The Bible

1

Ver-yms booise da'n Chiarn lesh ooilley my chree: ayns sheshaght er-lheh yn vooinjer chrauee, as ayns chaglym y phobble.

I will give thanks unto the Lord with my whole heart: secretly among the faithful, and in the congregation.

2

Ta obbraghyn y Chiarn mooar: er nyn gheddyn magh lioroosyn ooilley ta goaill taitnys ayndoo.

The works of the Lord are great: sought out of all them that have pleasure therein.

3

Ta'n obbyr echey feeu moylley as ooashley: as ta e chairys farraghtyn son dy bragh.

His work is worthy to be praised and had in honour: and his righteousness endureth for ever.

4

Ta'n Chiarn myghinagh as graysoil myr shen er n'yannoo e obbraghyn yindyssagh: dy lhisagh ad ve freilt ayns cooinaghtyn.

The merciful and gracious Lord hath so done his marvellous works; that they ought to be had in remembrance.

5

T'eh er chur beaghey dauesyn ta goaill aggle roish: bee eh dy bragh cooinaghtyn er e chonaant.

He hath given meat unto them that fear him: he shall ever be mindful of his covenant.

6

T'eh er hoilshaghey da e phobble pooar e obbraghyn: dy voddagh eh cur daue eiraght ny ashoonyn.

He hath shewed his people the power of his works: that he may give them the heritage of the heathen.

7

Ta obbraghyn e laueyn ynrickys as briwnys: ta ooilley e annaghyn firrinagh.

The works of his hands are verity and judgement: all his commandments are true.

8

T'ad shassoo shickyr son dy bragh as dy bragh: as t'ad jeant ayns firrinys as corrymid.

They stand fast for ever and ever: and are done in truth and equity.

9

T'eh er choyrt feaysley da e phobble; t eh er harey e chonaant son dy bragh; casherick as arrymagh ta'n Ennym echey.

He sent redemption unto his people: he hath commanded his covenant for ever: holy and reverend is his Name.

10

Ta aggle y Chiarn toshiaght creenaght: toiggal mie t'ocsyn ooilley ta dy ymmyrkey ad-hene cordail rish; ta'n moylley echey farraghtyn son dy bragh.

The fear of the Lord is the beginning of wisdom: a good understanding have all they that do thereafter; the praise of it endureth for ever.