn ta nish aggle orroo-roish y Chiarn, goaill-rish: dy vel e vyghin farraghtyn son dy bragh.

Yea, let them now that fear the Lord confess: that his mercy endureth for ever.

Deïe mee er y Chiarn ayns my heaghyn: as hug y Chiarn slane clashtyn dou.

I called upon the Lord in trouble: and the Lord heard me at large.

Ta'n Chiarn er my lieh's: cha bee aggle orrym jeh ny oddys dooinney y yannoo rhym.

The Lord is on my side: I will not fear what man doeth unto me.

Ta'n Chiarn goaill my phaart mâroosyn ta cooney lhiam: shen-y-fa hee-ym my yeearree er my noidyn.

The Lord taketh my part with them that help me: therefore shall I see my desire upon mine enemies.

Te ny share dy hreishteil ayns y Chiarn: na dy chur barrant erbee gys dooinney.

It is better to trust in the Lord: than to put any confidence in man.

Te ny share dy hreishteil ayns y Chiarn: na dy chur treishteil erbee ayns princeyn.

It is better to trust in the Lord: than to put any confidence in princes.

Ren dy chooilley ashoon cheet mygeayrt-y-moom: agh ayns Ennym y Chiarn nee'm ad y stroie.

All nations compassed me round about: but in the Name of the Lord will I destroy them.

Ren ad m'y hionney er dy chooilley heu, haink ad chionn orrym, ta mee gra, er dy chooilley heu: agh ayns ennym y Chiarn stroie-ym ad.

They kept me in on every side, they kept me in, I say, on every side: but in the Name of the Lord will I destroy them.

Haink ad mygeayrt-y-moom myr shellanyn as t'ad er ny vooghey myr aile mastey drineyn: son ayns Ennym y Chiarn nee'm ad y stroie.

They came about me like bees, and are extinct even as the fire among the thorns: for in the Name of the Lord I will destroy them.

T'ou er lhie dy trome orrym dy my lhieggal: agh va'n Chiarn my chooney.

Thou hast thrust sore at me, that I might fall: but the Lord was my help.

Ta'n Chiarn my niart as my arrane: as t'eh er jeet dy ve my haualtys.

The Lord is my strength, and my song: and is become my salvation.

Ta coraa boggey as slaynt ayns cummallyn y vooinjer chairagh: ta laue yesh y Chiarn coyrt lesh reddyn yindyssagh gys kione.

The voice of joy and health is in the dwellings of the righteous: the right hand of the Lord bringeth mighty things to pass.

Ta laue yesh y Chiarn erskyn ooilley: ta laue yesh y Chiarn cur lesh reddyn yindyssagh mygeayrt.

The right hand of the Lord hath the pre-eminence: the right hand of the Lord bringeth mighty things to pass.

Cha voym baase, agh bee'm er my reayll bio: dy hoilshaghey magh obbraghyn y Chiarn.

I shall not die, but live: and declare the works of the Lord.

Ta'n Chiarn er my smaghtaghey as er my cherraghey: agh cha vel eh er my livrey harrish gys baase.

The Lord hath chastened and corrected me: but he hath not given me over unto death.

Foshil-jee dooys giattyn y chairys: dy voddym goll stiagh orroo, as booise y choyrt da'n Chiarn.

Open me the gates of righteousness: that I may go into them, and give thanks unto the Lord.

Shoh giat y Chiarn: hed y vooinjer chrauee stiagh ayn.

This is the gate of the Lord: the righteous shall enter into it.

Ver-yms booise dhyt, son t'ou er my chlashtyn: as er jeet dy ve my haualtys.

I will thank thee, for thou hast heard me: and art become my salvation.

Yn chlagh cheddin ren ny masoonee y vee-lowal: ta er jeet dy ve yn ard chlagh-chorneilagh.

The same stone which the builders refused: is become the head-stone in the corner.

Shoh jannoo yn Chiarn: as te yindyssagh ayns ny sooillyn ain.

This is the Lord's doing: and it is marvellous in our eyes.

Shoh'n laa ta'n Chiarn er n'oardaghey: gow-ee mayd boggey as bee mayd gennal ayn.

This is the day which the Lord hath made: we will rejoice and be glad in it.

Cooin lhiam nish, O Hiarn: O Hiarn, cur dooin nish maynrys.

Help me now, O Lord: O Lord, send us now prosperity.

Bannit t'eshyn ta cheet ayns Ennym y Chiarn: ta shin er vannaghey diuish ta jeh thie'n Chiarn.

Blessed be he that cometh in the Name of the Lord: we wish you good luck from the house of the Lord.

Jee yn Chiarn t'er chur dooin soilshey: kiangle-jee yn oural lesh coyrdyn, gys eer eairkyn yn altar.

God is the Lord who hath shewed us light: bind the sacrifice with cords, yea, even unto the horns of the altar.

She uss my Yee, as ver-ym booise dhyt: uss my Yee, as ver-ym moylley dhyt.

Thou art my God, and I will thank thee: thou art my God, and I will praise thee.

O cur-jee booise da'n Chiarn, son t'eh graysoil: as ta e vyghin farraghtyn son dy bragh.

O give thanks unto the Lord, for he is gracious: and his mercy endureth for ever.