The Bible


O Yee ta my chree aggindagh, ta my chree aggindagh: goym arrane, as verym moylley lesh rere my phooar.

O God, my heart is ready, my heart is ready: I will sing and give praise with the best member I have.


Dooisht, uss lute as chlaasagh: dooisht-yms mee hene feer voghey.

Awake, thou lute, and harp: I myself will awake right early.


Ver-ym booise dhyts, O Hiarn, mastey'n pobble: goym arraneyn-moyllee hoods mastey ny ashoonyn.

I will give thanks unto thee, O Lord, among the people: I will sing praises unto thee among the nations.


Son ta dty vyghin ny syrjey na ny niaughyn: as ta dty ynrickys roshtyn gys ny bodjallyn.

For thy mercy is greater than the heavens: and thy truth reacheth unto the clouds.


Soie oo hene seose, O Yee, erskyn ny niaughyn: as dty ghloyr erskyn ooilley yn seihll;

Set up thyself, O God, above the heavens: and thy glory above all the earth.


Dy vod dty chloan reiht v'er nyn livrey: lhig da dty laue yesh ad y hauail, as clasht uss rhyms.

That thy beloved may be delivered: let thy right hand save them, and hear thou me.


Ta Jee er loayrt ayns e chasherickys, Nee'm er-y-fa shen boggey 'ghoaill, as rheynn-ym Sichem: as towse-ym magh coan Succoth.

God hath spoken in his holiness: I will rejoice therefore, and divide Sichem, and mete out the valley of Succoth.


Ta Gilead lhiam's, as lhiam's Manasses: ta Ephraim myrgeddin troshid my ching;

Gilead is mine, and Manasses is mine: Ephraim also is the strength of my head; Judah is my sceptre;


Ta Judah m'er-reill 'sy leigh, Moab my haagh-nieeaghyn: shooill-ym harrish Edom; harrish Philistia yioym y varriaght.

Moab is my wash-pot; over Edom will I cast out my shoe: upon Philistia will I triumph.


Quoi nee m'y leeideill gys yn ard-valley lajer: quoi ver lesh mee stiagh gys Edom?

Who will lead me into the strong city: and who will bring me into Edom?


Nagh vel uss er hreigeil shin, O Yee: as nagh jean uss, O Yee, goll magh marish ny sheshaghtyn-caggee ain?

Hast not thou forsaken us, O God: and wilt not thou, O God, go forth with our hosts?


O cooin lhien noi'n noid: son s'fardalagh ta cooney dooinney.

O help us against the enemy: for vain is the help of man.


Trooid Jee nee mayd obbraghyn mooarey: as eshyn eh ver fo-chosh nyn noidyn.

Through God we shall do great acts: and it is he that shall tread down our enemies.